阿吉師日本料理 (士林區)

到taipei 旅遊4天，頭2天總是節奏較快，到了第3天，行程開始放緩了。 早餐吃了少許東西，便出發了。早餐不能吃太多是有原因的。因大概11點便要到天母嘅士東市場吃阿吉師壽司。 我們大約10:30便到了士東市場。阿吉師還未開。於是我們就在士東市場逛逛。 先在士東市場買了乾果、肉鬆、昆布等。這些都是每次要帶回港慢吃的！ 逛到大概11am, 阿吉師開門了，只有我們三人等著吃。可能是jp radiation嘅問題，光顧的人少了很多。 我們都是讓師傅為我們安排食物，只要告訴師傅我們不吃甚麼便可。 由於是師傅安排食物，所以有些魚我們都不知道是甚麼魚，吃下去新鮮肥美就好了！ 品嚐過熟蝦、火炙帶子、海膽手卷、旦、半熟吞拿魚、鮑魚、火炙toro同醋浸白子。 海膽手卷新鮮，與香港那些無法比較，與日本那些比較卻是有過之而無不及。 火炙帶子很好吃，賣相與香港有別，沒有切開打平，而是把飯放過帶子內，很特別。 半熟吞拿魚是我的至愛，肉質比較實淨；鮑魚非常爽口，鮮味。 火炙toro賣相很搞笑，上面鋪了一堆草，用以減輕toro的肥膩感，很細心的做法。toro 入口即溶，無敵！ 醋浸白子，這個算最特別，也給它的賣相嚇了一跳，原以為是魚肝之類的東西，問一問師傅，他說是白子，魚卵之類。我看見就怕，不敢吃。但父母說很好吃，質地很特別。 除了白子之外，還有水雲，用醋浸著，很開胃。還有一隻小魷魚，很特別。 除了可口的壽司外，更必喝阿吉師嘅魚湯，材料豐富，有好多魚骨、蔬菜。 非常燙口，鮮甜非常。師傅還叫我們把白子的酸醋汁倒進湯內。 酸酸地，很開胃！我總共喝了5碗湯呢~~~

龍涎居雞膳食坊 師大創始店 (大安區)

行程第1日嘅夜晚去咗師大夜市。可能咁啱係friday nite, 所以超多人，好迫。買許記生煎包排咗15 mins ，不過條街又迫又多人，唔方便邊行邊食。都係要揾間餐廳食晚飯先。經過龍涎居，幾骨子，於是就去試吓。其實入到去先知只係食雞，有好多款喎，好有特色。等位時已經可以落單，坐到埋位等一陣就有得食。店子幾特別，用上木枱木櫈，光猛。一行3人，點咗3個藥膳雞，包括人參雞、何首烏雞同麻油雞，再加多個貢菜、麻油金菇、麻油雞絲飯同麻油麵。貢菜較老，有根；麻油金菇真係超多麻油，不過食落又唔會好膩喎，金菇唔韌唔會黐牙。麻油雞絲飯超正，有麻油香，上面仲有雞絲，配上白米飯，好好食。麻油麵又係超多麻油，所以好香，麵條好幼，好滑，不過就無雞絲喺上面。到3個藥膳雞出場啦，每個都用個煲仔裝住，下面仲放過好似爐嘅野，但其實無作用，因為無點火，唔會keep 住熱。3個藥膳雞各有特色，我最鍾意人參雞 ，個湯甘甘苦苦，好清熱，D雞係用機切，所以可以切成薄片，有d係脾位，好嫩，就算雞胸都唔會鞋，好淋。麻油雞，正如個名所說，就係麻油加雞，比較惹味，不過個湯就好肥，唔似人參雞d湯可以飲。何首烏雞，個湯黑漆漆，味道甜甜，藥味微微，都不錯，不過我自己本身就唔鍾意又咸又甜，所以無乜點飲d湯。 整體非常滿意，以雞為主嘅餐廳，香港實在找不到~

正宗老天祿食品 (萬華區)

之前幫襯過同樣在西門町嘅老天祿，唔好食。於是對上一次2010年去嘅時候就試試呢間，兩間嘅質素真係差成條街！呢間好食好多，款式又多。鴨心、冬菇蒟蒻丸、脆腸、鴨舌等。鴨心食完一串唔夠喉，要encore。鴨心超大粒，好好肉，又入味喎！香港食唔到當然要食夠為止。冬菇蒟蒻丸又爽又彈牙，有d冬菇粒，好味。脆腸可不試，因為好韌又辣。鴨舌必食啦，雖然係貴，但真係好食，仲要連埋下巴同氣管。當天買完即日食，走嗰日都要去買d帶番HK慢慢嘆。四日嘅行程，總會幫襯2次或以上。

蜂大咖啡 (萬華區)

喺西門町行咗一陣，又係時候抖抖。睇guide book 介紹蜂大，之前又未去過，於是今次就去試吓。地點唔易揾，因為唔起眼。問途人，佢就指咗我地過對面，行行吓又發現原來係對面，又要過番去。門外嘅冰滴咖啡機已經好吸引視線。除咗個冰滴咖啡機之外，仲有小食賣。咖啡店充滿懷舊風味。menu 係幾殘舊嘅~枱係鐵面枱，好搞笑。由於我唔好咖啡，所以超白癡地揀咗蜜桃紅茶。爸媽就要了冰滴咖啡。我杯蜜桃紅茶真係令人O 咀，一d特別都無，其實係川寧茶包囉，仲要貴過咖啡，超唔抵。我都有試冰滴咖啡。賣相良好，有一pat cream 喺上面。咖啡本身非常濃郁，好苦添。不過就唔會有酸味。阿爸大讚。坐得幾舒適，阿爸坐到唔願走，但去台灣又點能夠嘥時間喺度坐呀。一飲完，坐咗一陣，我地又起程行街了~

成都楊桃冰 (萬華區)

每次黎西門町，都一定會黎飲楊桃冰或湯。兩者都試過。但本人就覺得楊桃湯較好飲。第一，就係唔洗咁凍，又唔洗食咁多冰落肚。第二，味道會比較濃，原汁原味。第三，又平又抵飲，唔洗HKD$10就己經大大杯。楊桃湯味道濃，酸酸甜甜同咸咸，飲完喉嚨好舒服~