OpenRice 主頁
  
Handsome XO
食記會員 5次成為首位寫食記會員
食記數目 食評數目 27
編輯推薦數目 編輯推薦數目 3
食記被推次數 會員推薦次數 53
人氣指數 人氣指數 592
討論區留言 留言數目 0
上傳照片 上傳照片 489
上傳影片 上傳影片 2
我的推薦食記 我推薦的食記 27
我的餐廳 我的餐廳 24
關注 關注 37
粉絲 粉絲 3035
Handsome XO  等級2
關注 關注  留言 留言給此食家 
排序方法:  日期 笑臉 笑臉 哭臉 哭臉  編輯推薦  餐廳總分 
 
 
 
 
 
  文章形式 文章形式   |   地圖形式 地圖形式
共 27 篇台灣及鄰近地區的食記,正顯示第 1 至 5 篇的食記
2020-02-07
Share on TwitterShare on Facebook
類別 : 台灣菜中餐廳海鮮喝飲聊天

自從幾年前喺「台南三哥海鮮」享用過一頓豐盛嘅海鮮宴後,姨媽們對其高質價廉嘅海鮮菜式仍念念不忘。因為上次分開搭的士時差啲失聯,今次小肥就專登安排咗喺離台當日,有包車接送下,先再去幫襯smile
三哥海鮮

三哥海鮮

 
餐廳家庭式作業,只限電話訂座,環境依舊咁街坊。嬸嬸得知可以台語溝通即變得友善得多tongue,隨即先送上三款花生、青瓜、自家醃製嘅蛤仔
青瓜

青瓜

 
蛤仔

蛤仔

 
並強調小食全屬送酒佳品,嘻嘻,咁就要啤一啤佢啦tongue!細佬兩款台灣啤酒都試哂,略嫌兩者嘅口味偏淡同有微微澀,只可以話唔係自己杯啤酒囉really
台灣啤酒(NT 100/樽)

台灣啤酒(NT 100/樽)

 
台灣啤酒(NT 100/樽)

台灣啤酒(NT 100/樽)

 
早已知曉店子並無餐牌,XO仔就根據上次嘅經驗點返自己推介過嘅菜式,另加嬸嬸即場提議嘅幾味小菜。
點菜紙

點菜紙

 
chopstick白鯧米粉(NT 600/小):十人用膳,看似人多可以點大份,但由於早已規劃咗會去食下午茶,結果就點咗小份。如相所示,連爐上嘅白鯧米粉細份都好大鍋star
白鯧米粉(NT 600/小)

白鯧米粉(NT 600/小)

 
夾起哂啲芋頭、蔥、炸白鯧魚件後,可清晰地見到滾湯入面嘅米粉同蠔仔勁足料,無奈今次嘅魚湯底唔係幾夠味,差咁少少火候,甚為失色upset
白鯧米粉(NT 600/小)

白鯧米粉(NT 600/小)

 
chopstick黑腳太監雞(NT800/半隻):嬸嬸極力推薦嘅「黑腳太監雞」隻腳當真係黑色架tongue;點咗半隻雞,所以只見一隻黑腳。雞隻明顯好大隻,不過皮下脂肪唔多,外表健康得黎有光澤。正當大家以為太監雞嘅肉質會較為幼嫩時,食落口雞肉卻偏嚡帶韌,加上皮層仍可見到不少雞毛ghost,衛生方面亦大打折扣,請恕小弟未能推介。
黑腳太監雞(NT800/半隻)

黑腳太監雞(NT800/半隻)

 
chopstick蕃薯葉(NT200/中):鮮綠色嘅蕃薯葉質感軟身得黎帶點嚡口,而且調味過咸,不吃也吧。
蕃薯葉(NT200/中)

蕃薯葉(NT200/中)

 
chopstick蒜泥蚵仔(NT 400/中):最令XO仔失望必選個人最期待嘅蒜泥蚵仔sick!碟上嘅蚵仔體積雖則看似肥潤,可惜用粉過多,咬落又腍又黏,毫不鮮甜,亦談不上惹味,碟底仲要水汪汪咁,難怪個個食到搖哂頭。
蒜泥蚵仔(NT 400/中)

蒜泥蚵仔(NT 400/中)

 
chopstick香煎烏頭(NT 1,300):據姨丈所講,整頓午餐最好食就係此味香煎烏頭,不過小弟因為怕骨冇試到。
香煎烏頭(NT 1,300)

