OpenRice 主頁
  
Handsome XO
食記會員 5次成為首位寫食記會員
食記數目 食評數目 27
編輯推薦數目 編輯推薦數目 3
食記被推次數 會員推薦次數 53
人氣指數 人氣指數 525
討論區留言 留言數目 0
上傳照片 上傳照片 489
上傳影片 上傳影片 2
我的推薦食記 我推薦的食記 27
我的餐廳 我的餐廳 24
關注 關注 32
粉絲 粉絲 2685
Handsome XO  等級2
關注 關注  留言 留言給此食家 
排序方法:  日期 笑臉 笑臉 哭臉 哭臉  編輯推薦  餐廳總分 
 
 
 
 
 
  文章形式 文章形式   |   地圖形式 地圖形式
共 25 篇台灣及鄰近地區的食記,正顯示第 1 至 5 篇的食記
2019-12-05
Share on TwitterShare on Facebook
類別 : 日本菜壽司/生魚片精緻料理

去台灣玩,除咗要食台菜、小籠包、火鍋之外,家人例必要食餐日本菜;有心要為親友嘅飲食日誌增添驚喜,XO仔今次就好大擔咁喺互聯網上挑選咗間唔係咁多人認識嘅「允壽司star
允壽司

允壽司

 
壽司屋隱蔽於窄窄嘅單程橫街內,雲石閃光嘅門面新潮得黎甚為低調。
允壽司雲石閃光嘅門面新潮得黎甚為低調

允壽司雲石閃光嘅門面新潮得黎甚為低調

 
餐店面積不大,右方為師傅嘅大舞台,面前排出十二個吧位,以透光嘅雲石小牆分隔,貴氣得黎不失時代感。
壽司吧

壽司吧

 
牆上掛上以毛筆寫出店名中大大個「」字,充分地表演出中國書法藝術嘅氣勢。musicmusic
「允」

「允」

 
網上訂座流程簡易快捷,可慳返長途電話費之餘,小肥又唔洗講國語,對話有哂記錄唔洗驚會誤解,十二人包場仲可以一早訂下NT 3,500/位嘅精選午市套餐,並道明團友們有啲咩特別飲食要求及敏感問題smile。掌舵人小穎師傅相當好客同細心,用餐當日先確認同行邊幾位長輩只能食熟食,及邊個係有超多食物敏感嘅XO仔,態度絕對認真like
掌舵人小穎師傅

掌舵人小穎師傅

 
食物全權由師傅安排,清酒就由識少少扮代表嘅小弟揀咗樽果香及花香味討好嘅「澤姬純米大吟釀」(NT 3,800)。
酒牌

酒牌

 
澤姬純米大吟釀(NT 3,800)

澤姬純米大吟釀(NT 3,800)

 
餐桌上有齊備嘅餐具、醬油及熱茶,整潔衛生。
餐桌上有齊備嘅餐具、醬油及熱茶

餐桌上有齊備嘅餐具、醬油及熱茶

 
伴配魚生青瓜蘿蔔靚薑全為師傅自家醃製,均爽脆醒胃。
自家醃製青瓜、蘿蔔、薑

自家醃製青瓜、蘿蔔、薑

 
自家醃製青瓜、蘿蔔

自家醃製青瓜、蘿蔔

 
午餐打響頭炮有開胃小點鮑魚豆腐沙律」。沙律以幼嫩嘅豆腐、腍潤嘅鮑魚、清爽嘅無花果、鮮爆嘅三文魚籽麻醬所混製而成,組合新穎獨特,集齊爽嫩脆腍,口感極之豐富,以葫蘆碟仔承載更覺精緻矜貴,當真令人期盼接下來嘅菜式smileheart
鮑魚豆腐沙律

鮑魚豆腐沙律

 
自己都係睇返相先留意到,接棒一系列嘅刺身好有文化地係由淺色食到深色嘅。第一道魚肉透光嘅「真鯛二重奏」以黑碟呈上,睇得出師傅喺視藝上都花下不少功夫。
真鯛二重奏

真鯛二重奏

 
兩片銀光閃閃嘅真鯛上分別擺放咗雪白嘅白蝦仔及橙黃嘅馬糞海膽,建議連同山葵及黑色嘅昆布碎花續件捲起一口食落肚。下方件白蝦真鯛卷清香軟嫩,上方件海膽真鯛卷則鮮濃甜美,真鯛卷中嘅昆布碎花所散法出嘅咸香慢慢滲進味蕾,感覺就好似舌尖喺沙灘吹緊海風咁love,何其妙哉!
真鯛二重奏

