無老鍋 西門町店 (中正區)

.
無老鍋
.
我都揀阻2間吃火鍋🤗🤗今日先介紹呢間'無老鍋',第二間就先賣個關子，呢間之前去到話要訂位，所以冇得食，今次我都係冇訂枱既😂好彩有得食，入到去都坐滿8-9成，唔知係咪太耐冇打過邊爐，瘋狂嗌阻勁多野😂食到反晒艇。
.

🔻湯底。。因為第一次所以嗌阻個鴛鴦鍋，佢得2款湯底嫁姐，簡單啲講即係一個辣一個唔辣（麵包豆腐白湯 & 無老鍋香鍋 ) , 有選擇困難症既朋友唔使諗咁多野😂😂佢另外有個叫做冰淇淋豆腐鍋嘅，其實就同白湯鍋一樣只係每人加多一粒冰淇淋豆腐😯😯粒野口感軟綿綿好特別，佢話係用花枝漿製品，不妨試下。
.

🔻肉類。。🔻A5日本和（NT$799)得3塊😱我覺得可以唔使嗌咁貴，因為香港d 涮涮鍋店嗌貴set 仲好食😛 🔻嚴選雪花牛肉（NT$298)不過不失，普普通通打邊爐食開既牛牛。
.

🔻海鮮類。。🔻蟹管肉 🔻蘭花蚌 🔻七星鱸魚 🔻台灣鯛魚片。。整體上都新鮮既，但鮮味不大，有d 普通，係蟹管肉可再叫。
.

🔻丸類。。🔻蛋餃 薄薄蛋皮包住豬肉餡咁，幾得意，不過好易散。🔻超司魚豆腐 呢個好食！一粒細細粒，但係勁多芝士😋😋
.
🔻蔬菜類。。🔻綜合菇 個底仲有秀珍菇，d 菇都好新鮮好大粒，食落入面有水份，唔錯。
.
🔺🔺總結係 我覺得個湯底跟既豆腐同鴨血比起我嗌既餸仲好食，不過服務同環境都好好，坐得好舒服，服務員都面帶笑容好好禮貌，係咁問使唔使加豆腐鴨血🤗🤗價錢我覺得係台灣食野唔使食咁貴，埋單都食阻$8xx 港紙/2個人，食過一次就ok lu😂
.
🔺🔺🔺🔺🔺🔺🔺🔺🔺🔺🔺🔺🔺🔺🔺🔺
.
📍無老鍋 (西門町店）
100台灣台北市中正區中華路一段55號2F
.
💰零售價：人均～NT$1000

鼎王麻辣鍋 台北西門町成都店 (萬華區)

.
鼎王麻辣鍋
.
今日介紹埋第二間既火鍋店，就係"鼎王" ,其實同無老鍋係姐妹店，所以你會見到menu 上既野都幾熟口面，主要黎想試佢個麻辣鍋睇下有冇料到，經過無老鍋果日嗌得太多野既教訓，今次嗌少好多，主打都係肉肉🤗🤗
.

🔻湯底。。 麻辣鍋，佢話可以試阻小辣先，唔夠可以再加辣，佢係屬於一開始冇乜野，愈滾d 味會愈出果種，如果食開辣既朋友一黎可以叫中辣都ok😝😝
.

🔻上選牛小排（NT$780)
牛味幾重既，食落有咬口，但唔un 既，份量都ok
.

🔻特級牛肉（NT298)
都係貪佢唔使Hkd100 有碟牛食下😂😂而且質素又唔差
.

🔻伊比利豬嫩肩胛（NT$660)
我好少打邊爐會叫，不過比佢幅圖吸引左阻😂😂食落我覺得唔輸比牛，真係幾嫩，不過唔係入口即化果種，唔好諗多阻，都係唔un 既姐，點落特製豉油酸酸地，好夾😋😋
.

🔻黃金蟹滑（NT$149)
蟹滑係出面好少見，嗌阻碟黎試，不過係失望既，食唔出有蟹味，而且唔夠彈牙，我食阻一粒就唔想食lu
.
🔺🔺總結係 我覺得呢間既豆腐冇咁好食，佢同無老鍋用既豆腐唔同，無老鍋d 豆腐好食好多，鴨血就大家都差唔多，都係好滑，比我揀再食多次既話，我會揀無老鍋，好似食得開心d 😛😛
.
🔺🔺🔺🔺🔺🔺🔺🔺🔺🔺🔺🔺🔺🔺🔺🔺
.
📍鼎王麻辣鍋 (西門町店）
108台灣台北市萬華區中華路一段152號2樓
.
💰零售價：人均～NT$1000

蜀留香重慶手工酸辣粉 (中山區)

.
蜀留香
.
被騙了被騙了😭😭😭😭😭😭😭😭今次黎到行天宮站本身係想食吐司&蛋餅，但係賣晒，即係google 下呢頭仲有咩好食，見到呢間都有好多bloger 推介，我地又中意食辣野，所以就gogogo la🙃
.