香煎烏頭(NT 1,300)

 
chopstick處女蟳(NT 1,000/隻):萬眾期代嘅處女蟳外殼橙紅鮮美,上枱時夠哂震撼heart
處女蟳(NT 1,000/隻)

處女蟳(NT 1,000/隻)

 
但係當姨媽打開黎睇,即發現蟹膏不單色澤暗淡,不甚濃厚,吃畢更齊聲地有彈冇讚,完全唔掂當呀dislike
處女蟳(NT 1,000/隻)

處女蟳(NT 1,000/隻)

 
處女蟳(NT 1,000/隻)

處女蟳(NT 1,000/隻)

 
chopstick清炒水蓮(NT 200/中):最後碟水蓮菜外觀還好,但咬落老嚡之餘,仲要勁多渣yuk,結果最怕浪費食物嘅長輩們都話與期食到成碟渣,倒不如食剩可能會好過啲。
清炒水蓮(NT 200/中)

清炒水蓮(NT 200/中)

 
相隔幾年再訪「台南三哥海鮮」,環境人物冇變,唯一食物質素明顯下降ghost。市內不乏食肆,睇黎都唔會再返轉頭。
推薦美食: 蛤仔
內用候位時間: 0 分鐘
用餐日期: 2018-11-26        
此次消費: 每人約$630 (午餐)

評分: 味道 2   環境 3   服務 2   衛生 3   CP值 2

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2020-01-24
Share on TwitterShare on Facebook
類別 : 台灣菜牛肉麵

訪台四天,點都要食返碗台灣牛肉麵先算遊過台北嘅tongue,臨去機場前就應旅遊書推介一試「北芳園招牌牛肉麵」。
北芳園招牌牛肉麵

北芳園招牌牛肉麵

 
下午茶時間,麵店內只有兩枱客,所以唔洗排隊,座位仲任揀唔嬲添。店子面積不小,中間一排四人方形枱,埋邊則為二至多人嘅半梳化式散座,都幾闊落。
中間一排四人方形枱

中間一排四人方形枱

 
埋邊為二至多人半梳化式散座

埋邊為二至多人半梳化式散座

 
一頁餐牌中英對照,並附帶彩圖及標明價格,清晰易明。
餐牌中英對照,並附帶彩圖及標明價格

餐牌中英對照,並附帶彩圖及標明價格

 
點菜已全面電子化,十分先進,流程簡單快捷like
電子落單

電子落單

 
餐桌上設有自助餐具。
自助餐具

自助餐具

 
仲有個「服務小叮嚀」牌仔,提醒貴客如對麵品有任何不滿,可即時反映,廚房會馬上調整,似乎要求相當認真star
服務小叮嚀

服務小叮嚀

 
收銀員態度溫和,知道十人為遊客顯得都好有耐性,告知調味料及開水必需喺出面自己攞。
自助調味料及開水

自助調味料及開水

 
由於食完午餐冇幾耐,為怕浪費食物,全體都決定一嚐份量較少嘅「淑女版」半筋半肉清燉王牛肉麵,當中長輩大多都選擇食細麵。
半筋半肉清燉王牛肉麵(NT 280/淑女)

半筋半肉清燉王牛肉麵(NT 280/淑女)

 
半筋半肉清燉王牛肉麵(NT 280/淑女)

半筋半肉清燉王牛肉麵(NT 280/淑女)

 
chopstick半筋半肉清燉王牛肉刀削麵(NT280/淑女):麵品個湯底淡而無味,也過份地清了吧really!入面嘅牛筋同牛展極其量只可以話係普普通通,冇乜特別;而粗厚嘅刀削麵雖然好夠嚼口,食落整體卻欠缺香濃及火候,一般到完全唔會令人想返轉頭嗰隻ghost
半筋半肉清燉王牛肉刀削麵(NT280/淑女)

半筋半肉清燉王牛肉刀削麵(NT280/淑女)

 
半筋半肉清燉王牛肉刀削麵(NT280/淑女)

半筋半肉清燉王牛肉刀削麵(NT280/淑女)

 
「北芳園招牌牛肉麵」嘅牛肉麵當真質量不甚突出sick,或許其環境比其他台灣牛肉麵店大間及企理,方才得到旅遊書籍嘅推薦,不過以NT 280/細碗咁嘅價位黎講,個人覺得市內實在有太多更好嘅選擇了。
內用候位時間: 0 分鐘
用餐日期: 2018-11-26        
此次消費: 每人約$280 (下午茶)