真鯛二重奏

 
玩完DIY真鯛卷後,面前就出現咗兩件無添加嘅赤貝間八刺身,輕輕點上山葵豉油已夠清甜芳香,這個返璞歸真嘅對比舖排突顯出後者嘅清麗脫俗,同時亦反映出設計者嘅心思細密。
赤貝及間八刺身

赤貝及間八刺身

 
接著厚厚嘅中拖羅刺身色澤粉嫩油潤,同伴配嘅淮山昆布半溶於口腔。
中拖羅刺身伴淮山及昆布

中拖羅刺身伴淮山及昆布

 
見外出天氣有點寒冷,小穎師傅好體貼地叫廚房先蒸出鮮甜暖胃嘅「蟹肉茶碗蒸し」作為壽司環節前之間場菜balloon
蟹肉茶碗蒸し

蟹肉茶碗蒸し

 
大廚事先講明六款壽司均已調好哂味,味道編排由淡至濃。第一件深海池魚壽司爽厚潤澤,清香肥美。
深海池魚壽司

深海池魚壽司

 
寒鰤魚壽司軟嫩甜潤。
寒鰤魚壽司

寒鰤魚壽司

 
右口魚壽司用火槍輕輕燒過,魚肉幼嫩滑溜,魚味更為鮮濃突出yummy
右口魚壽司

右口魚壽司

 
紫菜包住嘅燒帶子外層香脆,帶子肉厚鮮嫩。
燒帶子

燒帶子

 
相信整頓午餐製作最複雜嘅都要數件「昆布鯖魚壽司」,因為要由兩位師傅合作切割魚片、於木盒上舖砌食材、擠壓木盒、包紮成卷物、再添置調味,每個動作都一樣咁乾淨俐落,實在另人嘆為觀止excited
昆布鯖魚壽司

昆布鯖魚壽司

 
昆布鯖魚壽司大大件咬落去好爽厚,當中最濃郁就係個昆布味,食食吓又傳出陣陣嘅紫蘇香柚子香喎,確真細膩得很。
昆布鯖魚壽司

昆布鯖魚壽司

 
大拖羅壽司粉裡透白,其鮮香甜美盡化於舌上後,吃畢仍齒頰留香,令人回味無窮cry
大拖羅壽司

大拖羅壽司

 
真係估唔到壽司屋除咗有高質嘅魚生之外,連熱食都絕不失禮!午餐所包有嘅天婦羅三品用上源自日本嘅北海道洋蔥北海道粟田白子炸製,聽落都覺得名貴得好有驚喜heart!三款金黃乾巧嘅天婦羅炸皮香脆鬆化,以竹籤串起嘅北海道洋蔥爽潤惹味、躲於洋蔥下嘅北海道粟田亦爽甜多汁。
天婦羅三品:北海道洋蔥、北海道粟田、白子

天婦羅三品:北海道洋蔥、北海道粟田、白子

 
第三件白子因有紫蘇葉包住,所以炸物就透出綠色。此道紫蘇白子天婦羅芳香脆皮,中間嘅白子柔潤白滑,且軟嫩非常king,輕輕黏上碟邊嘅咖哩鹽粉即能提升鮮香。
紫蘇白子天婦羅

紫蘇白子天婦羅

 
壓軸上場嘅「海膽拖羅手卷」由師傅以「心連心」嘅方式續條直接轉交到貴客嘅手上,確保新鮮又窩心。橙美嘅手卷鮮甜無比,外脆內香嫩,wow爆呀!
海膽拖羅手卷

海膽拖羅手卷

 
甜品黑糖粉抹茶麻糬」細細杯嘅份量啱啱好,麻糬煙煙韌韌,當中嘅黑糖味微甜且不溜滯,可口味佳。
黑糖粉抹茶麻糬

黑糖粉抹茶麻糬

 
飯後一杯暖胃嘅特濃咖啡剛好為午宴畫上完美嘅感嘆號!
特濃咖啡

特濃咖啡

 
允壽司」環境簡樸時尚,師傅們及服務生態度誠懇且細心周到,午市精選套餐用材高質,魚生熟食美味之餘,更滿載驚喜,絕對值得一試再試lol
午市精選套餐(NT3,500)

