eateateatzzz 等級1 | 關注 留言給此食家 |
排序方法:
日期 笑臉 哭臉
編輯推薦 餐廳總分
文章形式 | 地圖形式
2018-03-09
台灣成日落雨☔️無聊就去咗京站food court度睇吓,試咗呢度嘅抺茶🍵 平時都試過好多唔同店鋪嘅抺茶,但呢度嘅茶味好清香,完全唔會有苦澀味,甚至有少少茶嘅清甜🍵雪糕一樣有茶嘅清香,再加上淡淡牛奶味,口感好滑。一場嚟到試咗當日期間限定嘅「抺茶杏仁漂浮」,除咗雪糕同抺茶,茶入面嘅「杏仁豆腐」都好好味!平時唔太鍾意食杏仁,但呢款杏仁豆腐,口感好Q好有咬口,有分白色同綠色,白色嘅杏仁味清淡少少,而綠色一開始會覺得係抺茶味,但咬落就會食到好濃嘅杏仁味🍨 就算唔係抺茶控相信都會愛上! 推薦美食: 大判燒(抹茶外皮、紅豆+蕨餅), 抺茶杏仁漂浮, 厥餅
評分: 味道 5 環境 5 服務 5 衛生 5 CP值 4
2018-03-09
經過見到大排長龍又有設限買,就諗住一試😋排隊嘅時候已經見好多酥皮放滿哂櫥窗,金黃色好飽滿,嗰陣仲未知係咩嚟就跟住排🤣🤣 一開始以為呢啲千層酥入面比較多空氣,但拎上手比想像中重好多!!!!!一咬入面全部都係蘋果粒,店舖話係用咗日本蘋果,蘋果味道好足食得出好新鮮,而且係切粒狀而唔係打溶,保留咗蘋果本身少少爽口嘅口感🍏😋除咗蘋果,餡料仲有吉士醬,比例唔算多,但都好香滑,唔會蓋過本身蘋果嘅香甜👍🏻 當時真係俾鬆脆嘅外皮同餡料吸引咗,隔日忍唔住再試多次,可惜第二次去嘅時候,酥皮已經冧哂一啲都唔脆😕雖然餡料味道一樣,但始終有啲失望...
評分: 味道 4 環境 4 服務 5 衛生 5 CP值 3
2018-03-11
每次去台灣人哋都話呢度嘅胡椒餅係必食,所以都特登去咗試,喺正夜市門口,等嘅人多,整胡椒餅嘅人都好多,相當有規模😯亦因爲整嘅人多,雖然好長龍但都等得唔耐👍🏻 買咗兩個胡椒餅,兩個都有一邊穿咗😶可能因為外皮穿咗既原因,令到餡料食落有少少乾😕食到入面仲好清楚見到外皮嘅厚薄包得唔均勻,一邊好厚另一邊就薄到穿咗🙈影響咗成個餅嘅口感,外皮亦唔脆☹️唔知係咪人流太多以致控制唔到水準?!🤔 而比較好奇嘅係,一路等緊嘅時候,望住啲師傅句胡椒餅,間唔中就將啲本身包好咗嘅餅折番啲餡出嚟,同其他未包嘅餡撈埋一齊,然後又用嚟包過啲新👀 試完冇想像中咁好食,始終少少失望🤧
評分: 味道 3 環境 2 服務 2 衛生 2 CP值 3
|