肥髀媽 等級2 |  關注
 留言給此食家
|
|
排序方法：
日期 笑臉
 哭臉 
編輯推薦 餐廳總分  文章形式 |  地圖形式
2018-01-27
又有同事去完台灣旅遊回來，當然有手信伴手禮比我哋試，今次唔係大路嘅鳳梨酥🍍或太陽餅🌞，呢款幾特別—黑芝麻糖，呢個牌子本身係出名三文治，三文治帶唔到返來做手信，所以同事今次買佢嘅係芝麻糖： 
包裝只係簡單透明密封膠袋，貼上店家招牌，正方形方塊，滿滿芝麻香，咬開好脆口唔會好硬，越𡁻越出芝麻味！芝麻糖味道甜膩，𡁻到出晒芝麻甘香，好味！（我一向好喜歡加芝麻落任何食品上） 有啲特色又好味嘅手信小食，鳳梨酥以外嘅選擇
評分: 味道 5 環境 3 服務 3 衛生 5 CP值 3
2018-01-27
又有同事去完台灣旅遊回來，當然有手信伴手禮比我哋試食，見今次呢款嘅包裝幾特別，一啲都唔台灣感覺，反而好似西式少女感，粉紅底碎花撞粉藍色調，好粉嫩色系 
鳳梨酥🍍：鳳梨酥每個獨立包裝，衛生企理，包裝袋一貫粉色系列，比平時見嘅鳳梨酥🍍尺寸較大件，正方形金黃色外皮，外層幾鬆化，有牛油香，不過唔會好濃！餡料菠蘿略深色，黃啡色菠蘿餡有絲絲菠蘿纖維，味道甜膩唔假！幾好味！ 鳳梨酥依然係我台灣手信首選！食極都唔厭！
評分: 味道 4 環境 3 服務 3 衛生 5 CP值 3
2017-11-26
師弟去完台北遊玩完，買咗幾款手信比我哋食，太陽餅係其中之一，唔知點解太陽餅係手信中，幾大路嘅選擇！不過自己一向對太陽餅印象一般！總覺得佢無餡料咁！只係食酥皮！所以我去台灣都唔會買 今次呢款太陽餅紙盒大，白紙盒貼咗張大大張紅紙，感覺幾娘！入面放咗10個獨立包裝嘅太陽餅！
太陽餅始終唔係我杯茶
評分: 味道 3 環境 3 服務 3 衛生 3 CP值 3
2017-11-22
小師弟去完台北玩，買咗啲手信比我哋試食，呢款係其一款，鳳梨酥係咁多種台灣手信中我最喜愛嘅食品！ 
新東陽 唐點子 鳳梨酥：長條狀硬皮紙盒，上面嘅中英文剪報式字樣，加上掃描畫係台北地標建築物同景點，貼題又唔娘！（一洗我對新東陽嘅既定印象）一盒5個，每個獨立包裝，乾淨企理，打開見金黃色鳳梨酥，表皮光滑，咬開酥皮好香牛油味，入面嘅鳳梨餡煙韌，甜膩唔假！味道好味！ 香港去台灣旅遊太容易！希望大家都會買唔同品牌嘅鳳梨酥比我試！
評分: 味道 4 環境 3 服務 3 衛生 5 CP值 3
2017-07-01
同事去親台灣買嘅手信，鳳梨酥必然是首選，所以可以試到唔同嘅餅家出嘅鳳梨酥特色，今次呢間餅店未試過，因為同事唔同辦公室，佢攞比我，見唔到個大包裝，只只一件膠袋獨立包裝嘅鳳梨酥，紅色包裝上有中國仕女同牡丹花嘅圖像，加啲中國詩句！幾詩意！
鳳梨酥：外面表皮光滑，淺黃色但唔係金黃色，咬落有牛油香味兼幾鬆化，鳳梨餡幾多，口感煙韌但唔香鳳梨味道，無果肉絲，味道偏甜！只係黃色啫哩，整體ok 鳳梨酥太多餅家出，要突出表現都幾難！
評分: 味道 3 環境 3 服務 3 衛生 4 CP值 3
|
5次成為首位寫食記會員
食評數目
編輯推薦數目
0
會員推薦次數
1
人氣指數
39
留言數目
上傳照片
上傳影片
我推薦的食記
我的餐廳
關注
15
粉絲
3046