評分: 味道 2   環境 3   服務 3   衛生 3   CP值 1

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2020-01-09
Share on TwitterShare on Facebook
類別 : 法國菜主題餐廳精緻料理

兩年前左右,多得越台工作嘅肥叔叔推介,肥肥家族方才有幸於台中「樂沐法式餐廳」品嚐過美女廚神製作嘅不一樣感官旅程flower
<https://tw.openrice.com/zh/taichung/review/%E6%A8%82%E6%B2%90%E4%B8%8D%E4%B8%80%E6%A8%A3%E7%9A%84%E6%84%9F%E5%AE%98%E4%B8%96%E7%95%8C-e124169>

點知冇幾耐就收到風,話餐廳於2018年尾將會結業shocked。因家中多位親友都未有緣一訪,所以小肥就幾經艱辛咁托上托,務求要訂到位一同去道別,嘻嘻,皇天總是不負有心人嘅,日子時間當然係任由餐廳定啦tongue
樂沐法式餐廳

樂沐法式餐廳

 
十二人嘅晚餐必先預定菜單、道明各人對咩食物有過敏及收取訂金,全程以電郵溝通,非常簡易。
餐牌

餐牌

 
先預定下的菜單

先預定下的菜單

 
闊別一年多,三層高嘅洋房依然貴麗大方。
燈飾

燈飾

 
餐巾

餐巾

 
由於早已訂下菜譜,埋位即由最識飲嘅姨媽點選酒品,不過因餐店不再入貨,大多項目都已售罄,只係牌上未有標明frustrated
酒牌

酒牌

 
溫婉有禮嘅哥哥仔極之有耐性,除咗推介仲有貨嘅精選紅酒外,對待臨時對菜單有異議嘅auntie更加係有求必應,十分相就,態度專業得很like
Lousas Viñas de Aldea 2015 (NT 2,800/btl)+ 2009 Blanc de Blancs “Cuvee Le Moût Restaurant” Champagne Bauget-Jouette(NT 4,800/btl)

Lousas Viñas de Aldea 2015 (NT 2,800/btl)+ 2009 Blanc de Blancs “Cuvee Le Moût Restaurant” Champagne Bauget-Jouette(NT 4,800/btl)

 
處理好飲品後,姐姐先送上兩款海鹽味及海藻味牛油。
海鹽味及海藻味牛油

海鹽味及海藻味牛油

 
正當細佬懶醒地同各人提到2017年嘅感官午餐中有多款自家製麵包,印象最深刻有香醇惹味嘅高梁酒臘肉包及芳香微甜嘅蜂蜜麥包時,即令大家滿心期盼smileheart,真係冇諗到晚餐嘅麵包居然只有含果仁及不含果仁兩種shocked!雖然包品熱辣鬆脆,但喺有比較下就覺得廚房孤寒咗,誠意也大打折扣囉!
不含果仁自家製麵包

不含果仁自家製麵包

 
店內全場嘅晚餐均清一色由兩道是日下酒菜作序。第一道海鮮二重奏先以石春拼盤呈上,外表閃爍耀眼,精緻美觀excited。應建議由左邊起食,橢圓形嘅「青蘋果煙三文魚啫喱」質感軟潤,無奈底層件餅塊過份腍身,加上入口即嚐到三文魚籽嘅腥味yuk,這種重口味也太不令人開胃了吧!幸好旁邊金光閃閃嘅匙羮上件「海膽蟹肉牛油果卷」清新甜美,可口脆巧,叫做挽回少許失落之感。
下酒菜:青蘋果煙三文魚啫喱,海膽蟹肉牛油果卷

下酒菜:青蘋果煙三文魚啫喱,海膽蟹肉牛油果卷

 
第二道下酒菜「苦瓜/帶子/芝士」以彩色嘅食用花點綴,睇落就靚啦,但係可能個芝士苦瓜組合嘅苦味過份剛烈,細佬真係食唔出任何帶子嘅元素囉frustrated,不幸中之大幸就係兩啖就食完really,算係唔會咁浪費食材。
苦瓜/帶子/芝士