午市精選套餐(NT3,500)

 
推薦美食: 自家醃製青瓜、蘿蔔、薑, 自家醃製青瓜、蘿蔔, 鮑魚豆腐沙律, 赤貝及間八刺身, 中拖羅刺身伴淮山及昆布, 蟹肉茶碗蒸し, 深海池魚壽司, 寒鰤魚壽司, 右口魚壽司, 燒帶子, 昆布鯖魚壽司, 大拖羅壽司, 天婦羅三品:北海道洋蔥、北海道粟田、白子, 紫蘇白子天婦羅, 海膽拖羅手卷, 黑糖粉抹茶麻糬
內用候位時間: 0 分鐘
用餐日期: 2018-11-24        
此次消費: 每人約$4200 (午餐)

評分: 味道 5   環境 5   服務 5   衛生 5   CP值 5

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2016-07-25
Share on TwitterShare on Facebook
類別 : 江浙菜中餐廳

離台當日,小肥再次跟隨超閃旅遊書覓食,訂定位去一家被形容為「低調小籠包名店」o既「邊田庄」度午膳。書上o既電話雖然正確,但原來餐店已搬往新址 shocked ,幸好我地嗰日叫咗架車,司機哥哥又熟地頭,結果都安全及準時到步 smile
邊田庄門面,咭片,店名背後的故事

邊田庄門面,咭片,店名背後的故事

 
接待處用上雲石作桌,氣派十足。門旁擺放出紅地毯及印滿店名o既佈景版,喬遷開幕儀式應將於日內進行 flower 。步進樓底高高o既大堂,即可望見樑上o既水晶吊燈及四周美輪美奐o既鮮花,配合埋木製o既傢俱椅桌同牆上o既字畫,感覺極之大方典雅。
邊田庄環境大方典雅

邊田庄環境大方典雅

 
下圖所示,女洗手間因可充當為新娘子專用房間,房內配套齊備,一樣咁華貴 excited 。餐桌用上絨造枱布,飯前亦有熱毛巾抹手,服務生溫婉有禮,各方面都流露出細心與體貼。打開餐牌,首頁已道出店主為頌親恩,餐廳名字特意用上其父親之大名訂設 star ,有意思得很!既然餐店蘊藏著濃情厚意,六人就應友善o既靚女姐姐推介,點咗多款鎮店菜式。
女洗手間、鮮花擺設、熱毛巾

女洗手間、鮮花擺設、熱毛巾

 
chopstick 豆酥鮮蚵豆腐(NT 280):第一道豆腐以熱鍋燒住上,好夠新鮮熱辣。面層只見橙黃色o既豆酥,下面其實暗藏白雪雪o既豆腐鮮蚵豆酥香口得黎質感粗嚡,連同豆腐鮮蚵一齊食則更能特顯豆腐如何幼滑如絲,蚵仔如何肥美鮮甜 yummy
豆酥鮮蚵豆腐(NT 280)

豆酥鮮蚵豆腐(NT 280)

 
chopstick 芝麻牛蒡(NT 280):修長o既芝麻牛蒡輕巧香脆,淨聽餸名好似一款平平無奇o既餐前小食咁,但當用上精美o既餐碟及靚花伴上,即令食客眼前一亮,就連身價都提升不少。
芝麻牛蒡(NT 280)

芝麻牛蒡(NT 280)

 
芝麻牛蒡(NT 280)

芝麻牛蒡(NT 280)

 
chopstick 酥炸蒜香肥腸(NT 380):炸豬大腸喺香港可以話係屬大排檔食品,「邊田庄」o既師傅選用精巧o既花瓶黎承載,粗作頓成幼細o既藝術品,唔打得都睇得先呀 heart
酥炸蒜香肥腸(NT 380)

酥炸蒜香肥腸(NT 380)

 
蒜香肥腸炸得好夠乾身爽脆,惹味得黎一啲押味都冇,妙極!
酥炸蒜香肥腸(NT 380)

