肥髀媽 等級2 |  關注
 留言給此食家
|
|
排序方法：
日期 笑臉
 哭臉 
編輯推薦 餐廳總分  文章形式 |  地圖形式
2017-11-22
小師弟去完台北玩，買咗啲手信比我哋試食，呢款係其一款，鳳梨酥係咁多種台灣手信中我最喜愛嘅食品！  
新東陽 唐點子 鳳梨酥：長條狀硬皮紙盒，上面嘅中英文剪報式字樣，加上掃描畫係台北地標建築物同景點，貼題又唔娘！（一洗我對新東陽嘅既定印象）一盒5個，每個獨立包裝，乾淨企理，打開見金黃色鳳梨酥，表皮光滑，咬開酥皮好香牛油味，入面嘅鳳梨餡煙韌，甜膩唔假！味道好味！ 香港去台灣旅遊太容易！希望大家都會買唔同品牌嘅鳳梨酥比我試！
評分: 味道 4 環境 3 服務 3 衛生 5 CP值 3
2018-01-27
又有同事去完台灣旅遊回來，當然有手信伴手禮比我哋試，今次呢兩款包裝幾特別，太陽餅+鳳梨酥 
太陽餅🌞自己對太陽餅一直都唔喜歡，呢隻牌子包裝盒好油畫風，好搶眼黃色，每個太陽餅獨立包裝，反而好清嘅白色膠袋，太陽餅奶白色，一片片酥皮好多層，食落都係偏淡，一樣都唔得我心，反而隨盒嘅感謝信幾窩心！
17號鳳梨酥：極華麗嘅油畫風包裝盒，好搶眼，每個鳳梨酥獨立包裝，圓形⭕️鳳梨酥比較少見，外層鬆脆牛油香，入面嘅鳳梨餡略深色，一絲絲粗纖維較粗嚡，味道清甜唔假！幾好！ 台灣中部手信
評分: 味道 4 環境 3 服務 3 衛生 4 CP值 3
2018-01-27
又有同事去完台灣旅遊回來，當然有手信伴手禮比我哋試，今次呢兩款包裝幾特別，太陽餅+檸檬餅
檸檬餅🍋：呢款第一次食，檸檬黃色包裝餅好搶眼，每個檸檬餅獨立包裝，要雪藏，蛋糕鬆軟，入面蛋榚半軟好鬆軟好滑，檸檬味清新，唔太甜！好味！ 檸檬餅有驚喜！可以有新款小食！
評分: 味道 4 環境 3 服務 3 衛生 4 CP值 3
2017-11-26
師弟去完台北遊玩完，買咗幾款手信比我哋食，呢款比較少見（應該說好少去台灣買呢種手信）
紫色紙盒，封面相片比較娘，入面有6個酥，每個有用透明膠盒獨立包裝，賣相似潮州酥餅/月餅，圓形賣相粉紫色幾靚，脹卜卜，咬開外層酥皮，酥皮食落比較乾，質地唔夠鬆化，入面有厚厚嘅紫芋頭蓉，味道唔太甜，芋頭唔會打得太滑到食唔出質地，比較實，芋頭味濃，入面仲有包裹住啲麻糬，麻糬好煙韌! 整個紫晶酥層次分明！幾好味 不一樣的台灣手信
評分: 味道 4 環境 3 服務 3 衛生 4 CP值 3
2017-05-23
同事去完台北旅行嘅手信，當然會有鳳梨酥，成日食到鳳梨酥，多少都有啲偏好，同事話呢間餅店除鳳梨酥仲有好多款式（連嫁女餅都有）而且為保證品質，全台灣只有一間分店！（另一間在上海）
呢間餅店未食過，包裝幾靚，大紅色紙盒搶眼，入面鳳梨酥獨立包裝，黃色膠袋有大大個菠蘿，紅撞黃色好搶眼！打開一個袋，幾香牛油味，曲奇皮鬆脆，入面嘅菠蘿餡較沉色，見到一絲絲餡！食到一絲絲質感，菠蘿餡甜膩，又唔會無晒菠蘿味！好食！ 每次同事去完旅行都祈待有唔同嘅手信！可以試到唔同風味！
評分: 味道 4 環境 3 服務 3 衛生 4 CP值 3
|
5次成為首位寫食記會員
食評數目
編輯推薦數目
0
會員推薦次數
1
人氣指數
37
留言數目
上傳照片
上傳影片
我推薦的食記
我的餐廳
關注
15
粉絲
3025