苦瓜/帶子/芝士

 
接著嘅「冷燻鵝肝:桂花/杏桃/蓮藕/蓮子」外型典雅,可惜主角鵝肝偏嚡同硬,唔得軟滑,其味道亦不夠香濃,甚為失色!碟上最正反而係舖面巧薄乾脆嘅炸蓮藕片及隱藏喺底件脆卜卜嘅鴨舌
冷燻鵝肝:桂花/杏桃/蓮藕/蓮子

冷燻鵝肝:桂花/杏桃/蓮藕/蓮子

 
或許係自己期望太高吧,傳聞嘅招牌菜式「八戒:豬心/薏仁/四破魚/煙燻豬骨汁」除咗輕巧脆薄嘅卜卜脆討好之外,雖則豬心嘅質感尚算爽腍,敗筆在於調味滲出一股不易接受嘅腥與押dislike,就連汁液中嘅煙燻味都未能蓋過,莫非「八戒」未洗白白ghost?!
八戒:豬心/薏仁/四破魚/煙燻豬骨汁

八戒:豬心/薏仁/四破魚/煙燻豬骨汁

 
晚餐高潮位必選「小牛胸線:黃菇/香料麵包/山茼蒿king!熱辣嘅醬汁由專人續一喺食客面前斟上,小牛胸線方塊外脆內軟嫩,香口惹味得黎一啲都唔溜滯cry,一個人食兩份都冇問題。
小牛胸線:黃菇/香料麵包/山茼蒿

小牛胸線:黃菇/香料麵包/山茼蒿

 
壓軸嘅鵝肉主菜登場前,每人先要揀選一把靚刀,每把都咁有睇頭同份量架heart
靚刀

靚刀

 
小牛胸線一樣,汁液上枱時先會即場淋上。
嫩烤鵝肉:無花果/可可香料醬

嫩烤鵝肉:無花果/可可香料醬

 
記得上次黎食「感官」午餐時,當中嘅嫩烤鵝肉主菜是何等精妙,想不到餐店結業前出品嘅「嫩烤鵝肉:無花果/可可香料醬」竟然會係韌到切唔斷,咬唔開mad!牙力唔好嘅長輩們好多都勁不情願地食剩喺碟,睇日劇學懂此舉可算為對廚師最低嘅評價huffy
嫩烤鵝肉:無花果/可可香料醬

嫩烤鵝肉:無花果/可可香料醬

 
換轉甜品環節前,先由清新爽涼嘅「鳳梨:卡蒙貝爾乳酪/野薑花/馬告」作間場。
鳳梨:卡蒙貝爾乳酪/野薑花/馬告

鳳梨:卡蒙貝爾乳酪/野薑花/馬告

 
鳳梨:卡蒙貝爾乳酪/野薑花/馬告

鳳梨:卡蒙貝爾乳酪/野薑花/馬告

 
正常版甜品「楓蔦黃」為楓葉栗子蛋糕。
楓蔦黃

楓蔦黃

 
不含果仁版甜品為中西合璧、微甜滋潤嘅「睡蓮」。
睡蓮

睡蓮

 
睡蓮

睡蓮

 
而不能進食甜品嘅食客就有份酸都佢地咪哂眼嘅「生果盤」。
生果盤

生果盤

 
結尾嘅「精緻茶點」中只有粉紅小天鵝一如名字般精緻,但僅此而已,因為三款茶點極度酸澀,食到連牙仔都哂打冷震,聽落恐唔恐怖呢?!
精緻茶點

精緻茶點

 
好在飯後有杯正正常常嘅特濃咖啡中和吓先舒服返咋。
特濃咖啡

特濃咖啡

 
外觀形如一幢別墅嘅米芝蓮星級食肆「樂沐法式餐廳」可算是台中最有名嘅法國餐廳,曾榮獲「亞洲50最佳餐廳」之美譽,當真萬萬估不到於二零一八年十二月正式結束營業前嘅告別宴居然會教人如此驚嚇地失望!雖則店內嘅接待員及服務生依舊友善體貼,但對遠由香港越洋嘅家人黎講,菜式偏低之質量及廚神未有親身烹調嘅情況下,也顯得「樂沐」的落幕過份草率及敷衍了,感覺就好似餐店喺度夾硬頂埋個租約咁。因深深體會到名廚店主對食客嘅尊重都消失埋,在座嘅各位都表示即使餐店日後會重開都絕不會幫襯!店子已沒有了,更談不上有進步空間,唯有搖頭高歌一曲「忘記它」。
推薦美食: 鳳梨:卡蒙貝爾乳酪/野薑花/馬告, 睡蓮, 特濃咖啡, 小牛胸線:黃菇/香料麵包/山茼蒿, 不含果仁自家製麵包
內用候位時間: 0 分鐘
用餐日期: 2018-11-24        
此次消費: 每人約$5000 (晚餐)

