OpenRice 主頁
  
Handsome XO
食記會員 6次成為首位寫食記會員
食記數目 食評數目 37
編輯推薦數目 編輯推薦數目 4
食記被推次數 會員推薦次數 63
人氣指數 人氣指數 717
討論區留言 留言數目 0
上傳照片 上傳照片 722
上傳影片 上傳影片 2
我的推薦食記 我推薦的食記 37
我的餐廳 我的餐廳 34
關注 關注 46
粉絲 粉絲 4041
Handsome XO  等級3
關注 關注  留言 留言給此食家 
排序方法:  日期 笑臉 笑臉 哭臉 哭臉  編輯推薦  餐廳總分 
 
 
 
 
 
  文章形式 文章形式   |   地圖形式 地圖形式
共 34 篇台灣及鄰近地區的食記,正顯示第 1 至 5 篇的食記
2024-03-07
Share on TwitterShare on Facebook
類別 : 中餐廳

喺日本一個禮拜主要都係食和牛同海鮮,深知姨媽最愛食雞,所以喺台北食嘅第一餐就搵咗間雞雞專門店「雞家莊smileheart。據悉新店易搵位啲,為怕同行嘅七、八旬長輩要等位,初次到訪就棄選母店,先試「雞家莊六條店」。
雞家莊六條店

雞家莊六條店

 
雞家莊六條店

雞家莊六條店

 
地舖於街道上閃出金光,右邊可見雞群烘住幾款招牌菜式嘅靚相。
雞家莊六條店

雞家莊六條店

 
左邊則吊出多隻不同色澤嘅雞雞。
雞家莊六條店

雞家莊六條店

 
用餐大堂嘅紅白半磚牆滲透著傳統中國風彩,光線充裕,衛生企理,餐桌與餐桌間夠距離,空間感足。
用餐大堂

用餐大堂

 
用餐大堂

用餐大堂

 
XO仔自知國語發音唔係太標準,避免發生雞同鴨講嘅情形,故早已做定功課諗定叫乜兼寫定紙仔,姐姐仔見狀明顯感到意外,不過微O嘴後即以手指公回應like
斬雞部

斬雞部

 
chopstick三味雞(NT 800):顧名思義,招牌雞由三款口味嘅雞雞合拼而成,包括橙亮嘅燻雞、黃皮嘅白斬雞及黑皮嘅烏骨雞。色澤不同嘅三味雞油光閃爍,脂肪唔多,肉質都好軟腍,最意外係烏雞啲肉唔嚡,依個價錢絕對唔應該挑剔,只係自己食過更嫩滑嘅而已。姨丈就勁欣賞拌碟嘅酸菜,大讚咸酸中帶著爽甜,比雞肉更有特色star
三味雞(NT 800)

三味雞(NT 800)

 
chopstick雞飯(NT 50/位):原來「雞家莊」嘅雞飯同平時跟海南雞嘅油飯唔同,熱辣辣嘅雞飯係用雞湯煲煮而成,清香不油膩。收費係人頭計,偷聽到隔離枱話可以無限添加heart,不過八人分咗四碗都差啲食唔哂,建議大家可以先二至三人分一碗,唔夠先追加。
雞飯(NT 50/位)

雞飯(NT 50/位)

 
chopstick蔭豉蚵(NT 398):粒粒脹爆嘅蚵仔鮮嫩肥潤,以豉汁蔥粒爆香已夠惹味,經典台菜冇得輸。
蔭豉蚵(NT 398)

蔭豉蚵(NT 398)

 
chopstick沙茶豬心(NT 420):淨睇餐牌未必會點,多得食家網友極力推薦先膽粗粗一試!貌似炒牛肉嘅豬心片得好夠薄身,咬落爽脆Q彈cry,熱辣夠鑊氣,個人覺得比招牌三味雞美味得多,必吃也!
沙茶豬心(NT 420)

沙茶豬心(NT 420)

 
chopstick雞家豆腐(NT 298):鎮店名菜之一嘅賣相可愛吸睛excited
雞家豆腐(NT 298)

雞家豆腐(NT 298)

 
大大隻公雞外表十分剛強,砵中嘅豆腐卻幼嫩滑溜,混入其中嘅雞肉碎都一樣軟嫩,微微嘅辣勁提神醒胃,撈埋落個雞飯度食尤其芳香。
雞家豆腐(NT 298)

