游壽司 中山店 (中山區)

[台北~游壽司 中山店]
本身我哋係經酒店book omakase，點知最後佢哋溝通出錯就變咗食壽司啦！不過店員俾我哋單點時令壽司🍣，師傅亦親自將壽司送上枱面。
1️⃣金目鯛丶海膽丶干貝丶竹筴魚丶青花魚丶比目魚緣側丶酪梨鮪魚丶軟絲刺身丶吞拿魚 NT3960
食完瞞着爹之後真係返唔到轉頭，呢間嘅壽司新鮮程度真係相對失色。我覺得最好食係比目魚緣側，因為油脂香味較重。海膽就唔係太新鮮🤧
🙆🏻‍♀️美味指數:6.45/10
💡整體來講，我覺得用呢個價錢，我寧願食瞞着爹🤭
游壽司 中山店 (中山區)
地址🐾:中山區中山北路一段126巷14號之1

Gontran Cherrier 忠孝旗艦店 (大安區)

[台北~Gontran Cherrier]
係香港K11 Musea已經朝聖過，令次去台灣再試下，因為台灣嘅Gontran Cherrier 唔使排隊之餘仲平香港差唔多一半😱唔只係咁，仲要款式好齊全!!!
1️⃣巧克力可頌🍫 NT52
叫店員烘熱之後，🔪開果下真係有咔嚓聲😍咬落去真係好酥脆，唯一係巧克力🍫味唔夠突出!
🙆🏻‍♀️美味指數:7/10
2️⃣臺灣茶可頌 NT52
臺灣限定!!!淡淡嘅茶味配合酥脆嘅可頌🥐，加上有少少忌廉。可頌🥐牛油香味濃郁，不過自己覺得香港🇭🇰嘅可頌🥐做得比較鬆化出色。
🙆🏻‍♀️美味指數:6.78/10
3️⃣抹茶紅豆可頌 NT58
呢個店員話唔可以烘熱，因為裡面有紅豆餡🙈 抹茶味唔係好食到，紅豆帶有一絲甜意！可頌比較軟淋，冇臺灣茶可頌咁酥脆。
🙆🏻‍♀️美味指數:6.12/10
4️⃣Americano NT75
呷一口美式咖啡☕️再配一口可頌，真係一個享受來㗎！
🙆🏻‍♀️美味指數:7/10
💡整體來講，抵食款式多而且唔使排長龍，仲有得坐低慢慢嘆。台灣店仲有bagel添㗎，不過今次就食唔落啦。
Gontran Cherrier 忠孝旗艦店 (大安區)
地址🐾:大安區忠孝東路四段302號

無老鍋 西門町店 (中正區)

[台北~無老鍋 西門町店]
今次試吓個個都話好正嘅無老鍋，相信大家都唔陌生㗎啦！好多人都話佢服務好好，我去嘅時候冇乜人，但係連介紹Menu都冇😅
1️⃣人蔘豆腐冰淇淋鍋＋麻辣湯底(鴛鴦鍋) NT239/位
豆腐冰淇淋打卡一流，個樣有啲似小雲拎住個舊💩，好似講到好不雅添🤭質感就一般啦，綿綿地冇乜味。火鍋湯底我比較鍾意食麻辣湯底，比較惹味，鹹香味比較重，鴨血唔會覺得有腥味之餘仲好嫩滑添。反觀人蔘豆腐冰淇淋鍋湯底嘅味道唔係好突出。
🙆🏻‍♀️美味指數:6/10
2️⃣日本A5梅花牛 NT799
肉嘅紋理分明，好有嚼勁。食落去似日牛嘅質素，唔係話唔好，但係肉味唔算濃郁。
🙆🏻‍♀️美味指數:6.02/10
3️⃣梅花豬肉 NT288
我覺得佢嘅肉類都係一般般，味道比較淡。
🙆🏻‍♀️美味指數:6.02/10
4️⃣魚餃 NT98
本身其實想要元貝滑，但係佢唔俾我哋就咁叫元貝滑，所以我哋就叫左魚餃。味道普普通通。
🙆🏻‍♀️美味指數:6/10
5️⃣綜合青菜盤 NT188
蔬菜嘅份量好足夠。另外仲有地瓜同紫薯丸，口感唔錯
🙆🏻‍♀️美味指數:6.12/10
6️⃣水蜜桃沙冰
呢個飲落去有少少似藥水味🤢
🙆🏻‍♀️美味指數:5/10
💡整體來講，可能我期望太大，所以失望就越大😣
無老鍋 西門町店 (中正區)
地址🐾:中正區中華路一段55號2樓

慶三號烤肉倉庫早午餐 (中正區)

[台北~慶三號]
朝早起身就去同姥姥👨🏻‍🦳去食早餐，見到呢間環境唔錯又多人食就入咗去試下啦！
1️⃣菜脯豬五花蛋吐司 NT60
我地叫咗當日嘅特餐NT80包一杯炭燒紅茶。吐司唔係好夠熱，而且做唔到好鬆脆嗰種感覺。一咬落去嗰下，姥姥👨🏻‍🦳話食到有微辣嘅感覺。佢用咗切碎豬肉，菜脯同蛋，味道甜甜辣辣。炭燒紅茶加咗甜味，姥姥👨🏻‍🦳就表示覺得麻麻地。
🙆🏻‍♀️美味指數:6.12/10
2️⃣洋芋起司蛋吐司 NT45
芝士，蛋，洋蔥及芋泥。材料幾豐富，不過佢味道就中規中規，冇咩特別。同埋因為凍食啲關係，吐司有少少靭身。
🙆🏻‍♀️美味指數:6.02/10
💡整體來講，雖然環境服務都唔錯，價錢方面同同區嘅早餐店差唔多!
慶三號烤肉倉庫早午餐 (中正區)
地址🐾: 中正區延平南路19號

樂田麵包屋 衡陽店 (中正區)

[台北~樂田麵包屋 (中正區)]
食過一次起士蛋糕🍰之後就真係會愛上💓今次我就試佢嘅同類!每次經過都忍唔住手🙈d香味一傳入我嘅👃🏻就即刻🐶衝入去
1️⃣起士蒸烤蛋糕三文治 NT39 (原價:NT 45)
甜甜地好鬆軟，裡面嘅芝士🧀食落去有d似卡夫芝士🤤唔油膩，食完一d罪惡感都冇😋😋😋
🙆🏻‍♀️美味指數:8.12/10
💡整體來講，性價比高，真係會令我試完再試嘅包包店!!!!
樂田麵包屋 (中正區)
地址🐾:中正區衡陽路99號