CURIOUS (中山區)

今晚吃素，嚟到台北食過咁多餐，今餐係我食得最舒服嘅，完全享受，無論環境、氣氛、食物 ⋯⋯ 呢度嘅素菜係設定好，無得更改（如果有敏感之類，基本上係訂位時已經問清楚，不過不包括偏食習慣😂）

另外佢哋有為菜式而設計嘅飲品，有分有酒精/無酒精，大約每兩道菜就有會有一杯飲品，隨意選擇（加錢就得😊）我就揀咗無酒精🍷。

佢哋嘅菜單會從季節作小調整，每年會作大調整。上一年係以花做主題，今年係以職人作為焦點，品嚐每個大小職位嘅甜酸苦辣。

《餐單》

檳榔西施
自家製麵包
調酒師
花藝師
畫家
音樂家
農夫
茶藝師
鰻魚匠
特別招待：肉夾膜（當然都係素食）
果農
芒果園
自家製朱古力

濟南鮮湯包 (大安區)

來到台北第三天，原本第一日就去濟南鮮湯包食午餐（因為係酒店後面，比較近😂）當日班飛機delay ，攪到食唔到（因為下午兩點半會休息直至下午5:00），於是今日改一改行程食咗佢先。我中午12:30左右來到，因為沒有訂位，大約等了15分鐘就可以進去。餐牌改咗用QR code，自己掃瞄餐牌，我叫咗原味鮮湯包、蟹黃鮮湯包、松露鮮湯包、無骨醉雞腿和白果芋泥盅。（蔥油餅是招待的）基本上佢嘅鮮湯包𥚃面嘅湯真係好多，湯頭比較清甜。而我自己就比較喜歡吃重口味，所以就最喜歡松露鮮湯包。

推薦：松露鮮湯包、無骨醉雞腿

初魚 鮨 - 泰順店 (大安區)

好多人同我講嚟到台灣一定要食Omakase，我知道點解喇，因為真係幾抵食，$1800台幣 一位，在香港無可能食到呢個價錢呢個食物質素，而且服務又一流👍🏻。當然我都有一兩道菜不是很喜歡，其他都正常偏好。

明森宇治抹茶專賣店 (中山區)

焙茶霜淇淋 - 焙茶霜淇淋味道濃郁，底下的茶凍口味比較清新，搭配一齊吃是不錯的。

焙茶冰淇淋 - 焙茶冰淇淋比焙茶霜淇淋味道比較淡一點，好像多一個奶味的感覺，比較滑白玉很Q偏軟一點。

抹茶提拉米蘇 - 除了抹茶提拉米蘇之外還會配一杯茶，很小一杯，男生一口份量，而且我選擇是冰。抹茶提拉米蘇份量也是很小，味道就好像抹茶戚風蛋糕上加了抹茶忌廉，比較沒有驚喜，非常普通，本人不太喜歡，而價格是三款甜點裡面最貴的一款，所以比較不推薦。

Orchid Restaurant 蘭 (大安區)

ORCHID 蘭 By NOBU LEE 係一間連續五年榮獲米芝連，主廚李信男(Nobu Lee)曾獲紐西蘭「Cuisine Good Food Awards」評鑑三頂高帽榮譽👍🏻

第一道菜·𧐢．配上油封鴨、蝦夷蔥

第二道菜·胭脂蝦·用櫛瓜薄片包住蝦變成蝦餃，再配栗子南瓜汁

第三道菜·干貝慕絲·用干貝做成慕絲，中間放上干貝他他，配上昆布汁，再加上金箔點綴

第四道菜·菊芋·用台灣啤酒烹煮，加上三文魚子，上面放上炸菊芋薄片，配上煙燻香草竹炭等材料做成的醬汁

（第五、六道菜需要額外加錢的）

第五道菜·金目鯛·用慢煮方式烹調，拌上牛油炒既蟲草菇，搭配用魚熬製而成嘅白湯

第六道菜·香煎鴨肝·配烹製鳳梨木瓜、碳化香蕉醬

第七道菜·蘭經典和牛派·用上A5和牛，菇、菠菜、酥皮焗，配上黑松露醬汁

第八道菜·白乳酪·配上白酒煮過嘅水梨、糖漬柳橙

第九道菜·花生白玉湯圓

第十道菜·榛果朱古力

然後會即場為你製造新鮮香草茶

⋯⋯ 完 ⋯⋯

餐單上的食物已經完成，突然間服務員為我換上新的碟，原來係主㕑特別招待多一款甜品，而這款甜品亦無放係餐牌上，所以想叫都無得叫，就係流心雞蛋糕，有兩個口味，檸檬馬鞭草、朱古力。（唔係人人有份，千祈唔好問我點解我有😜因為我會非常不好臉咁話俾你聽：「靚仔無計。」）流心雞蛋糕非常好味，尤其係檸檬馬鞭草口味👍🏻口感似Madeleine 再加上流心，真心超正😘