雞家豆腐(NT 298)

 
chopstick木耳水血(NT 298):「雞紅」喺台灣叫做「水血」,喺雞雞專門店梗係要點黎試吓啦,話哂日日劏咁多隻雞,啲雞血應該最新鮮。連相都影得出厚厚嘅水血光滑尤甚,學二叔話齋,滑到唔洗咬已經可以直吞lol,唔嚡兼冇渣,伴入脆巧嘅木耳即為口感添上層次。
木耳水血(NT 298)

木耳水血(NT 298)

 
chopstick脆皮腸(NT 398):酥炸大腸喺香港食唔少,感覺台灣版雖然好似冇咁油,不過食落唔夠脆之餘仲好韌皮mad,少啲牙力都未必食得到。
脆皮腸(NT 398)

脆皮腸(NT 398)

 
chopstick雞卷(NT 340):網友另一推介嘅雞卷係就係炸得好金黃,無奈外層嘅腐皮腍而不脆,咬落仲有陣油膱味ghost,卷中嘅雞肉餡乾嚡偏硬,唔知廚房係咪嗰日失手呢?
雞卷(NT 340)

雞卷(NT 340)

 
chopstick鹽水肫(NT 298):姨媽堅眼利,一入門口已經留意到左方斬雞師傅留起咗啲雞腎,由於唔識國語點講就用手指搭救,姐姐仔明白後即寫出「雞肫」同「雞胗」,讀都未識讀,真係好難估得中喎really!。新鮮雞腎爽口彈牙,一個字,「wow」!
鹽水肫(NT 298)

鹽水肫(NT 298)

 
chopstick麻油腰花(NT 440):帶有麻油香豬腰一啲餲味都冇,每件同樣鬆爽厚潤。
麻油腰花(NT 440)

麻油腰花(NT 440)

 
chopstick手工雞蛋布丁(免費招待):結尾點咗兩客雞蛋布丁黎分,甜品芬芳柔滑,焦糖漿嘅甜味成功吊出蛋香,恰到好處balloon。埋單提示收銀員冇寫甜品落單,即學識「免費贈送」為「招待」,今餐又學到野。
手工雞蛋布丁(免費招待)

手工雞蛋布丁(免費招待)

 
雞家莊」為台北擁有四十多年經驗嘅老字號,其六條店光鮮企理,服務生以禮相待,招牌小菜有板有眼,肥肥家族反覺內臟菜式更有驚喜,價格親民合理,絕對值得一試。musicmusic
推薦美食: 雞飯, 蔭豉蚵, 沙茶豬心, 雞家豆腐, 木耳水血, 鹽水肫, 麻油腰花, 手工雞蛋布丁
內用候位時間: 0 分鐘
用餐日期: 2023-04-11        
此次消費: 每人約$550 (晚餐)

評分: 味道 4   環境 4   服務 4   衛生 5   CP值 5

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2019-11-12
Share on TwitterShare on Facebook
類別 : 多國菜精緻料理慶祝紀念日

週末訪台數天,主要目的當然係離不開吃喝玩樂,但要為一行十二人編排膳食,絕非易事。幸好互聯網上嘅飲食資訊非常詳盡,XO仔方才發掘到連旅遊書籍都未提及過嘅隱蔽美食大宅「桌藏star
桌藏

桌藏

 
以電郵訂座,只需填回信用卡授權書並支付訂金,流程相當簡易。的士停在以磨沙玻璃圍起嘅餐廳門前,第一刻感覺十分時尚。
桌藏之正門

桌藏之正門

 
步進圓形嘅門框卻又踏上幽靜嘅石徑,庭園式嘅設計又充滿著中國風smileheart
石徑

石徑

 
店內嘅光線柔和,摩登嘅間隔開揚通爽,厚墊椅櫈亦好舒適。每個座位面前除咗有齊備嘅餐具,最搶眼就係把扇形菜單excited
扇形菜單

扇形菜單

 
反轉一看先知原來兩邊嘅內容為中英對照,這個中西合璧典雅得也真夠全面king。八道菜餐單價格為NT 3,300/位,當中每人需點選湯品及主菜兩個項目。湯品有「干邑龍蝦海鮮湯佐擔仔麵」及「日本瑤柱、金華火腿、雞煲湯」兩款可揀;而主菜則有四款之多,當晚有「澳洲羊肩排」、「澳洲和牛臉頰」、「美國安格斯牛扒」、「櫻桃鴨油封鴨腳」。
扇形菜單

