肥髀媽 等級2 | 關注 留言給此食家 |
排序方法:
日期 笑臉 哭臉
編輯推薦 餐廳總分
文章形式 | 地圖形式
2018-05-01
台灣高雄墾丁之旅,去到墾丁大街搵食,行過呢間見門面不錯,入去店員叫我哋坐低,餐牌都係台式粉麵小食! 落單後食物好快到! 辣豬耳($60)又硬又唔入味,只有微辣味!差! 水餃🥟($120)水餃皮彈牙,肉餡有汁唔乾,可惜枱面點水餃嘅黑醋一啲都唔香,難得一款好味嘅食品都失色! 牛肉麵($220)麵唔彈牙,啲湯好淡,比香港食牛肉麵仲淡,牛𦟌肉好嚡,肉有渣,牛筋幾彈牙入味,牛肚彈牙,蔬菜入面係淡嘅,煮都無煮放上面!差! 食物好唔得,除了水餃🥟ok之外,其他都唔得,價錢亦貴,服務啲店員愛理不理的,講真係失望的 以牛肉麵店來講係差嘅
評分: 味道 1 環境 4 服務 2 衛生 3 CP值 2
2018-05-16
自己幾喜歡食鳳梨酥,今次係媽咪帶比我食嘅台灣手信,包裝盒幾靚,長方瘦長紅啞金色紙盒,包裝幾密實,入面放幾個獨立包裝嘅鳳梨酥,包裝袋幾靚,臘板畫嘅菠蘿🍍幾特別,盒內嘅介紹書係板球🏏️形狀幾得意,正方型嘅鳳梨酥金黃色,幾香牛油味,外層鬆化唔硬,入面嘅菠蘿餡帶少許煙韌,菠蘿味其實唔強,又無菠蘿一絲絲嘅質感,味道幾甜,只係ok! 鳳梨酥係台灣手信伴手禮榜首,百家爭鳴下,味道要突出都不是容易的事!今次無驚喜!
評分: 味道 3 環境 3 服務 3 衛生 4 CP值 3
2017-11-26
師弟去完台北遊玩完,買咗幾款手信比我哋食,太陽餅係其中之一,唔知點解太陽餅係手信中,幾大路嘅選擇!不過自己一向對太陽餅印象一般!總覺得佢無餡料咁!只係食酥皮!所以我去台灣都唔會買 今次呢款太陽餅紙盒大,白紙盒貼咗張大大張紅紙,感覺幾娘!入面放咗10個獨立包裝嘅太陽餅! 太陽餅始終唔係我杯茶
評分: 味道 3 環境 3 服務 3 衛生 3 CP值 3
2017-07-01
同事去親台灣買嘅手信,鳳梨酥必然是首選,所以可以試到唔同嘅餅家出嘅鳳梨酥特色,今次呢間餅店未試過,因為同事唔同辦公室,佢攞比我,見唔到個大包裝,只只一件膠袋獨立包裝嘅鳳梨酥,紅色包裝上有中國仕女同牡丹花嘅圖像,加啲中國詩句!幾詩意! 鳳梨酥:外面表皮光滑,淺黃色但唔係金黃色,咬落有牛油香味兼幾鬆化,鳳梨餡幾多,口感煙韌但唔香鳳梨味道,無果肉絲,味道偏甜!只係黃色啫哩,整體ok 鳳梨酥太多餅家出,要突出表現都幾難!
評分: 味道 3 環境 3 服務 3 衛生 4 CP值 3
2017-02-05
同事由台灣返來,帶了呢間手信比我哋!聽說呢間餅店在台灣幾出名!我當然唔放過樣樣都試! 台灣手信都係呢類食品,無乜驚喜
評分: 味道 3 環境 3 服務 3 衛生 4 CP值 3
|