🔻重慶麻辣小麵 (NT$80)
通常第一次食都會叫小辣試下先，廢事辣到pk 成碗都食唔到，黎到係唔辣同埋好淡味，個麵就好普通冇乜特別。。。
.

🔻肥腸酸辣米線 (NT$95)
肥豬ok 唔腥唔臭有咬口，米線偏硬唔知係咪未煮熟，個湯底同樣地好啖口，食阻幾啖就唔想再食。。。
.

🔻紅油抄手 (NT$80)
個皮好厚，個餡有d 肉有d 蔥咁，唔辣既係有d 紅油，唔好食。
.

🔻口水雞 (NT$130)
雞件鞋鞋地，雪阻好耐咁，都係唔辣，
.
🔺🔺總結係 因為小店關係，地方好細環境好迫，要同其他人痴到好埋咁坐，都多人食既，因為得一個煮野一個樓面，所以等野食都等阻半個中，☹️☹️我覺得浪費阻我個肚d 位。。。
.
🔺🔺🔺🔺🔺🔺🔺🔺🔺🔺🔺🔺🔺🔺🔺🔺
.
📍蜀留香
10491台灣台北市中山區民權東路二段92巷1弄6号號
.
💰零售價：人均NT$100-150

老虎醬温州大餛飩 (中正區)

.
老虎醬 溫州大餛飩
.
起身好肚餓，係酒店附近搵野食，見到入面都坐滿7-8成，又剩張2人枱可以坐得舒舒服就入阻去食，環境同香港既茶就同麵店差唔多，當然係冇香港咁迫啦，之後果幾日行到邊都見到溫州大餛飩😂不過係唔同字號，全程講得最多既字就係呢個舖名
.

🔻鮮肉大餛飩湯 (NT$65)
我有預感我食晒d 餛飩已經會飽，所以冇嗌麵，結果係真既，一碗有成6-7粒餛飩，食晒都已經好飽肚，d餛飩真係超大粒，雲吞皮好薄好滑，d 肉好鮮甜多汁，湯底都唔錯，清清地都好味😋
.

🔻蝦肉大餛飩麵 (NT$85)
痴線，又係勁大粒，每粒入面都有3-4隻蝦仔😱😱麵就冇乜特別，都係主打推薦餛飩多d
.
🔻小菜 NT$25
小菜要出去自己拎既，想食咩就拎咩，我拎阻碟醃蘿蔔，冇乜特別既，純粹開下胃😂
.
🔺🔺總結係 冇做功課底下遇到呢間餛飩店都幾喜出望外，成日想再食多次，奈何台灣太多好野食😂😂
.
🔺🔺🔺🔺🔺🔺🔺🔺🔺🔺🔺🔺🔺🔺🔺🔺
.
📍老虎醬 溫州大餛飩
100台灣台北市中正區漢口街一段27號
.
💰零售價：鮮肉大餛飩湯 NT$65 , 蝦肉大餛飩麵 NT$85 , 各式小菜 NT$25

劉山東牛肉麵 (中正區)

.
劉山東牛肉麵
.
同樣地出名既呢間，因為近我地住既酒店，所以就近黎食下，岩岩開舖已經有人排隊，我見前面都唔算多人，又跟住排，但去到食緊既時候就勁長龍😗😗
.

🔻紅燒牛肉麵 (NT$150)
湯底好重牛牛味又唔過咸，我覺得岩岩好，麵條係好似上海粗麵咁，好彈牙好有咬口😍我好中意，當然唔少得牛牛，望落去好似好un 咁，咬落去都唔係用力就咬開阻，淋得黎都有少少咬口既，唔覺唔覺就食晒碗麵，湯都飲埋，勁滿足！
.

🔻清燉牛肉麵 (NT$150)
湯底較紅燒既清，飲落好舒服好似住家湯咁，麵條牛肉同樣地出色，睇返個人口味啦，我2碗都好中意🥰🥰
.

🔻炸排骨 (NT$80)
我見佢寫住賣完就冇，所以唔執輸又嗌一份，真係即叫即炸既，黎到熱辣辣，不過好多油係隻碟到，冇索乾d 油就出，同埋口感同味道都冇乜特別，呢個我就唔建議啦。
.
🔺🔺總結係 永x 同呢間比較，我會推介呢間，地址比較方便，價錢又平，碗麵又好食d ,🥳🥳但唔好介意環境方面唔算太乾淨
.
🔺🔺🔺🔺🔺🔺🔺🔺🔺🔺🔺🔺🔺🔺🔺🔺
.
📍劉山東牛肉麵
100台灣台北市中正區開封街一段14巷2號
.
💰零售價：清燉牛肉麵NT$150 , 紅燒牛肉麵 NT$150 , 炸排骨NT$80