扇形菜單

 
點好菜,晚餐即由一小杯清香怡神嘅「台南有機紅心芭樂茶」作序,據悉有養生紓壓之效。
台南有機紅心芭樂茶

台南有機紅心芭樂茶

 
接棒嘅四式麵包有紅豆包、火腿包橄欖芝麻包芝士包,每件不單外表金黃,而且熱辣鬆軟,一人有成籃咁多shocked,份量真夠堅!
紅豆包、火腿包、橄欖芝麻包、芝士包

紅豆包、火腿包、橄欖芝麻包、芝士包

 
兩款牛油修長軟滑,中式嘅擺盤亦非常吸睛。
牛油

牛油

 
菜譜中嘅前菜為二重奏,第一節「當令開胃菜」乃色澤鮮艷嘅小食拼盤。金邊靚碟上有鮮爽醒神嘅天使紅蝦、芬芳彈牙嘅松露鮑魚、鮮香潤澤嘅蕃茄仔、爽脆甜美嘅粟米仔無花果
當令開胃菜

當令開胃菜

 
而第二節「台式蘿蔔糕微烤法國鴨肝醬」雖看似簡單,但菜式嘅複雜度卻絲毫不遜前段。
台式蘿蔔糕微烤法國鴨肝醬

台式蘿蔔糕微烤法國鴨肝醬

 
長碟上兩件台式蘿蔔糕方塊質感厚潤有彈性,師傅巧妙地喺面塗上微烤過嘅法國鴨肝醬,除咗為糕品添上柔軟滑溜,同時亦能帶出鮮濃惹味cry,神來之筆確真細膩得很!
台式蘿蔔糕微烤法國鴨肝醬

台式蘿蔔糕微烤法國鴨肝醬

 
湯品一環,小肥揀咗「干邑龍蝦海鮮湯佐擔仔麵」,熱湯均由服務生即場續一倒入石碗中。

干邑龍蝦海鮮湯佐擔仔麵

 
橙黃色嘅海鮮湯底香濃醇厚,幼身嘅擔仔麵條又夠柔韌,混入鮮甜爽脆嘅龍蝦肉龍蝦湯麵絕對真材實料like,堅掂!
干邑龍蝦海鮮湯佐擔仔麵

干邑龍蝦海鮮湯佐擔仔麵

 
另外一款湯為「日本瑤柱、金華火腿、雞煲湯」,小弟冇份食都影咗幅相同大家分享tongue
日本瑤柱、金華火腿、雞煲湯

日本瑤柱、金華火腿、雞煲湯

 
人家聽歌學國語,小肥則用餐學中文lol!今次就由「桌藏」老師教曉三魚組成嘅「鱻」字為「鮮」之異體字;接著嘅一道「鱻盤」就係指當日最時令嘅海鮮「處女蟳」,即「螃蟹」,所烹調出嘅「處女蟳焗越前米」。菜式用上秋天最肥美嘅處女蟳,師傅拆出蟹肉後,就用返個殼加入飽滿晶瑩嘅越前米焗製,頂面再加插翠綠嘅菜苗蟹飯入口鮮香濃甜,且毫不溜滯,當真如餸名咁「鱻」heart
處女蟳焗越前米

處女蟳焗越前米

 
主菜出場前,貴客眼前突然煙霧四起excited,感覺猶如置身於仙境中般奇妙。
洛神花冰沙

洛神花冰沙

 
洛神花冰沙

洛神花冰沙

 
霧裡透出嘅點點紅原來係清涼醒神且消滯嘅「洛神花冰沙」。真係冇諗到一頓晚餐除咗可大飽口福之餘,更可享盡眼福!
洛神花冰沙

洛神花冰沙

 
四款主菜分別為「澳洲羊肩排」、
澳洲羊肩排

澳洲羊肩排

 
個樣有啲似糯米雞嘅「澳洲和牛臉頰」、
澳洲和牛臉頰

澳洲和牛臉頰

 
澳洲和牛臉頰

澳洲和牛臉頰

 
法式名菜「櫻桃鴨油封鴨腳」、
櫻桃鴨油封鴨腳

櫻桃鴨油封鴨腳

 
及鮮紅美艷嘅「美國安格斯牛扒」。
美國安格斯牛扒

美國安格斯牛扒

 
兩三成熟嘅安格斯牛扒不單紅潤有光澤,油脂不多,一刀切落去已感其肉質十分鬆軟balloon,入口更覺美國靚牛極富彈性,且肉汁豐厚,惹味可口。
美國安格斯牛扒

美國安格斯牛扒

 
由咸轉甜,間場先有杯清爽微甜嘅小红莓凍飲為味蕾洗滌一番,冇錯,入面仲有朵食用花flower
小红莓凍飲

小红莓凍飲

 
大廚嘅心思相當精密,甜品嘅設計跟前菜好對稱地一同譜出二重奏,第一節亦同為拼盤,不同之處在於前菜拼盤以西餐碟上,而甜品拼盤則換上鮮紅嘅中式錦盒承載。musicmusic
中式甜品錦盒