酥炸蒜香肥腸(NT 380)

 
chopstick 經典原味小籠湯包(NT 180/八隻)及絲瓜蝦仁湯包(NT 200/八隻):小籠湯包及絲瓜蝦仁湯包勻以木盒蒸煮,呈上枱時仍有煙霧散出。湯包皮層軟薄輕盈,小籠湯包鮮香嫩滑,個人只係略嫌絲瓜蝦仁餡心個味道清淡咗少少 upset ,唔夠濃郁。
經典原味小籠湯包(NT 180/八隻)及絲瓜蝦仁湯包(NT 200/八隻)

經典原味小籠湯包(NT 180/八隻)及絲瓜蝦仁湯包(NT 200/八隻)

 
chopstick 油淋去骨雞(NT 380):XO仔最怕食骨,嘻嘻,依味油淋去骨雞就啱哂細佬口味。已去骨o既雞肉放置喺藤篩上,側旁插咗一小盆靚花,視覺上田園風味甚為濃厚。 music music 用油淋過o既雞肉香嫩柔滑,食落其實一啲都唔油膩,睇清楚啲先發覺原來此乃因為多餘o既油份就滴流喺藤篩下o既碟子上,結構編排得好有創意同效能 like
油淋去骨雞(NT 380)

油淋去骨雞(NT 380)

 
chopstick 青蟹炒年糕(NT 1,280):小肥因敏感問題唔食得蟹,不過靚餸已教細佬一飽眼福 love 。單睇青蟹炒年糕o既心形大碟已夠震撼,仔細再睇兩隻青蟹不同部位o既舖排,又會覺得其擺位型似心臟,兩隻蟹蓋緊貼一起更營造出心心相印o既效果,廚師o既設計認真唔簡單。姨媽大讚青蟹鮮甜幼嫩,索盡精華o既年糕煙韌香濃,外觀味道同樣攞足一百分!
青蟹炒年糕(NT 1,280)

青蟹炒年糕(NT 1,280)

 
邊田庄」o既店名隱藏著感恩o既情懷 balloon ,服務生亦滿載溫情暖意,餐店每個角落一絲不苟o既設計亦明顯花下不少心思,雅麗堂皇。大廚將傳統o既菜式廚技重新演繹,加插咗花藝o既元素,創出別具一格、美觀又美味o既佳餚,實在令人嘆為觀止,目不暇給 smileheart 。埋單平均每人只需六百多新台幣,如此價廉物美,六人已立下決心下次再訪台灣時必定回頭,務求試多幾款珍饈美饌
單據

單據

 
推薦美食: 經典原味小籠湯包,豆酥鮮蚵豆腐,芝麻牛蒡,酥炸蒜香肥腸,油淋去骨雞,青蟹炒年糕
內用候位時間: 0 分鐘
用餐日期: 2015-11-21        
此次消費: 每人約$660 (午餐)

評分: 味道 5   環境 5   服務 5   衛生 5   CP值 5

推薦此食記

3
 
 
你覺得這篇食記:
鼓勵
期待
有趣
感動
羨慕
好圖

共有1 人投票
查看結果

2016-07-13
Share on TwitterShare on Facebook
類別 : 四川菜火鍋店火鍋麻辣鍋

記得堂細佬遷往台北工作後,首次回港時即與家人分享其新增o既台灣飲食日誌相薄,當時XO仔已深深被「寬巷子」如藝術品般美艷o既菜式有所迷倒 smileheart ,故今次訪台之行一早已鎖定餐廳為必到之點。
杏香野菊(NT 450)

杏香野菊(NT 450)

 
喺香港出發前訂座,已知悉火鍋店週五晚市分兩輪,為怕遲食會試唔到每天限量特製之食品,團長就決定傍晚六點半食頭輪。步入「寬巷子」,即由吉祥物金鍋子代表歡迎,可愛趣緻又貼題。店子o既牆身及地面都以木板及磚塊所砌成,配上雕塑品作裝飾,感覺極之清爽典雅。散座全以屏風分隔,而且唔會排得密麻麻,每條巷子寬廣得黎好夠私人空間,氣派十足。前往洗手間必先行經秘道及廚房,透過長形窗口可清晰望到年輕o既師傅仔忙碌地準備食物,見到佢地個個帶哂手套同帽咁衛生,未食已先打下強心針。 music music
寬巷子室內間隔及金鍋子吉祥物

