OpenRice 主頁
  
Handsome XO
食記會員 5次成為首位寫食記會員
食記數目 食評數目 27
編輯推薦數目 編輯推薦數目 3
食記被推次數 會員推薦次數 53
人氣指數 人氣指數 541
討論區留言 留言數目 0
上傳照片 上傳照片 489
上傳影片 上傳影片 2
我的推薦食記 我推薦的食記 27
我的餐廳 我的餐廳 24
關注 關注 34
粉絲 粉絲 2800
Handsome XO  等級2
關注 關注  留言 留言給此食家 
排序方法:  日期 笑臉 笑臉 哭臉 哭臉  編輯推薦  餐廳總分 
 
 
 
 
 
  文章形式 文章形式   |   地圖形式 地圖形式
共 27 篇台灣及鄰近地區的食記,正顯示第 26 至 27 篇的食記
2016-05-30
Share on TwitterShare on Facebook
類別 : 法國菜主題餐廳甜點/蛋糕酒類/雪茄館浪漫情調慶祝紀念日

出咗名愛飲好食o既堂細佬近年因工作關係已遷往台北居住,去到新環境,其飲食習慣都係差唔多,一樣愛到處覓食,其中「STAY by Yannick Alléno」就係一家令佢常掛喺口邊o既西餐廳 star
STAY by Yannick Alléno

STAY by Yannick Alléno

 
STAY」o既裝修極富時代感,大堂小廳內o既散座都用上厚墊梳化櫈,故仍不失高雅舒適。現今食肆都潮興有個開放式廚房,「STAY」都唔例外,不過就只係搬咗個色彩繽紛o既甜品創作空間出黎,成個科學實驗室咁 excited ,都幾得意。
STAY by Yannick Alléno

STAY by Yannick Alléno

 
步入門前一刻已留意到門外o既廣告牌正推廣緊兩款白松露宴 heart ,埋位細看餐牌就明白兩者有何區別。「珍饌盛選」為六道菜,主菜為松露意粉,包有四克白松露,價錢為NT 2,988 + 10%;「極上盛選」則有七道菜,另加多咗一味波菜帶子,主菜為牛膝,包有十克白松露,價錢為NT 9,800 + 10%。XO仔身為松露迷一名,對松露意粉更加係情有獨中,故不用費神即決定要一嚐前者o既六道菜「珍饌盛選」松露宴 smileheart
珍饌盛選(NT 9,800 + 10%)

珍饌盛選(NT 9,800 + 10%)

 
食西餐時家人都總愛飲番兩杯,當晚就開咗枝香檳配佳餚 flower
Pierre Péters Blanc de Blancs(NT 4,700)

Pierre Péters Blanc de Blancs(NT 4,700)

 
由於六人當晚所點選o既菜式數目及項目都有所不同,單憑溫婉o既服務生呈上食物o既次序,已睇得出廚房對西餐禮儀都甚為講究,各部門互相都好有默契。
晚市套餐

晚市套餐

 
麵包籃:籃中合共有三款麵包,每三人一籃,即每人有三件。為怕引起食物過敏反應,小肥出門時都會盡量揀食自己知道屬安全o既白麵包及牛角包;暖手o既白麵包極之鬆脆,牛角包亦香軟非常。
麵包籃

麵包籃

 
主廚精選小點:各人o既晚餐同由三款的骰o既小食作序。最左為「巴馬臣芝士蕃茄」,由兩片又薄又脆o既巴馬臣芝士夾住四方形o既蕃茄啫喱,咸咸酸酸都幾醒胃;個人覺得中間件「三文魚班戟」雖則夠軟熟,不過就好似有少少腥 really ;最右嗰件「鵝肝車厘子」以車厘子包實一小件鵝肝,方便客人可一口過食落肚,概念其實好好,不過如果車厘子可以去埋皮,相信效果會更好。
主廚精選小點

主廚精選小點

 
白松露培根水波蛋:離遠已聞到清幽o既松露香,腦海已唱出「魅力是無法擋,紅唇在為你張。。。」 music music 當真令人精神為之一振。如相所示,雞蛋實屬流心,連同蛋底o既煙肉忌廉醬及麵包脆脆一齊食,入口更覺香脆軟滑,可真謂完美 king
白松露培根水波蛋

白松露培根水波蛋

 
白松露南瓜濃湯:南瓜濃湯香滑甜美,濃而不溜,輕輕灑上幾塊白松露薄片已夠芬芳,盡顯簡單美。
白松露南瓜濃湯

白松露南瓜濃湯

 
白松露細扁麵:形似浸緊松露泡泡浴o既意粉麵條煙韌彈牙,第一口細嚐時很是清香輕巧,不過其松露味越食越濃郁,味蕾上o既精靈彷彿慢慢地被喚醒,極為精彩細膩 cry
白松露細扁麵

白松露細扁麵

 
法式精緻小點:甜品小點同開胃小食一樣合共有三款,跟餐茶及咖啡上。先上枱有兩款蛋糕仔,即橙黃色o既「熱情果歌劇院蛋糕」(Passionfruit Opera Cake)及深啡色o既「朱古力撻」。「熱情果歌劇院蛋糕」清涼微甜,「朱古力撻」則香脆醇濃,雖說兩者無論喺顏色、口感定味道上都好大o既對比,食落卻又能互相輝映 star ,妙哉!接著妹妹仔就小心翼翼地呈上一條上面插有多枝波板糖o既大擀麵棍 excited 。原來波板糖全為棉花糖,分別為黃色o既菠蘿味、橙黃色o既熱情果味及深紅色o既紅梅味;每條同為甜中帶酸,都幾消滯吓。
法式精緻小點及咖啡