中式甜品錦盒

 
下圖為甜品拼盤嘅正常版。
中式甜品錦盒

中式甜品錦盒

 
錦盒中嘅四件甜點均一口一件,中央淺啡色嘅「烏龍茶泡夫」外鬆內軟,烏龍茶味芳香,而上方件「焦糖芒果辣椒糕」則清甜得黎帶有少少辣勁,好得意。由於細佬早於訂座時說明對果仁敏感,自己嗰份就冇咗含果仁嘅嗰粒朱古力,而多咗件又彈又潤又清香嘅芭樂糕smile
中式甜品錦盒

中式甜品錦盒

 
甜品第二節就帶點分子料理元素,連餐具嘅組合都新潮過人love。下方嘅白碟上有件被雜果圍住嘅法式多士方磚,碟子上方凹咗嘅一角剛巧連接住另上嘅糖漿法式多士方磚鬆化輕盈,頂面以黑糖魚子醬點綴能增添濕潤及微甜,食客可因應自己嘅需求再淋上糖漿,伴配爽甜嘅鮮果又夠清新健美,整個設汁除咗美觀及美味之外,更很是周詳。
黑糖魚子醬法式多士

黑糖魚子醬法式多士

 
晚膳以餐後飲作結,小肥杯洋式特濃咖啡屬刺激性飲品,咖啡師不知是有意定無意地揀選咗隻刻有「靜」字嘅木碟呈上,莫非係要傳遞喝畢要靜下來嘅訊息?!
特濃咖啡

特濃咖啡

 
於台北化身為一所型格住宅嘅「桌藏」由外到內、裝潢到菜式,都散發著中西匯萃嘅氣息。時尚嘅用餐大堂由年輕友善嘅服務生掌舵,到步一刻已續一扶持長輩們入屋就座,離開時仲親身陪同去搭的士,體貼入微之情盡在不言中。大廚端上餐桌上嘅無國界美食精緻味佳,中段更締造出煙霧迷漫嘅特效仙境,這個感觀之旅確真豐盛,而且仲極之抵玩添heart
推薦美食: 台南有機紅心芭樂茶, 紅豆包、火腿包、橄欖芝麻包、芝士包, 牛油, 當令開胃菜, 台式蘿蔔糕微烤法國鴨肝醬, 干邑龍蝦海鮮湯佐擔仔麵, 處女蟳焗越前米, 洛神花冰沙, 美國安格斯牛扒, 小红莓凍飲, 中式甜品錦盒, 黑糖魚子醬法式多士, 特濃咖啡
內用候位時間: 0 分鐘
用餐日期: 2018-11-23        
此次消費: 每人約$3800 (晚餐)

評分: 味道 4   環境 5   服務 5   衛生 5   CP值 5

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2019-11-06
Share on TwitterShare on Facebook
類別 : 台灣菜飯店餐廳精緻料理浪漫情調慶祝紀念日

早機抵台後,中午即到達入住之「寒舍艾麗酒店」,等待房間時,當然係要醫飽肚肚先啦tongue!收藏好行李後,十人即前往隔壁嘅姊妹酒店「寒舍艾美酒店」,於其中菜廳「寒舍食譜」享用午膳,步行不需五分鐘,確真方便得很。
寒舍食譜

寒舍食譜

 
酒店餐廳樓底高高,極有氣派。用餐大堂開揚通爽,地上舖出厚厚嘅紅地毯,配上牆上嘅國畫,中國風味濃厚,同時亦不失時代感。
用餐大堂樓底高高,極有氣派

用餐大堂樓底高高,極有氣派

 
餐桌上有齊備之自用及公用餐具,整潔衛生。
餐桌上有齊備之自用及公用餐具

餐桌上有齊備之自用及公用餐具

 
人多點餸都幾有難度架,何況餐牌咁厚,結果人人有份點heart。厚厚嘅餐牌中其中七頁為續位計嘅套餐項目。
餐牌

餐牌

 
餐牌

餐牌

 
另有三頁為每席計嘅十人套餐選擇。
餐牌

餐牌

 
其餘則為散點菜式。
餐牌

餐牌

 
唯一附上彩色插圖嘅一頁應該屬精選推介。
餐牌

餐牌

 
chopstick椒鹽鴨舌(NT 520):台式鴨舌同港版嘅唔同,每件都係連埋下巴嘅,所以大隻得多,細佬唔係幾識點咬,唯一只可以講得出椒鹽鴨舌嘅炸皮好鬆脆惹味。
椒鹽鴨舌(NT 520)

