肥髀媽 等級2 |  關注
 留言給此食家
|
|
排序方法：
日期 笑臉
 哭臉 
編輯推薦 餐廳總分  文章形式 |  地圖形式
2018-01-27
又有同事去完台灣旅遊回來，當然有手信伴手禮比我哋試，今次呢兩款包裝幾特別，太陽餅+檸檬餅 
檸檬餅🍋：呢款第一次食，檸檬黃色包裝餅好搶眼，每個檸檬餅獨立包裝，要雪藏，蛋糕鬆軟，入面蛋榚半軟好鬆軟好滑，檸檬味清新，唔太甜！好味！ 檸檬餅有驚喜！可以有新款小食！
評分: 味道 4 環境 3 服務 3 衛生 4 CP值 3
2018-01-27
又有同事去完台灣旅遊回來，當然有手信伴手禮比我哋試食，見今次呢款嘅包裝幾特別，一啲都唔台灣感覺，反而好似西式少女感，粉紅底碎花撞粉藍色調，好粉嫩色系 
鳳梨酥🍍：鳳梨酥每個獨立包裝，衛生企理，包裝袋一貫粉色系列，比平時見嘅鳳梨酥🍍尺寸較大件，正方形金黃色外皮，外層幾鬆化，有牛油香，不過唔會好濃！餡料菠蘿略深色，黃啡色菠蘿餡有絲絲菠蘿纖維，味道甜膩唔假！幾好味！ 鳳梨酥依然係我台灣手信首選！食極都唔厭！
評分: 味道 4 環境 3 服務 3 衛生 5 CP值 3
2017-11-26
師弟去完台北遊玩完，買咗幾款手信比我哋食，呢款比較少見（應該說好少去台灣買呢種手信）
紫色紙盒，封面相片比較娘，入面有6個酥，每個有用透明膠盒獨立包裝，賣相似潮州酥餅/月餅，圓形賣相粉紫色幾靚，脹卜卜，咬開外層酥皮，酥皮食落比較乾，質地唔夠鬆化，入面有厚厚嘅紫芋頭蓉，味道唔太甜，芋頭唔會打得太滑到食唔出質地，比較實，芋頭味濃，入面仲有包裹住啲麻糬，麻糬好煙韌! 整個紫晶酥層次分明！幾好味 不一樣的台灣手信
評分: 味道 4 環境 3 服務 3 衛生 4 CP值 3
2017-11-22
小師弟去完台北玩，買咗啲手信比我哋試食，呢款係其一款，鳳梨酥係咁多種台灣手信中我最喜愛嘅食品！ 
新東陽 唐點子 鳳梨酥：長條狀硬皮紙盒，上面嘅中英文剪報式字樣，加上掃描畫係台北地標建築物同景點，貼題又唔娘！（一洗我對新東陽嘅既定印象）一盒5個，每個獨立包裝，乾淨企理，打開見金黃色鳳梨酥，表皮光滑，咬開酥皮好香牛油味，入面嘅鳳梨餡煙韌，甜膩唔假！味道好味！ 香港去台灣旅遊太容易！希望大家都會買唔同品牌嘅鳳梨酥比我試！
評分: 味道 4 環境 3 服務 3 衛生 5 CP值 3
2017-05-23
同事去完台北旅行嘅手信，當然會有鳳梨酥，成日食到鳳梨酥，多少都有啲偏好，同事話呢間餅店除鳳梨酥仲有好多款式（連嫁女餅都有）而且為保證品質，全台灣只有一間分店！（另一間在上海）
呢間餅店未食過，包裝幾靚，大紅色紙盒搶眼，入面鳳梨酥獨立包裝，黃色膠袋有大大個菠蘿，紅撞黃色好搶眼！打開一個袋，幾香牛油味，曲奇皮鬆脆，入面嘅菠蘿餡較沉色，見到一絲絲餡！食到一絲絲質感，菠蘿餡甜膩，又唔會無晒菠蘿味！好食！ 每次同事去完旅行都祈待有唔同嘅手信！可以試到唔同風味！
評分: 味道 4 環境 3 服務 3 衛生 4 CP值 3
|
5次成為首位寫食記會員
食評數目
編輯推薦數目
0
會員推薦次數
1
人氣指數
39
留言數目
上傳照片
上傳影片
我推薦的食記
我的餐廳
關注
15
粉絲
3046
