肥髀媽 等級2 |  關注
 留言給此食家
|
|
排序方法：
日期 笑臉
 哭臉 
編輯推薦 餐廳總分  文章形式 |  地圖形式
2017-11-26
師弟去完台北遊玩完，買咗幾款手信比我哋食，呢款比較少見（應該說好少去台灣買呢種手信） 
紫色紙盒，封面相片比較娘，入面有6個酥，每個有用透明膠盒獨立包裝，賣相似潮州酥餅/月餅，圓形賣相粉紫色幾靚，脹卜卜，咬開外層酥皮，酥皮食落比較乾，質地唔夠鬆化，入面有厚厚嘅紫芋頭蓉，味道唔太甜，芋頭唔會打得太滑到食唔出質地，比較實，芋頭味濃，入面仲有包裹住啲麻糬，麻糬好煙韌! 整個紫晶酥層次分明！幾好味 不一樣的台灣手信
評分: 味道 4 環境 3 服務 3 衛生 4 CP值 3
2017-11-22
小師弟去完台北玩，買咗啲手信比我哋試食，呢款係其一款，鳳梨酥係咁多種台灣手信中我最喜愛嘅食品！  
新東陽 唐點子 鳳梨酥：長條狀硬皮紙盒，上面嘅中英文剪報式字樣，加上掃描畫係台北地標建築物同景點，貼題又唔娘！（一洗我對新東陽嘅既定印象）一盒5個，每個獨立包裝，乾淨企理，打開見金黃色鳳梨酥，表皮光滑，咬開酥皮好香牛油味，入面嘅鳳梨餡煙韌，甜膩唔假！味道好味！ 香港去台灣旅遊太容易！希望大家都會買唔同品牌嘅鳳梨酥比我試！
評分: 味道 4 環境 3 服務 3 衛生 5 CP值 3
2017-07-01
同事去親台灣買嘅手信，鳳梨酥必然是首選，所以可以試到唔同嘅餅家出嘅鳳梨酥特色，今次呢間餅店未試過，因為同事唔同辦公室，佢攞比我，見唔到個大包裝，只只一件膠袋獨立包裝嘅鳳梨酥，紅色包裝上有中國仕女同牡丹花嘅圖像，加啲中國詩句！幾詩意！
鳳梨酥：外面表皮光滑，淺黃色但唔係金黃色，咬落有牛油香味兼幾鬆化，鳳梨餡幾多，口感煙韌但唔香鳳梨味道，無果肉絲，味道偏甜！只係黃色啫哩，整體ok 鳳梨酥太多餅家出，要突出表現都幾難！
評分: 味道 3 環境 3 服務 3 衛生 4 CP值 3
2017-05-23
同事去完台北旅行嘅手信，當然會有鳳梨酥，成日食到鳳梨酥，多少都有啲偏好，同事話呢間餅店除鳳梨酥仲有好多款式（連嫁女餅都有）而且為保證品質，全台灣只有一間分店！（另一間在上海）
呢間餅店未食過，包裝幾靚，大紅色紙盒搶眼，入面鳳梨酥獨立包裝，黃色膠袋有大大個菠蘿，紅撞黃色好搶眼！打開一個袋，幾香牛油味，曲奇皮鬆脆，入面嘅菠蘿餡較沉色，見到一絲絲餡！食到一絲絲質感，菠蘿餡甜膩，又唔會無晒菠蘿味！好食！ 每次同事去完旅行都祈待有唔同嘅手信！可以試到唔同風味！
評分: 味道 4 環境 3 服務 3 衛生 4 CP值 3
2017-05-23
同事去完台北旅行嘅手信，一袋雜錦餅乾，
試咗三款：
海苔煎餅：賣相得意，好似幸運曲奇咁捲起，餅身偏硬，食落有麵粉香，不過唔鬆化，海苔粉幾香！好夾餅乾！
奶油煎餅：不規則的正方形，餅身偏硬，食落有麵粉香，唔夠鬆化，其實唔覺奶油味！普通！
捲心餅：外層好鬆化，奶油幾香！中央奶油打得滑，唔會過甜！幾好味！ 餅乾舊風格，幾特別！
評分: 味道 4 環境 3 服務 3 衛生 4 CP值 3
|
5次成為首位寫食記會員
食評數目
編輯推薦數目
0
會員推薦次數
1
人氣指數
36
留言數目
上傳照片
上傳影片
我推薦的食記
我的餐廳
關注
15
粉絲
3022