椒鹽鴨舌(NT 520)

 
chopstick脆皮先知鴨(NT 1,880/隻):旅遊王Uncle介紹嘅招牌菜「脆皮先知鴨」原來係由寒舍集團創辦人蔡辰洋先生以蘇東坡嘅名作「春江水暖鴨先知」起名star
脆皮先知鴨(NT 1,880/隻)

脆皮先知鴨(NT 1,880/隻)

 
每隻均由帶上手套嘅師傅即場切出excited
脆皮先知鴨(NT 1,880/隻)

脆皮先知鴨(NT 1,880/隻)

 
脖子長長嘅先知鴨當真如餸名般脆皮,皮下脂肪不多,鴨肉芳香軟嫩,堅掂like
脆皮先知鴨(NT 1,880/隻)

脆皮先知鴨(NT 1,880/隻)

 
chopstick欖菜四季豆(NT 480):砌到成幅畫咁靚嘅四季豆翠綠香脆,簡單可口。
欖菜四季豆(NT 480)

欖菜四季豆(NT 480)

 
chopstickXO醬乾炒蘿蔔糕(NT 420):雖則炒蘿蔔糕好夠乾身,無奈其炸皮過厚及腍,蘿蔔糕方塊偏韌而不鬆潤sick,甚為失色。
XO醬乾炒蘿蔔糕(NT 420)

XO醬乾炒蘿蔔糕(NT 420)

 
chopstick手創花枝軟絲丸(NT 680/客):色澤金黃嘅花枝丸香脆鬆爽。
手創花枝軟絲丸(NT 680/客)

手創花枝軟絲丸(NT 680/客)

 
手創花枝軟絲丸(NT 680/客)

手創花枝軟絲丸(NT 680/客)

 
chopstick肥牛潤腸粉(NT 280):腸粉豉油係上枱後由服務生代為淋上,以確保腸粉唔會被浸到腍哂。
肥牛潤腸粉(NT 280)

肥牛潤腸粉(NT 280)

 
此味肥牛潤腸粉肥牛並非包入腸粉內作餡,而係舖喺腸粉上蒸煮嘅。墊底嘅腸粉柔軟潤滑,伴配軟嫩嘅肥牛碎即增添肉香balloon
肥牛潤腸粉(NT 280)

肥牛潤腸粉(NT 280)

 
chopstick百花油條腸粉(NT 240/客):百花油條腸粉亦即釀入蝦膠炸兩,香滑嘅腸粉皮下嘅油條鬆化脆口,中間嘅百花蝦膠亦爽潤彈牙,點上甜豉油已夠滋味無窮cry
百花油條腸粉(NT 240/客)

百花油條腸粉(NT 240/客)

 
百花油條腸粉(NT 240/客)

百花油條腸粉(NT 240/客)

 
chopstick櫻花蝦豚肉絲炒高麗菜(NT 480/客):以櫻花蝦豚肉絲點綴嘅高麗菜爽脆惹味。
櫻花蝦豚肉絲炒高麗菜(NT 480/客)

櫻花蝦豚肉絲炒高麗菜(NT 480/客)

 
chopstick金瑤蟹肉乾燒米粉(NT 880/客):金橙亮麗嘅乾燒米粉幼嫩軟滑,油潤芬芳,蟹肉則鮮甜香嫩,撈入清新爽口嘅芽菜即加添口感,十分細膩king
金瑤蟹肉乾燒米粉(NT 880/客)

金瑤蟹肉乾燒米粉(NT 880/客)

 
chopstick福菜丁香炒水蓮(NT 520/客):細佬因怕食魚仔,故未有一嚐炒水蓮,只係影咗幅相同大家分享。
福菜丁香炒水蓮(NT 520/客)

福菜丁香炒水蓮(NT 520/客)

 
chopstick熊貓流沙包(NT 300/三隻):熊貓流沙包外型趣緻可愛smileheart,肥嘟嘟嘅包身鬆軟熱辣,中間嘅奶皇餡心亦香濃甜美。
熊貓流沙包(NT 300/三隻)