法式精緻小點及咖啡

 
白松露巧克力焦糖卷:以金箔及松露點綴o既兩條朱古力卷外層脆卜卜,內裡o既朱古力焦糖餡心則柔滑清甜,足以帶出淡薄o既松露香,甜而不膩,剛好為松露宴劃上一個完美o既句號 smileheart
白松露巧克力焦糖卷

白松露巧克力焦糖卷

 
感激堂細老o既精心推介,XO仔得以於訪台首晚親臨又潮又高級o既「STAY by Yannick Alléno」,享用咗一頓豐盛美味o既白松露美饌 lol 。幾位姨媽表妹對餐店美觀高質o既菜式讚口不絕之餘,大家更於過去幾個月介紹咗不少往台北旅遊o既親友幫襯,個個食完仲要有讚冇彈,真係好難得!
內用候位時間: 0 分鐘
用餐日期: 2015-11-18        
此次消費: 每人約$4300 (晚餐)

評分: 味道 4   環境 4   服務 5   衛生 5   CP值 4

推薦此食記

4
 
 
你覺得這篇食記:
鼓勵
期待
有趣
感動
羨慕
好圖

共有3 人投票
查看結果

2016-05-16
Share on TwitterShare on Facebook
類別 : 台灣菜茶餐廳中式麵點台式小吃

去台灣旅遊,如果唔食過小籠包,個心一定會好唔安樂,但係要光顧幾間名店或老字號都必定要排隊,坐得又唔係話特別舒服,所以今次台北一行,決意一試超閃旅遊書推介o既「金品茶語lol
超閃旅遊書推介「金品茶語」

超閃旅遊書推介「金品茶語」

 
有司機哥哥黎機場接機,我地不需費神,坐車直達,不過食店喺四周均有廣告及指示牌,地方一啲都唔難搵。
金品茶語門面、卡片、廣告及指示牌

金品茶語門面、卡片、廣告及指示牌

 
兩層高o既「金品茶語」地下為商店,售賣多款茶葉及茶具,送禮自用都適合。
地下商店售賣多款茶葉及茶具,送禮自用都適合

地下商店售賣多款茶葉及茶具,送禮自用都適合

 
茶莊清楚列明品牌o既四大堅持 star
金品茗茶的四大堅持

金品茗茶的四大堅持

 
一樓o既餐廳全為合併式o既方形散座,簡潔舒適,人多人少喺度嘆茶都一樣咁自在。 music music
一樓餐廳全為合併式方形散座,簡潔舒適

一樓餐廳全為合併式方形散座,簡潔舒適

 
橙黃色o既餐牌不但有多款小食菜餚,茶品款式都一樣咁豐富,凍飲、熱飲齊備,紅、綠、奶茶,應有盡有。
橙黃色o既餐牌不但有多款小食菜餚,茶品款式都一樣咁豐富

橙黃色o既餐牌不但有多款小食菜餚,茶品款式都一樣咁豐富

 
就連時尚o既茶味雞尾酒都有得飲  excited  ,果真係令XO仔眼界大開!
就連時尚o既茶味雞尾酒都有得飲

就連時尚o既茶味雞尾酒都有得飲

 
始終自己及同行o既長輩對茶應知唔深,結果都係等年輕友善o既哥哥仔介紹,先叫咗壺「貴妃美人茶」,一邊呷茶,一邊食點心同湯麵。
貴妃美人茶及、餐牌、調味醬油及餐具

貴妃美人茶及、餐牌、調味醬油及餐具

 
chopstick 皮蛋豆腐(NT60):白雪雪o既豆腐嫩滑非常,半流心o既皮蛋亦好夠溏心,一淡一濃可真為絕配。
皮蛋豆腐(NT60)

皮蛋豆腐(NT60)

 
chopstick 小籠包(NT 120/六隻):熱辣辣o既小籠包皮薄餡軟嫩,睇相可能會覺得唔係好夠湯,不過食落就知湯足且清甜,毫不溜滯,食落好健康,每人一粒真係唔多夠喉 tongue

chopstick 蟹黃湯包(NT 175/六隻):淨睇相真係未必分得出,不過蟹黃湯包其實即係多咗蟹黃味o既小籠包,同樣係皮薄餡靚,一行六人都覺得蟹黃湯包更為鮮美香濃,故亦選此為追加點心 king
小籠包(NT 120/六隻)

小籠包(NT 120/六隻)

 
chopstick 紅燒牛肉麵(NT 180):碗中o既牛肉全部都係牛展,每片都好軟腍,麵條則軟滑易入口,加上湯底少辣惹味,極之討好 balloon
紅燒牛肉麵(NT 180)

紅燒牛肉麵(NT 180)

 
chopstick 菜肉雲吞麵(NT 160):相比起下,碗菜肉雲吞麵味道就較為清淡,幸好菜肉雲吞皮光肉滑,唔夠味可以簡單撈入紅燒牛肉麵o既湯自行加以調味。
菜肉雲吞麵(NT 160)

菜肉雲吞麵(NT 160)

 
金品茶語」環境幽靜舒適,個人覺得地方好坐過市內其他名牌小籠包店多多聲。此外,服務生友善客套,點心及麵品不含味精,健康美味,價廉物美,真係好多謝旅遊書咁好介紹 flower
內用候位時間: 0 分鐘
用餐日期: 2015-11-18        
此次消費: 每人約$200 (午餐)

評分: 味道 4   環境 4   服務 5   衛生 4   CP值 5

推薦此食記

3
 
 
你覺得這篇食記:
鼓勵
期待
有趣
感動
羨慕
好圖

共有2 人投票
查看結果