寬巷子室內間隔及金鍋子吉祥物

 
可能我地生面口,普通話發音又唔係咁準,友善有禮o既服務生自動上前解釋收費制度:基本湯底大人NT 190/位、小童單價以高度決定、酌水NT 190/位、另加一清潔費、開瓶費NT 600/樽;此外,最低消費NT 2000/枱,用餐限時兩個鐘。六口子應推介點咗多道特式人氣菜餚。餸菜上枱時,哥哥姐姐仔都會詳盡講解滾煮須注意事項,建議烹煮時間及方法,其中幾味仲有專人代煮,眾人都覺得服務稱心滿意。
寬巷子彩圖餐牌

寬巷子彩圖餐牌

 
chopstick 白鳳千叟鍋(湯底NT 190/大人):奶白色o既湯底以烏雞人參所燉製,毫不油膩,香甜濃郁,內含紅棗同幼滑o既鴨紅,滋補養顏 balloon ,姨媽們無一不讚。
白鳳千叟鍋(湯底NT 190/大人;小童單價以高度決定)

白鳳千叟鍋(湯底NT 190/大人;小童單價以高度決定)

 
chopstick 玫瑰松板(NT 1,280):雖則從餐牌上已得知松板豬頸肉會拼出玫瑰花形,不過當實物出場,碟上活現著一盆完整o既粉紅色松板玫瑰 excited ,視覺上o既震撼感可以話係有增無減,幸好大家嘩聲四起之際,亦不忘要讓相機食先 tongue
玫瑰松板(NT 1,280)

玫瑰松板(NT 1,280)

 
花盆由一個承載著蛋白漿o既洋蔥殼所組成,經哥哥仔示範方才明白艷麗o既玫瑰松板應先淋上蛋白漿,再成朵放入鍋中慢慢滾熟,等待花瓣散開變白,即可食用。松板豬頸肉不但儀態萬千,質感更加係軟中帶爽,香滑非常 cry

玫瑰松板(NT 1,280)

 

chopstick 菠菠糖(NT 380):菠菠糖以修長o既樹枝插住,旁邊有靚花相伴,樸素o既外型頓變成一幅立體畫o既骨幹,實在巧妙 star菠菠糖其實係以薄嫩o既菠菜包捲豆皮芝麻,連樹枝放入鍋中可方便煮熟後攞出。菠菜芝麻卷鮮香脆嫩,食完條脷都唔會嚡口,好有驚喜。
菠菠糖(NT 380)

菠菠糖(NT 380)

 
chopstick 墨條牛軋糖(NT 390):黑身白點o既墨魚條夾入咗雞軟骨碎粒,咬落煙韌中帶著卜卜脆,可謂軟硬兼備,平凡o既軀殼下暗藏著玄機。
墨條牛軋糖(NT 390)

墨條牛軋糖(NT 390)

 
chopstick 美國特級牛小排(NT 980):牛肉薄片猶如餐牌上o既彩圖般鮮艷,其雲石雪花紋理已盡顯特級靚牛如何肥瘦均勻,溶於口中更覺牛肉香軟無比,被封為「人間極品king 確無誇張。
美國特級牛小排(NT 980)

美國特級牛小排(NT 980)

 
chopstick 金線松茸(NT 190):師傅選用上等o既鱈魚金線魚縫製出松茸件,並叮囑服務生轉告煲煮時間不能超過漏斗計時器o既三分鐘。松茸清香鬆爽,鮮味慢慢滲出,果真清麗脫俗。
金線松茸(NT 190)

金線松茸(NT 190)

 
chopstick 鮮肉抄手(NT 180):鮮肉抄手皮薄軟滑,鮮肉餡心亦幼嫩可口。
鮮肉抄手(NT 180)

鮮肉抄手(NT 180)

 
chopstick 花園錦簇(NT 780):同成班美女廚神用膳絕對唔少得蔬菜依一環,打邊爐時o既份量唔知點解仲要比平時多,故點菜時亦揀選咗最豐盛o既花園錦簇。採用插花技藝造出o既蔬菜拼盤色澤翠綠鮮美,真係唔忍心食佢落肚。正當大家都未諗到方法去拆解園田花品時,哥哥仔就好似變魔術咁,將花瓶內o既蔬菜轉移至火鍋中,並砌出另一幅蔬菜圖,精彩得令人拍案叫絕 heart !美輪美奐o既菜品新鮮爽甜,外、內在美齊備,實在天衣無縫。
花園錦簇(NT 780)