熊貓流沙包(NT 300/三隻)

 
酒店中菜廳「寒舍食譜」環境闊落開揚,服務生體貼友善,點心小菜質高味佳,整頓午餐當真猶如店名般謙遜,絕對值得推介。
單據

單據

 
推薦美食: 脆皮先知鴨, 欖菜四季豆, 手創花枝軟絲丸, 肥牛潤腸粉, 百花油條腸粉, 櫻花蝦豚肉絲炒高麗菜, 金瑤蟹肉乾燒米粉, 熊貓流沙包
內用候位時間: 0 分鐘
用餐日期: 2018-11-23        
此次消費: 每人約$1168 (午餐)

評分: 味道 4   環境 5   服務 5   衛生 5   CP值 4

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2016-06-10
Share on TwitterShare on Facebook
類別 : 日本菜居酒屋主題餐廳

XO仔讀書唔叻,唯有將勤補拙,記得大學時代為咗要學講普通話,經常都會厚著臉皮四周結識黎自台灣及大陸o既外地生,好等自己可以有更多練習o既機會,細佬就係咁遇上咗台灣女朋友 flower 。畢業多年後,小肥終於有機會去台北玩,所以第一時間就相約台灣女友午聚,地點就揀喺一家多位親友都推薦o既「三井」日本料理 star

餐廳黑漆o既大門及深色o既落地玻璃側門極富神秘感,不過當真並不起眼,一啲都唔易搵。
三井 CUISINE M

三井 CUISINE M

 
大廳樓底極高,開揚通爽,室內光線雖偏暗,不過紅色o既天花配上摩登o既吊燈,潮氣洋溢。musicmusic
三井 CUISINE M

三井 CUISINE M

 
餐桌上o既小蠟燭擺設,襯托埋布造餐墊、鶴形筷子座及小鐵酒杯,新潮得黎不失高雅。
小蠟燭擺設、餐具、鶴形筷子座及小鐵酒杯

小蠟燭擺設、餐具、鶴形筷子座及小鐵酒杯

 
可能一行十人中只有幾個可以用國語溝通,又有大有細,嚇親樓面位姐姐仔,令佢驚慌失措到要搵同事幫忙落單;為免增添混亂,我地最終都係決定各自挑選一客午市套餐。大家主攻嗰三款套餐分別為「歇雲套餐」(NT 1,200)、「淺雨套餐」(NT 1,500)及「薄月套餐」(NT 2,800);嘻嘻,小肥身為全枱人最擦得嗰個,當然係試勻哂啦 tongue
歇雲套餐(NT 1,200)

歇雲套餐(NT 1,200)

 
淺雨套餐(NT 1,500)

淺雨套餐(NT 1,500)

 
薄月套餐(NT 2,800)

薄月套餐(NT 2,800)

 
由於餐牌上冇列明各套餐所包o既菜式詳情,我地都係要等食物上枱時先知有咩食 shocked 。原來三款價錢不同o既午餐除咗菜式數目有所不同之外,就連內容都好大分別,不過當中亦有一模一樣o既飯後生果及餐茶或咖啡。

如相所示,三個套餐都有刺身拼盤一客,價錢越貴,款式及件數越多。每盤最基本有兩件清香甜美o既金目鯛。而所選取o既吞拿魚部位及生蝦o既級數則同套餐o既價格成正比;「淺雨套餐」o既中拖羅及「薄月套餐」o既大拖羅肥美香嫩,入口即溶,確實齒頰留香 king ;「薄月套餐」o既牡丹蝦爽滑甜美,亦是一絕。
刺身拼盤

刺身拼盤

 
此外,「淺雨套餐」碟刺身拼盤上多咗一隻飽魚,「薄月套餐」則多咗鮮嫩o既帶子同軟潤o既鮟鱇魚肝,另外仲有兩隻分開上o既飽魚,派頭十足 excited
薄月套餐(NT 2,800):飽魚

薄月套餐(NT 2,800):飽魚

 
除咗魚生,每份套餐都包有沙律或前菜、蝦或蟹、燒魚菜式、湯品及甜品。「歇雲套餐」可算為最清o既一款;前菜「秋葵三文魚籽」清新濕潤、炸物「油切車蝦」乾身爽脆、煮物「銀鱈大根カマ」口感豐富,香脆惹味、形似魚蛋o既「毛蟹の真薯椀」則軟腍中帶點煙韌,清湯微甜討好 balloon
套餐包有沙律或前菜、蝦或蟹、燒魚菜式、湯品