評分: 味道 2   環境 4   服務 4   衛生 5   CP值 1

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2020-01-17
Share on TwitterShare on Facebook
類別 : 台灣菜中餐廳

去台北玩咗咁多次,XO仔印象中最好食嘅台菜應該係兒時同婆婆喺「欣葉」食過嗰一餐love,不過邊間分店就真係唔記得啦!碰巧今次長輩們要求食台菜,細佬第一時間就諗到可以回味一吓,所以就揀咗「欣葉食藝軒」黎試。
台北101

台北101

 
餐廳位於台北101辦公大樓嘅八十五樓,第一次去原來都幾複雜,因為入口唔易搵really,兜黎兜去後又要轉升降機,搭前仲要過埋保安區添。店子紅黑嘅正門及鯉魚牆均滲出時尚又傳統嘅中國色彩。進入大廳即見到台北101嘅畫品,道明分店嘅特色。
欣葉食藝軒

欣葉食藝軒

 
網上訂座,流程簡易清晰,對應部門嘅同事遇上問題少男都好有耐性地續一解答疑問like。除咗要收取訂金之外,部份菜式必先預訂,而且規定每位客人基本消費為NT 1,080,另加一服務費,如要選坐靠窗位置,基本消費就會高少少。當日因席上有畏高人士,故選擇咗不靠窗位置,真係冇諗到十二人會被安排入座內廳高咗半級嘅開放式廂房內,私人空間足,厚墊椅櫈又夠舒適大方smileheart
內廳高半級之開放式廂房

內廳高半級之開放式廂房

 
飲品牌共有兩頁。
飲品牌

飲品牌

 
食物方面,午市有兩款套餐可選。
套餐餐牌

套餐餐牌

 
套餐餐牌

套餐餐牌

 
散點項目則有十二頁之多。因細佬早以電郵訂下大部份招牌菜,用餐前只需加多幾味就已經好夠食。
散點餐牌

散點餐牌

 
散點餐牌

散點餐牌

 
散點餐牌

散點餐牌

 
衣著整齊嘅服務生大多客套有禮,不過如果可以友善地加返啲笑容,相信感覺會更良好。餐桌上有齊備嘅餐具,整潔衛生。
餐桌上餐具齊備

餐桌上餐具齊備

 
chopstick炸牛膀薄片(免費贈送):唔講真係食唔出第一碟免費小食牛膀所炸出嘅薄片。金黃閃閃嘅炸牛膀薄片好比薯片般巧薄香脆yummy,食落清香得黎一啲都唔覺熱氣,實屬驚喜之作。
炸牛膀薄片(免費贈送)

炸牛膀薄片(免費贈送)

 
chopstick醃提子(免費贈送):小肥冇試,不過長輩們都大讚醃提子味道好得意同好開胃。
醃提子(免費贈送)

醃提子(免費贈送)

 
chopstick辣豆乾(免費贈送):小食中以此味辣豆乾最為惹味醒神。
辣豆乾(免費贈送)

辣豆乾(免費贈送)

 
chopstick花膠佛跳牆 (必先預訂;NT 550/一份):睇戲時就聽得多,但XO仔咁大個人都係第一次食佛跳牆,故亦十分期盼heart。如相所示,佛跳牆盅面有塊大大嘅花膠,NT 550黎講絕對足料,可惜以用排骨及雞所煲製黎講,個人就略嫌淡淡嘅湯底唔夠濃甜sick,就好似煲得味夠火候,佛祖點都跳唔過幅牆咁。
花膠佛跳牆 (必先預訂;NT 550/一份)

花膠佛跳牆 (必先預訂;NT 550/一份)

 
chopstick麻油腰花(必先預訂;NT 450/份):請留意,下圖中之份量為兩份麻油腰花。色澤濃厚嘅湯中每件豬腰均爽厚震撼,其質感脆口之餘仲好夠潤滑,絕對冇話煮到過熟而縮哂水,必吃推介也king
麻油腰花(必先預訂;NT 450/份)