花園錦簇(NT 780)

 
寬巷子」雖貴為火鍋專門店,但環境格調高雅衛生,真係可以同酒店或星級食肆媲美。餐店將高級o既魚鮮食材與美學藝術融合,獨創出一系列o既立體美食藝術品,展品不但美觀美味,食用途中更可欣賞到精妙o既烹飪表演,平均每人新台幣千五蚊左右,食到肚滿腸肥o既同時亦教人嘆為觀止,絕對超值!埋單時,靚女姐姐更送上六小杯冰震招牌果醋,以謝各人首度光臨;果醋酸甜清涼,消滯又解熱,成功為火鍋盛宴劃上完美o既句號 flower
寬巷子咭片,門面,單據,招牌果醋,八點半鐘之人龍

寬巷子咭片,門面,單據,招牌果醋,八點半鐘之人龍

 
內用候位時間: 0 分鐘
用餐日期: 2015-11-20        
此次消費: 每人約$1510 (晚餐)

評分: 味道 5   環境 5   服務 5   衛生 5   CP值 5

推薦此食記

3
 
 
你覺得這篇食記:
鼓勵
期待
有趣
感動
羨慕
好圖


查看結果

2019-11-15
Share on TwitterShare on Facebook
類別 : 台灣菜早餐店麵包/西點漢堡/三明治輕食

每次外遊細佬最怕就係食酒店嘅自助早餐,所以除非係房費包咗,XO仔盡量都會去訪尋區內嘅小店。多得近年網上流行分享飲食日誌,令團友們有緣遇上街坊熱店「真芳碳烤吐司紅茶牛奶smileheart
真芳碳烤吐司紅茶牛奶

真芳碳烤吐司紅茶牛奶

 
店子嘅招牌上寫明創辦年份為2015年star,咁都幾新吓喎。
真芳碳烤吐司紅茶牛奶

真芳碳烤吐司紅茶牛奶

 
門前有個寫出招牌菜式嘅黑板。
黑板介紹招牌菜

黑板介紹招牌菜

 
玻璃門上清楚道出營業時間為每天早上六點半到下午一點半,明顯只做早餐及午餐。
營業時間

營業時間

 
店內面積不大,木地板上只有四張木造餐桌,配上好街坊嘅圓櫈仔,望落都好乾淨企理。
真芳碳烤吐司紅茶牛奶

真芳碳烤吐司紅茶牛奶

 
四周亦有不少聖誕及可愛佈置excited,場內氣氛倍添溫馨。
可愛擺設

可愛擺設

 
大概六人嘅樣子也太外省了,所講嘅國語又充滿著口音really,在場年輕嘅服務生都估到大家對點菜流程不太熟識,所以安排好座位後,即好客地介紹餐牌上嘅項目,並友善地告知要先喺收銀處點選食物及付款後,食物準備好就會續一呈上。
收銀處

收銀處

 
兩頁彩圖餐牌相當詳細,真係估唔到喺台北食早餐都學識唔少國語用詞,例如「吐司」係「多士」、「起司」等同「芝士」咁,非常有趣tongue
彩圖餐牌

彩圖餐牌

 
彩圖餐牌

彩圖餐牌

 
落好單,俾埋錢,先有清晰嘅單據一張,原來餐店並無設加一服務費嘅。
單據

單據

 
呵呵呵,講個笑話俾大家笑吓先!話說姨丈叫咗杯「熱真芳紅茶」(NT 45),眼見熱飲被透明膠封實飲唔到喎,佢居然用手撕開塊膠黎飲shocked。。。
熱真芳紅茶(NT 45)

熱真芳紅茶(NT 45)

 
同桌嘅長輩其實都唔係好明小肥點解會笑爆咀,冇計啦,唯有等自己杯「冰紅茶牛奶」(NT 45)上枱時先玩真人示範lol。原來台灣嘅「冰紅茶牛奶」亦即香港嘅「凍奶茶」,凍飲香滑醇濃,絕不比港式絲襪奶茶遜色。
冰紅茶牛奶(NT 45)