套餐包有沙律或前菜、蝦或蟹、燒魚菜式、湯品

 
淺雨套餐」整體味道更為濃郁;前菜「馬糞海膽葵泥」香濃潤澤、大大隻「0.20kg 活車海老塩燒」爽厚彈牙、「旗魚腹串燒」香口而不油膩、「北寄貝吸」亦軟脆清甜。除咗四款升級海鮮菜式,套餐仲包有如薯片般脆薄o既「餅揚出げし」、「馬鈴薯牛肉釡燒」及甘醇o既「綠茶朱古力餅」。
淺雨套餐:餅揚出げし、馬鈴薯牛肉釡燒、綠茶朱古力餅

淺雨套餐:餅揚出げし、馬鈴薯牛肉釡燒、綠茶朱古力餅

 
薄月套餐」o既項目數量雖然同「淺雨套餐」差唔多,但係其實份量同食材明顯更為豐盛 smileheart ;刺身拼盤多咗魚生同鮑魚、沙律入面加咗幾片大鮑、蝦o既菜式變成幼嫩無比o既「活鱈場蟹烤」、燒魚亦升呢為鮮嫩香滑o既「0.32kg油串(吞拿魚)下巴燒き」、湯品更換上包有原隻蟹鉗o既「味噌醇蟹」。套餐額外仲有兩串皮脆心嫩o既「生蠔カリカリ揚げ」(炸蠔)、鬆軟而肉汁豐厚o既「沙朗牛ステーキ」(西冷牛扒)及望落都矜貴過人o既「金箔綠茶朱古力餅」。
薄月套餐:鮑魚、沙朗牛ステーキ、生蠔カリカリ揚げ、金箔綠茶朱古力餅

薄月套餐:鮑魚、沙朗牛ステーキ、生蠔カリカリ揚げ、金箔綠茶朱古力餅

 
三井」環境雅麗新潮,舒適衛生,午市套餐o既菜餚款式多元化,魚材高質鮮美,菜式美觀又美味,難怪可得到眾親友頂力支持及推舉 like ,下次再黎台北一定會返轉頭。
單據

單據

 
內用候位時間: 0 分鐘
用餐日期: 2015-11-19        
此次消費: 每人約$1800 (午餐)

評分: 味道 4   環境 5   服務 4   衛生 5   CP值 4

推薦此食記

3
 
 
你覺得這篇食記:
鼓勵
期待
有趣
感動
羨慕
好圖

共有2 人投票
查看結果

2024-04-08
Share on TwitterShare on Facebook
類別 : 上海菜中餐廳中式糕餅中式麵點

為怕年長嘅家人趕,哥哥專登選乘傍晚機返港,朝早辦理好退房手續,諗住可以行過去101食埋台灣名店「鼎泰豐」嘅小籠包先佗佗佻佻地去機場lol
鼎泰豐101店

鼎泰豐101店

 
真係冇諗過餐店早上十一點開門,十點九門外已企滿已取票嘅食客等位shocked,七人用餐結果等咗成個鐘先可進場upset,即係食第二輪。
鼎泰豐101店

鼎泰豐101店

 
取號入座

取號入座

 
幸好等待期間可先於網上點菜star,打發咁啲時間。
網上點菜

網上點菜

 
亦可於收銀處選購可愛嘅紀念品smileheart
鼎泰豐紀念品

鼎泰豐紀念品

 
鼎泰豐紀念品

鼎泰豐紀念品

 
仲印埋個101店紀念章添。無奈人齊先可入座,八旬家人要企咁耐確真有點兒吃力ghost
鼎泰豐101店紀念章

鼎泰豐101店紀念章

 
餐廳面積開揚寬廣,又夠光猛,最入位置可見多位帶哂口罩同帽帽嘅廚師忙碌工作excited,透明度高且相當衛生。
多位帶哂口罩同帽帽嘅廚師忙碌工作,透明度高且相當衛生

多位帶哂口罩同帽帽嘅廚師忙碌工作,透明度高且相當衛生

 
所有食物由餐飲機械人派送,節省人力且效率高。
餐飲機械人

餐飲機械人

 
chopstick烤麩(NT 110):烤麩前菜香甜鬆爽。
烤麩(NT 110)

烤麩(NT 110)

 
chopstick紹興醉雞(NT 350):醉雞嘅雞皮夠油滑,可惜肉質嚡口唔軟熟。
紹興醉雞(NT 350)

