打卡精選。滿足少女心。

2019-05-30

屋莎鬆餅屋台北京站店 (大同區)

類別 :

諗住襯佢一開門去walkin。結果都係要等位。
不過可以留電話。有位就會call你。
如果收唔到電話。佢仲可以send message通知你。
呢個安排的確唔錯。可以喺個商場入面一路行一路等。 like

行左30分鐘就收到message有位。

雲之優格。顧名思義就係有一舊舊雲嘅yogurt drink。
沙冰打得幼滑。yogurt味足微酸。好飲。 yummy

煙燻鮭魚明太子海膽麵。麵係大大嘅貝殼粉。
一上枱明太子香氣撲鼻。不過味道反而冇香氣咁濃郁。

原本想食雜莓鬆餅。可惜冇貨。只好揀芒果鬆餅。
點餐時侍應有溫馨提醒芒果係急凍唔係新鮮。大讚。
鬆餅係梳乎厘鬆餅。有香香蛋味同麵粉味。
鬆軟不過又唔會好似食空氣咁。質素頗高。 yummy

可惜芒果味道強差人意。又唔香又冇乜芒果味。

餐廳其實唔full。不過走時出面都仲有好多人等緊位。
可能係因為佢每小時只做20份鬆餅。
如果想試。真係要預留足夠時間。

推薦此食記

0個

你覺得這篇食記:

鼓勵

期待

有趣

感動

羨慕

好圖