冰紅茶牛奶(NT 45)

 
豬肉蛋起司(NT 60):「豬肉蛋起司」每客有兩件。
豬肉蛋起司(NT 60)

豬肉蛋起司(NT 60)

 
得悉團友們有意分黎食,姐姐仔仲好客氣地免費幫我地一開二後再開四,實在太周到啦flower豬肉蛋起司嘅兩塊多士好鬆脆,夾喺中間嘅豬肉蛋蛋芝士餡又夠惹味爽潤,掂呀!
豬肉蛋起司(NT 60)

豬肉蛋起司(NT 60)

 
真芳三明治(NT 90):「真芳三明治」其實係以豬肉蛋起司作基礎,面底另加兩層薯仔南瓜沙律,要留意嘅一點係內含花生醬,好似細佬咁有敏感問題就唔食得啦。
真芳三明治(NT 90)

真芳三明治(NT 90)

 
起司起司蛋(NT 50):顧名思義,「起司起司蛋」主材用上兩款車打芝士水牛芝士,並加上煎蛋孖芝蛋三文治香濃鬆軟,簡單可口yummy
起司起司蛋(NT 50)

起司起司蛋(NT 50)

 
真芳蛋餅(NT 30):姐姐仔推介嘅真芳蛋餅外表有啲似薄罉,但個蛋餅係軟腍腍嘅,入面有韭菜、同蛋蛋,濕潤得黎咸咸甜甜咁,都幾得意。
真芳蛋餅(NT 30)

真芳蛋餅(NT 30)

 
NT 30絕對係又平又正,結果當然係要追加啦heart
單據

單據

 
姨媽仲非常捧場地花生醬都買埋返香港做手信添。
甘甜花生醬(NT 200)

甘甜花生醬(NT 200)

 
只開早、午市嘅「真芳碳烤吐司紅茶牛奶」位於靜寂嘅橫街上,小店簡潔企理,服務生體貼入微,可謂溫馨洋溢,加上奶茶三文治即叫即做,新鮮熱辣又美味,價廉物美,個人誠意推介balloon
推薦美食: 冰紅茶牛奶, 豬肉蛋起司, 起司起司蛋, 真芳蛋餅
內用候位時間: 0 分鐘
用餐日期: 2018-11-25        
此次消費: 每人約$95 (早餐)

評分: 味道 5   環境 4   服務 5   衛生 5   CP值 5

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2016-07-25
Share on TwitterShare on Facebook
類別 : 多國菜咖啡店早午餐/下午茶輕食甜點/蛋糕果汁喝飲聊天浪漫情調

因為早一日未能成功朝聖,小五月天迷XO仔同表妹去機場前決意比多次機會大家 tongue ,睇吓同「StayReal Café by Gabee」係咪真係咁緣薄。
StayReal Café by Gabee

StayReal Café by Gabee

 
哈,點知原來相反,精品咖啡屋除咗地庫剛巧有張八人枱之外,該週六適逢店慶日,飲品全部買一送一,優惠彷彿正為我地餞行而設,好等大家臨行前可以瘋狂慶祝一番 heart
店慶日限定之飲品買一送一優惠

店慶日限定之飲品買一送一優惠

 
咖啡店o既裝潢以木為主,感覺涼爽企理,簡單以可愛o既卡通畫品裝飾,氣氛極為輕鬆。
咖啡店簡單以可愛o既卡通畫品裝飾

咖啡店簡單以可愛o既卡通畫品裝飾

 
店子合共兩層高,地面嗰層一早已滿座,通往下層必須行落樓梯。
散座

散座

 
因收銀部只有一個,下層o既食客就要先喺地下落單及付款,然後再等服務生送上咖啡食物,餐具同食用水則全為自助式。
單據

單據

 
精品咖啡店所選用o既咖啡杯全為StayReal品牌,每款咖啡特飲o既拉花設計亦各有不同,外觀已教小肥興奮 excited
咖啡飲品

咖啡飲品

 
當日o既飲品買一送一優惠不但適用於堂食,原來仲可以選擇「外帶」添 star
店慶日限定之飲品買一送一優惠

店慶日限定之飲品買一送一優惠

 
小肥最近成為咗士多啤梨迷,不用費神已諗好咖啡甜品都要哂草莓味
草莓棉花糖摩卡咖啡(NT 200)