麻油腰花(必先預訂;NT 450/份)

 
chopstick食藝軒冷三拼:三色拼盤包有烏魚子、五味宜蘭鮑、白切嫩土雞。每份拼盤單價為NT 960,但份量唔得平均,要十二人都有得分黎食的話,鮑魚為NT 150/隻、烏魚子NT 90/片、白切嫩土雞NT 420/份。三款冷盤都可以用個「乾」字黎形容ghost,明顯唔係細佬杯茶!最重口味嘅烏魚子又咸又嚡又乾;白切土雞欠缺光澤,咬落一啲都唔嫩囉,就連雞皮都唔潤;鮑魚厚身得黎又硬又韌,不吃也吧。
食藝軒冷三拼:鮑魚NT 150/隻;烏魚子NT 90/片;白切嫩土雞NT 420/份

食藝軒冷三拼:鮑魚NT 150/隻;烏魚子NT 90/片;白切嫩土雞NT 420/份

 
食藝軒冷三拼:鮑魚NT 150/隻

食藝軒冷三拼:鮑魚NT 150/隻

 
chopstick煎豬肝(必先預訂;NT 320/份):睇相都睇得到每件豬肝好夠厚肉,外表亦好夠油潤,無奈食落口微爽得黎有啲硬同粉粉地sick,似係用火過猛,引致初期肝硬化嘅跡象,勁嘥料!
煎豬肝(必先預訂;NT 320/份)

煎豬肝(必先預訂;NT 320/份)

 
chopstick蚵仔煎(NT 380/份):台灣名菜個煎蛋底外觀好夠金黃吸睛,但就敗在蚵仔唔得肥嘟嘟,加上搵蔥易過搵蚵仔huffy,NT 380絕對有搵笨之嫌!
蚵仔煎(NT 380/份)

蚵仔煎(NT 380/份)

 
chopstick活處女蟳蒸米糕、活處女蟳蒸米粉(必先預訂;NT 1,380):蟹品菜式必先預訂,可選米糕或米粉作底,伴配藍色醋汁。小肥因敏感問題未有食用,故只能同大家分享靚相。
活處女蟳蒸米糕(必先預訂;NT 1,380)

活處女蟳蒸米糕(必先預訂;NT 1,380)

 
活處女蟳蒸米粉(必先預訂;NT 1,380)

活處女蟳蒸米粉(必先預訂;NT 1,380)

 
活處女蟳蒸米粉(必先預訂;NT 1,380)

活處女蟳蒸米粉(必先預訂;NT 1,380)

 
藍色醋汁

藍色醋汁

 
chopstick酥炸花枝丸(NT 70/粒):圓碌碌嘅花枝丸色澤就夠光亮,入口卻過份軟腍,唔得香口鬆彈,甚為失色。
酥炸花枝丸(NT 70/粒)

酥炸花枝丸(NT 70/粒)

 
chopstick香檳茸炒時蔬(NT 420):反而香檳菇炒菜芳香爽脆balloon,幾夠鑊氣。
香檳茸炒時蔬(NT 420)

香檳茸炒時蔬(NT 420)

 
chopstick蒜香牛菲力(NT 720):已熟透嘅牛菲力粒粒厚韌老嚡,加上肉汁欠奉,真係食唔過yuk
蒜香牛菲力(NT 720)

蒜香牛菲力(NT 720)

 
chopstick櫻花蝦高麗菜(NT 350):高麗菜新鮮清爽,簡單以櫻花蝦點綴已夠惹味。
櫻花蝦高麗菜(NT 350)

櫻花蝦高麗菜(NT 350)

 
chopstick招牌杏仁豆腐(必先預訂;NT 120/碗):招牌甜品杏仁豆腐清香嫩滑,微甜易入口。
招牌杏仁豆腐(必先預訂;NT 120/碗)

招牌杏仁豆腐(必先預訂;NT 120/碗)

 
環境雅致時尚,開揚舒適,可惜服務生之態度及經典菜式之質量甚為參差frustrated,遠不及回憶中嘅味道,或許名店進化咗嘅口味較迎合其他遊客喜愛吧,請恕肥肥家族不懂欣賞。
推薦美食: 炸牛膀薄片, 辣豆乾, 香檳茸炒時蔬, 招牌杏仁豆腐, 麻油腰花, 櫻花蝦高麗菜
內用候位時間: 0 分鐘
用餐日期: 2018-11-25        
此次消費: 每人約$1800 (午餐)

