OpenRice 主頁
  
buzz_fafa
食記會員 0次成為首位寫食記會員
食記數目 食評數目 11
編輯推薦數目 編輯推薦數目 0
食記被推次數 會員推薦次數 5
人氣指數 人氣指數 60
討論區留言 留言數目 0
上傳照片 上傳照片 48
上傳影片 上傳影片 0
我的推薦食記 我推薦的食記 1
我的餐廳 我的餐廳 24
關注 關注 4
粉絲 粉絲 19
buzz_fafa  等級2
關注 關注  留言 留言給此食家 
排序方法:  日期 笑臉 笑臉 哭臉 哭臉  編輯推薦  餐廳總分 
 
 
 
 
 
  文章形式 文章形式   |   地圖形式 地圖形式
共 11 篇台灣及鄰近地區的食記,正顯示第 1 至 5 篇的食記
2018-01-27
Share on TwitterShare on Facebook
類別 : 日本菜居酒屋壽司/生魚片酒類飲品喝飲聊天

不停都聽到身邊好多朋友介紹瞞著爹嘅魚生丼好正,可惜一直未有機會試到。所以今次嚟台北,一落機就過嚟食。

抱住超級期待嘅心情搵間舖頭係邊,發現原來瞞住爹有5間不同生意嘅舖頭,分別做海鮮丼飯,拉面,壽司,居酒屋同無菜單料理。

幸好嚟到係剛開門無耐,店內唔係太多客人,唔洗排隊就可以直接入座,呢道係要係門口先選好餐付款再入內進食嘅。

一入到直望就見到有一個好大好大嘅廚房見到各位廚司努力甘整緊啲魚生飯,見到都流曬口水呀

我地叫左2個魚生飯

特選綜合海鮮丼: 呢個係排行榜入面嘅top1,貪心嘅老公見到有曬甘多款魚生,就立即決定要呢個。呢個飯舖著滿滿嘅厚切魚生,有三文魚,三文魚子,星鰻,比目魚,帶子,吞拿魚,玉子等

松葉蟹鮭魚親子丼: 熱愛蟹同三文魚嘅我,呢個係不二之選呀!有好多塊厚厚嘅肥美三文魚,玉子,三文魚子,滿滿嘅松葉蟹肉,鮮味蟹膏,仲有鮮蟹肉捧

四到五百多台幣能夠食到甘高質新鮮嘅魚生飯,的確好抵食。下一次再嚟台北,我都會番嚟食呀,又或者試下其下瞞著爹店。

 

 

 

 

評分: 味道 5   環境 5   服務 5   衛生 5   CP值 5

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2018-01-26
Share on TwitterShare on Facebook
類別 : 台灣菜火鍋店其他火鍋

聽過無老鍋呢個名字好多次,今次終於訂到位,食完從此愛上左佢!

因為本人唔食得辣,所以叫左冰淇淋白湯鍋。

店員好溫馨提示,那個冰淇淋豆腐放落湯到煮大約15分鐘,不要攪拌,不則會散掉呀。另外,下單落湯鍋嘅時候會問你,食人蔘/鴨血嗎?唔食可以唔加落湯到。


湯一路滾,濃郁香氣就不斷飄過來,,令人流曬口水呀。湯好足料,有薑片,蒜頭,當歸,川芎,龍眼等等。。。

冰淇淋豆腐:外型好趣緻,如其名有冰淇淋口感,入口即溶
美國雪花肥牛:
份量都幾多,煮6-7秒就可以食得了,幾有牛味。
元貝滑:第一次見,跟想像中口感不一樣,唔同平時個啲蝦滑/墨魚滑甘爽口彈牙,有一條條元貝絲
七星鱸魚:肉質結實,煮得耐也不會散開
水蓮:也是第一次食,清甜爽脆,推薦這個呀
寬粉:份量都幾多

醬油任你調配最適合自己嘅味道,可以加配蒜泥水,香油,白醋,蔥花,辣椒。不過湯非常濃郁,都可以唔洗多點醬油食
亦提示白飯任裝,岩曬各位‘
電飯煲’朋友

不得不讚,無限任添加鴨血跟豆腐,每一次加都係一大碗甘加。這兩個切得薄薄一片,超級超級好食!

配一個冰涼嘅蜜桃冰沙作結,酸酸甜甜,解解整餐的油膩感,非常完滿。(如果喜歡那個冰沙,還可以免費添多一次呀!)

每人大約700台幣,舒適度不錯,美味一餐配有擁用貼心服務,性價比超級高!下一次再來台灣一定要再來吃呀!