草莓棉花糖摩卡咖啡(NT 200)

 
新鮮草莓園鬆餅(NT 240)

新鮮草莓園鬆餅(NT 240)

 
草莓棉花糖摩卡咖啡(NT 200):堂食嗰杯咖啡同相片一樣,浮面o既棉花糖半露出泡面 balloon ,贈送嗰杯「外帶」版一樣都係,而且包裝精美穩陣,防漏措施足,絕對唔驚搭車時會倒瀉 like
草莓棉花糖摩卡咖啡(NT 200)

草莓棉花糖摩卡咖啡(NT 200)

 
摩卡咖啡本身香濃幼滑,半溶o既棉花糖鬆軟得好似白雲咁,入口即化,草莓醬咖啡添上色彩o既同時,亦帶黎清新與香甜,直令口腔譜出派對音樂,爽呀! music music music
草莓棉花糖摩卡咖啡(NT 200)

草莓棉花糖摩卡咖啡(NT 200)

 
新鮮草莓園鬆餅(NT 240):士多啤梨味甜品配上紅色靚碟,夠哂搶眼。鬆餅可分成呈水滴形o既八小格,遠睇有啲似遊樂場入面o既「氹氹轉」。厚厚o既鬆餅外脆內鬆,每格都已沾上忌廉鮮草莓糖粉草莓醬朱古力醬雪糕,一口吃下清涼香甜o既草莓園鬆餅,口感集齊鬆脆爽滑於一身 cry ,派對音樂即擴展至全身,感覺極度狂野。
新鮮草莓園鬆餅(NT 240)

新鮮草莓園鬆餅(NT 240)

 
派對動物XO仔同表妹終於可以喺上飛機前與家人成功朝拜「StayReal Café」,並巧遇店慶日,以買一送一優惠享用超正o既草莓棉花糖摩卡咖啡,襯埋個可口o既新鮮草莓園鬆餅,口裡心中都洋溢著甜絲絲,認真抵玩到極,當真不枉此行 smileheart

***

派對動物
主唱:五月天
作詞/作曲:阿信

Let's go party party all night oh oh oh oh
Hey lonely lonely goodbye oh oh oh oh
我們都有覺悟 要瘋狂到日出
我們 天生 就是

我很嚴肅
這不能耽誤 這不能讓步
那現實中 已經有太多讓步
Hey 派對動物 別找退路

不會跳舞 就不要跳舞
搖擺也幸福
就閉著眼 以空氣吉他飆速
Hey 派對動物 不要認輸

你不孤獨 朋友滿屋
瘋狂胡鬧 瘋狂慶祝

Let's go party party all night oh oh oh oh
Hey lonely lonely goodbye oh oh oh oh
不願被當寵物 寧願變成怪物
噢噢 Oh oh oh oh

入不敷出
水電和房租 成績和任務
這泡沫般人生 是那麼辛苦
Hey 派對動物 是否麻木

你忘了笑 還忘了能哭
本性被馴服
花兩億年 進化卻沒有進步
Hey 派對動物

無論你是貓咪老虎 麻雀蝙蝠
都要驕傲 都要大步

Let's go party party all night oh oh oh oh
Hey lonely lonely goodbye oh oh oh oh
不願被當寵物 寧願變成怪物
噢噢 Oh oh oh oh

Let's go party party all night oh oh oh oh
Hey lonely lonely goodbye oh oh oh oh
我們都有覺悟 要瘋狂到日出
我們 天生 就是 派對動物

Let's go party party all night oh oh oh oh
Hey lonely lonely goodbye oh oh oh oh
人生難得糊塗 偶爾脫軌演出
噢噢 Oh oh oh oh

Let's go party party all night oh oh oh oh
Hey lonely lonely goodbye oh oh oh oh
我們都有覺悟 要瘋狂到日出
我們 天生 就是 派對動物
內用候位時間: 0 分鐘
用餐日期: 2015-11-21        
此次消費: 每人約$145 (下午茶)
用餐優惠: 其他

評分: 味道 5   環境 4   服務 5   衛生 4   CP值 5

推薦此食記

3
 
 
你覺得這篇食記:
鼓勵
期待
有趣
感動
羨慕
好圖

共有1 人投票
查看結果