評分: 味道 3   環境 5   服務 3   衛生 5   CP值 2

推薦此食記

1
 
 
你覺得這篇食記:
鼓勵
期待
有趣
感動
羨慕
好圖


查看結果

2018-08-27
Share on TwitterShare on Facebook
類別 : 台灣菜火鍋店火鍋

去台灣玩,家人第一句都會話想食火鍋,上次同班姨媽食過美如藝術般o既「寬X子」後,今次就決定一試潮興熱店「這一鍋皇室秘藏鍋物」star
這一鍋皇室秘藏鍋物

這一鍋皇室秘藏鍋物

 
人氣火鍋店最與別不同之處就係門面及室內裝修o既設計都用上兵馬俑作題。正門有迷你水池及木橋,由兵馬俑守門真夠威嚴。推開重重o既鐵門即見龍椅一張,更顯氣派smileheart
門面設計及室內裝修均用上兵馬俑作題

門面設計及室內裝修均用上兵馬俑作題

 
用餐大堂所有散座均為方形木造枱櫈,並以屏風隔開,中國風得黎清爽簡潔。四周有不少靚花擺設,感覺甚為雅致。最有古代感就係洗手間門外寫有「男」字及「女」字o既布簾,認真搞鬼tongue
用餐大堂及四周環境

用餐大堂及四周環境

 
小肥早已托台灣女朋友訂座,一行九人到步即被安排入座廂房,餐桌上亦早已擺放好茶具。
翠玉色茶具

翠玉色茶具

 
細心一看,方才留意到碗碟茶杯均為翠玉色系列,貴氣十足。
翠玉色碗碟

翠玉色碗碟

 
每人一塊紅色o既掛頸紙圍裙,衛生非常。細問下先知原來圍裙上o既「呷嘎宋嘎」意思原來係「吃得很爽」;好,就睇吓食完會幾爽!musicmusic
掛頸紙圍裙

掛頸紙圍裙

 
厚本餐牌頭幾頁先講解推廣優惠、靚鍋底賣點、幾篇火鍋傳說及鍋品食用秘訣。
餐牌

餐牌

 
散點火鍋料項目全伴上彩圖對照,計埋大圖共有十二頁之多。
散點火鍋料項目

散點火鍋料項目

 
消費指南及細則如最低消費額等,就列咗喺尾頁,有埋圖表夠哂清晰易明like
消費指南

消費指南

 
chopstick老火湯(NT 110/人):據餐牌所講,老火湯底以大豬骨、雞骨、豬後腿肉及多款中藥等精髓所燉製而成。
老火湯(NT 110/人)

老火湯(NT 110/人)

 
奶色o既老火湯肉味香濃,且傳出陣陣胡椒味,餐前先嚐一碗直令胃口大增lol
老火湯(NT 110/人)

老火湯(NT 110/人)

 
chopstick翡翠鮮蝦滑(NT 380):因為港版蝦滑大多為灰色,所以當見到蝦滑如此皎潔雪白時真係有啲意外。煮熟咗o既蝦滑爽脆彈牙,鮮甜可口balloon
翡翠鮮蝦滑(NT 380)

翡翠鮮蝦滑(NT 380)

 
chopstick黑玉墨魚滑(NT228):同白雪雪o既蝦滑成對比o既墨魚滑色澤真係黑得夠哂勻循,幸好咬落柔潤有彈性,唔錯。
黑玉墨魚滑(NT228)

黑玉墨魚滑(NT228)

 
chopstick梅花豬肉(原價NT 268,拼埋「和牛梅花」則可以優惠價NT 10享用):豬肉雖切成薄片,但個人覺得肉質都係偏嚡,如果唔係半送的話一定唔會叫黎食。
梅花豬肉(原價NT 268,拼埋「和牛梅花」則可以優惠價NT 10享用)

梅花豬肉(原價NT 268,拼埋「和牛梅花」則可以優惠價NT 10享用)

 
chopstick雪花牛肉(NT 268):砌到一朵花咁o既雪花牛肉片從紋理睇講真唔多似雪花really,色調又唔夠鮮明,食落唔夠軟滑亦冇乜肉香,請恕細佬未能推介。
雪花牛肉(NT 268)

雪花牛肉(NT 268)

 
chopstick培根牛肉(NT 338):據餐牌簡介所述,培根牛肉o既油花分佈應最均勻,但如相所示,碟中o既白色肥膏全積聚於一邊,個人覺得絕不均勻ghost,煮熟咗亦屬嚡口之列,不吃也吧。
培根牛肉(NT 338)