紹興醉雞(NT 350)

 
chopstick香辣牛肚(NT 200):以香蒜點綴嘅牛肚爽辣帶脆,惹味討好balloon
香辣牛肚(NT 200)

香辣牛肚(NT 200)

 
chopstick高麗菜(NT 230):大大塊高麗菜清脆唔油膩,只係冇乜味。
高麗菜(NT 230)

高麗菜(NT 230)

 
chopstick清炒蝦仁(NT 490):蝦仁尚算爽口,不過未為最鮮。
清炒蝦仁(NT 490)

清炒蝦仁(NT 490)

 
chopstick紅油抄手菜肉;NT 180):雖然個賣相冇乜特別,但多款包包同餃餃中以此味紅油抄手嘅皮層最滑溜king菜肉餡心仲好脆嫩。
紅油抄手(菜肉;NT 180)

紅油抄手(菜肉;NT 180)

 
chopstick香菇素餃(NT 27/個):素餃皮厚偏硬同乾,完全唔掂當dislike
香菇素餃(NT 27/個)

香菇素餃(NT 27/個)

 
chopstick蝦仁蛋炒飯(NT 270):金黃吸睛嘅炒飯落得夠蛋蛋所以好香,飯粒飽滿肥潤,反而啲蝦仁偏乾同老。
蝦仁蛋炒飯(NT 270)

蝦仁蛋炒飯(NT 270)

 
chopstick排骨麵(NT 240):上枱時全塊排骨已經浸咗喺湯入面不知幾耐frustrated,食落好自然地超腍,個湯仲好油添,其實排骨如果分開上即能解決所有問題,有心做亦唔難。
排骨麵(NT 240)

排骨麵(NT 240)

 
chopstick酸辣湯(NT 170/中):酸辣湯為哥哥同媽咪所點,細佬一向怕酸所以冇試,只交由手機代食。
酸辣湯(NT 170/中)

酸辣湯(NT 170/中)

 
酸辣湯(NT 170/中)

酸辣湯(NT 170/中)

 
chopstick小籠包(NT 250/十隻):鎮店招牌小籠包雖則肉餡軟嫩鮮甜,弊在皮厚湯少,頗為失色upset
小籠包(NT 250/十隻)

小籠包(NT 250/十隻)

 
chopstick蟹粉小籠包(NT 400/十隻):蟹粉小籠包除咗個籠入面多咗隻小黃蟹做記號之外,講真食落同普通小籠包無異,貴咁多都食唔出有蟹味喎really,堅唔抵啦!
蟹粉小籠包(NT 400/十隻)

蟹粉小籠包(NT 400/十隻)

 
蟹粉小籠包之記號

蟹粉小籠包之記號

 
chopstick小籠湯包(NT 380/二十隻):只限週末提供嘅小籠湯包明顯細粒啲,姨媽真係好眼,留意到另一分別係個結原來係收喺包底嘅。應建議連另上嘅蛋花湯食,感覺限量貨色層皮比普通小籠包更厚且肉更少,點心盡失小籠包嘅特質sick,真心食唔過!
小籠湯包(NT 380/二十隻)

小籠湯包(NT 380/二十隻)

 
chopstick紅燒牛肉麵(NT 280):紅燒牛肉麵入面啲牛筋軟彈入味,湯底都好濃甜,唯一唔係好夠熱,同埋麵條有啲硬。
紅燒牛肉麵(NT 280)

紅燒牛肉麵(NT 280)

 
chopstick元盅牛肉麵(NT 270):元盅牛肉麵湯餸分開上,湯底比紅燒牛肉麵熱辣,靚肉半鬆爽半軟腍yummy,係三種湯麵中最美味嘅一款。
元盅牛肉麵(NT 270)

元盅牛肉麵(NT 270)

 
元盅牛肉麵(NT 270)

元盅牛肉麵(NT 270)

 
商場餐廳「鼎泰豐101店」環境企理,服務生態度良好,運作流暢所以返枱迅速。或許期望過高所致,感覺招牌菜式包括小籠包嘅質量比較一般,價格亦不甚親民,要排成個鐘頭隊去食當真唔係咁值囉mad
推薦美食: 香辣牛肚, 紅油抄手(菜肉), 元盅牛肉麵
內用候位時間: 60 分鐘
用餐日期: 2023-04-16        
此次消費: 每人約$700 (午餐)

評分: 味道 2   環境 3   服務 3   衛生 4   CP值 2

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果