 

 

 

 

 

 

 

 

評分: 味道 5   環境 5   服務 5   衛生 5   CP值 5

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2018-01-29
Share on TwitterShare on Facebook
類別 : 日本菜其他火鍋日式涮涮鍋/小火鍋精緻料理慶祝紀念日

大約三年前,睇完一個電視節目介紹之後,兩年前去台灣試過第一次之後,橘色涮涮鍋就成了我們倆去台北嘅必去景點。

網上暫時未能夠提供訂位服務,要直接打電話去預約才可成功訂位!

好好彩我地訂到8:45,只要食得到晚一點都唔緊要。

因為二館有位,所以邀請我地行過一個街口去二館用餐,不用兩分鐘就到。

去到二館比一館環境更好,更寬闊,我地兩人可以坐房,兩人有一張4人大圓枱,比起一館枱同枱中間用簾子分隔更有私人空間,不被干擾。

提供了2款基本沾醬,一款係日本醬油加蘿蔔蓉同葱花,一款係自家製的胡麻醬。

 
因為我地係牛嘅愛好者,點了兩份牛嘅套餐: 澳洲和牛,美頂級牛小排。

前菜有3款供選擇: 和風蕃茄/和風蘆筍豆腐/和風生菜沙拉。 我地選了後二。

 
和風蘆筍豆腐: 豆腐配上酸酸甜甜嘅醬油,仲有蟹肉,南瓜蓉同蘆筍片,十分令人開胃。

 
和風生菜沙拉: 新鮮爽脆蔬菜淋上帶點嗆鼻嘅washabi胡麻醬,配有腰果,特別醒胃。不得不讚,沙律上嘅北海道粟米,非常清甜可口。


火鍋係用銅鍋上,煮著高麗菜清湯。店員好貼心會係上前菜時開始煮蔬菜爐,待你食完前菜就可以立即享用。

 

蔬菜爐嘅份量好多,有高麗菜,白菇,金菇,鮮冬菇,南瓜,芋絲,蕃茄,豆腐,北海道粟米,苣菜,大葱,仲有魚板,芝士竹輪同蟹肉丸。超級超級豐富!!十分欣賞店員把所有材料好整齊甘舖排入鍋煮。大愛北海道粟米,那份清甜係特別不同。

食左大約四份一左右,兩位主角終於出場!

 
牛小排有6件左右,油脂分佈均勻,整齊地排列係碟上面。

 

澳洲和牛擺盤有如一碟藝術品,雪花分佈當然比牛小排更勝一籌,有5片,但每一片都切得非常大片。

 

兩款都係下鍋涮幾秒就可以食,入口即溶,非常美味,整個口都係濃郁嘅牛味,好幸福。和牛不僅係和牛,略比小牛比更勝一籌。

吃得七七八八嘅時候,另一個重頭戲準備出場!就係把一整晚嘅精華火鍋湯煮食粥。

店員首先會把湯內嘅食物撈乾淨,大火煮一陣個湯到更濃郁左之後,會讓我地先試一試個湯會唔會太淡味或太咸味,無問題就會倒入白飯,大火煮大約20分鐘左右,慢慢收汁,令每一粒飯都吸收曬嘅精華,之後再加入雞蛋,紫菜絲同葱花,煮成了一鍋食到停唔到嘅粥。

 

 

 

呢個粥好味道到不得了,好神奇唔洗加任何調味料,已經好夠味。原本已經幾飽,但都停唔到口食左兩碗有多。提供左三款送粥嘅漬物加落去食,但我個人認為冇甘嘅必要已經係完美。

仲有生果同甜品。

 
生果有3件,芭樂,菠蘿同提子,好新鮮好甜。

甜品亦同前菜一樣有三款選擇,有杏仁豆腐,焦糖布丁,紅豆湯丸。我地選擇了頭兩款。

 
杏仁豆腐: 唔會好甜,好香嘅杏仁味,煙煙un un嘅質地,有少少似麻糬質感,好好味呀,連平常唔食杏仁嘅老公都讚。
焦糖布丁: 入口香滑軟嫩,中規中矩。

不得不讚,店員服務非常貼心!餐前餐後都提供熱毛巾抹手,不停為客人烹調食物。

高質素嘅火鍋,下一次再嚟台灣我都會再一定嚟食。或者下次會試下蟹。
用餐日期: 2018-01-26        

評分: 味道 5   環境 5   服務 5   衛生 5   CP值 4

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2018-02-25
Share on TwitterShare on Facebook
類別 : 日本菜燒肉店其他燒肉酒類飲品日式燒肉慶祝紀念日