培根牛肉(NT 338)

 
chopstick極神仙牛肉(NT 488):多款牛肉中只有兩款啱XO仔口味,其中極版神仙牛肉薄片掛於架上,以乾冰營造出仙氣,外觀最為震撼love神仙牛肉o既雲石紋就真係表現出靚牛肉o既油脂如何均勻,即煮即食半溶於口中,肉香軟腍,何其美妙!
極神仙牛肉(NT 488)

極神仙牛肉(NT 488)

 
chopstick和牛梅花(NT 588):第二款靚牛就係最薄巧o既和牛梅花和牛紅白o既紋理同極神仙牛肉可謂不相伯仲,講真飲咗幾杯後,兩者質感如何不同已難以分辨,只係覺得好食就夠yummy
和牛梅花(NT 588)

和牛梅花(NT 588)

 
和牛梅花(NT 588)

和牛梅花(NT 588)

 
chopstick松阪豬肉(NT 328):松阪豬肉片疊成玫瑰花形,這個外表同之前喺「寬X子」食過o既有八成相似,但「這一鍋」個版本就明顯少配咗個鮮蛋黃醬汁shocked
松阪豬肉(NT 328)

松阪豬肉(NT 328)

 
可能係先入為主o既關係啦,未黏上蛋黃o既松阪豬肉雖則夠爽,但就欠缺咗份柔滑,有陣時菜式o既靈魂就是隱藏在那一點點upset。。。
松阪豬肉(NT328)

松阪豬肉(NT328)

 
chopstick鮮跳活蝦(NT 268):小肥一向少食蝦蟹,尤其係當身處於異地時,不過見蝦隻當真係活生生咁喺隻碟上跳來跳去時就不得不拍下照片與大家分享。
鮮跳活蝦(NT 268)

鮮跳活蝦(NT 268)

 
chopstick半殼扇貝(NT 368):扇貝體積同彩圖一樣咁大隻,烚熟咗仍能保持爽厚嫩滑,wow
半殼扇貝(NT 368)

半殼扇貝(NT 368)

 
chopstick青竹蚌(NT 268):睇相已知青竹蚌其實即係蟶子。蟶子原條冰陣上枱,夠哂體頭,可惜滾兩滾同滾耐啲蟶子都一樣咁韌dislike,即使味道幾鮮,咬唔到已大打折扣。
青竹蚌(NT 268)

青竹蚌(NT 268)

 
chopstick五彩鮮蔬盤(NT 198):鮮綠色o既蔬菜均新鮮爽脆,實屬正菜也!
五彩鮮蔬盤(NT 198)

五彩鮮蔬盤(NT 198)

 
chopstick福氣粥(NT 100):最後加NT 100即可加碗白飯由服務生以鍋底即煮香濃鮮甜o既福氣粥heart
福氣粥(NT 100)

福氣粥(NT 100)

 
雖然九人只可每人分到一小碗,但靚粥極之暖胃,一小碗就已經夠哂。
福氣粥(NT 100)

福氣粥(NT 100)

 
chopstick乳酪冰沙(免費贈送):清涼o既冰沙味道就好似益力多咁多甜微酸,飯後一小枝有助解熱消滯。
乳酪冰沙(免費贈送)

乳酪冰沙(免費贈送)

 
台灣人氣連鎖火鍋店「這一鍋皇室秘藏鍋物」裝潢極富中國色彩,格調輕鬆,服務優質,環境又夠衛生。XO仔可能係因有比較下,總覺得「這一鍋」除咗老火湯底福氣粥最有賣點之外,火鍋料反而不及市內其他火鍋專門店,不過其價錢講真同時亦比某幾間便宜,要揀去邊間食就要睇大家追求啲乜野o既享受啦。
推薦美食: 老火湯, 翡翠鮮蝦滑, 黑玉墨魚滑, 極神仙牛肉, 和牛梅花, 半殼扇貝, 五彩鮮蔬盤, 福氣粥, 福氣粥(NT 100), 乳酪冰沙
內用候位時間: 0 分鐘
用餐日期: 2017-04-22        

評分: 味道 3   環境 3   服務 4   衛生 4   CP值 3

推薦此食記

2
 
 
你覺得這篇食記:
鼓勵
期待
有趣
感動
羨慕
好圖


查看結果