從大學畢業旅行食過第一次開始,胡同燒肉一向係本人同老婆最愛燒肉店,每次去台北旅遊都會黎食一次,而今個Trip當然都唔例外!今次去的是一號店,同我第一次來一樣,裝橫、服務依舊,人物都依舊,只係身份不同了(心心眼)。
一進去就十分熟架步,將個人物品(包括老婆在對面舖買的一大堆戰利品)放進儲物格, 不用怕東西燻得一股燒肉味道,之後就點了"照舊"的菜式。

 

蟹羔生干貝: 每次必點! 滿滿的蟹羔放在生鮮的生干貝上,再淋上鮮醬油,口感及鮮味十足! 本人最愛之一!

 

清酒(冷): 清酒香醇不用多說,特別的是以特式酒壺來載酒,除了保溫用途外,還增添不少日本風味!

 

這燒肉店一向以一條長吧枱作特式,由工作人員作點菜、準備食材及調味、以至為客人燒肉等一條龍服務,看著他們為我們燒肉亦是賞心樂事! 而所有燒肉都不用另蘸燒肉醬,只提供檸檬汁蘸肉就可帶出鮮味。

 

達拉斯: 胡同招牌菜! 每次必點!牛肉油花分佈均勻,入口即溶! 本人最愛之一!

 
工作人員為我們燒達拉斯時,這畫面太好看了!

 

霜降松阪豬(蒜味): 蒜味是我們的新嘗試,肉質較有咬勁,邊緣烤得很脆,但還是鹽醬比較配!

 

 厚切鮭魚腩: 每次必點! 新鮮肥美的鮭魚是老婆的最愛! 

 

高麗菜: 這也是每次必點! 平衡一下燒肉的油膩感! 還特別配上甜醬,好吃!

最後總結: 美味依舊! 現在在打食評時看到相片已經在懷念。下次來台灣一定再食過!
推薦美食: 達拉斯, 蟹羔生干貝
用餐日期: 2018-01-27        

評分: 味道 5   環境 4   服務 5   衛生 4   CP值 4

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2018-02-04
Share on TwitterShare on Facebook
類別 : 日本菜主題餐廳麵食壽司/生魚片

上一次嚟台北,食過肥前屋嘅鰻魚飯, 覺得都不錯。 今次嚟到中山站, 又唔想去大排長龍,
而且又坐得比較擠迫嘅肥前屋, 就去左係附近行過2個街口嘅鰻料理京都屋。 


餐廳門口有一執半身玻璃, 可以見到一位老師傅好用心製作緊烤鰻魚, 見到我們欣賞目光, 佢回番一個溫暖微笑俾我地。

 

 
入到去餐廳, 座位唔算多, 坐得都算舒服, 唔會好似肥前屋嘈吵,可以靜靜地同老公食午餐。 


餐牌上菜式大部分都係圍繞住鰻魚料理為主, 可以單點鰻魚份, 有大有細, 又或者定食等等。我地叫左一個鰻重(大), 一份鰻丼定食 梅。

 

 
鰻重(大): 係一份大量級鰻魚飯, 附味噌湯、醃漬物, 一打開飯盒個蓋, 一陣好香燒烤味醬汁味撲面而來, 令人食指大動。有4大件鰻魚蓋係飯面, 鰻魚口感紮實而柔嫩, 醬料刷得剛好, 外皮燒到帶點焦香,配上淋有鰻魚汁嘅粒粒分明日本米食, 的確好好味。味噌湯、醃漬物不過不失, 無太大驚喜。

 
鰻丼定食 梅: 我又想食鰻魚, 又喜愛食玉子燒, 鰻丼定食 梅可以一次過滿足曬我兩個願望。鰻魚飯份量相對鰻重細份好多好多, 只係一小碗白飯配上兩小片鰻魚。除了附送味噌湯、醃漬物之外, 亦有一份幾大份蔬菜沙律, 蔬菜新鮮爽口配上酸酸沙律汁, 幾開胃。另一個重頭戲係鰻魚玉子燒, 蛋唔會煮得過熟,仍然仲有少少蛋汁,唔會好似平日嘅偏甜,包住鰻魚塊,好幸福呀!

評分: 味道 5   環境 3   服務 4   衛生 4   CP值 4

推薦此食記

0
 
 
你覺得這篇食記:
鼓勵
期待
有趣
感動
羨慕
好圖


查看結果