CarmenTsui 等級2 |  關注
 留言給此食家
|
|
排序方法：
日期 笑臉
 哭臉 
編輯推薦 餐廳總分  文章形式 |  地圖形式
2017-05-21
花蓮人其實好鍾意食炸野 到處都可以見到炸物的小店 但唔係間間都開到好夜 夜媽媽十點鐘 見到呢間香滋滋仲未關門 而且門口熱鬧 一於試下 門口仲有幾張枱畀你坐低慢慢歎 
大大隻字厚切雞扒 一於試下有幾厚 
店內仲有其他炸物小食 非常邪惡的小食 
即叫即炸 真係好大塊呀 由於即炸嘅關係一般都要等10分鐘或以上 等下是有回報的 
炸完之後店員會加上味粉 我點的是檸檬味 
拎到返酒店仲係熱辣辣 有陣陣嘅檸檬香味 真係好大塊 
果然好厚 外皮非常鬆脆 肉質嫩滑 而且有陣陣檸檬嘅清新香味可以去除油膩感覺 非常特別 原來雞扒有骨 如果冇骨的話確實太好了 
深海墨魚 這個是必點之選 意想不到的好味 外皮很薄 內裏的墨魚肉非常厚 口感非常彈牙  
炸魷魚圈 魷魚圈的口感比較粉 沒有彈牙的感覺 還是推介深海墨魚 
最後來一杯 檸檬綠茶 味道適中不會太甜 就這樣結束這個邪惡的宵夜 
推薦美食: 檸檬綠茶, 深海墨魚, 檸檬雞扒 評分: 味道 5 環境 5 服務 5 衛生 5 CP值 5
2017-05-19
花蓮成來排骨麵 門口大大個招牌好搶眼 一於入去試下 點餐款式多 主要有麵食 飯類 湯品 小食 涼拌 
酸溜茄子 茄子顏色好靚 還保留著茄子的紫色 賣相非常吸引食落仲好舒服 茄子軟淋淋 酸味味 唔會太凍 好開胃嘅前菜
豬手湯湯底濃郁 有一隻豬手 炆得好林 可以話係入口即融一啲都唔肥膩 職員仲好細心將豬手切開一舊舊 唔會食到好污糟
肉片粿條 麵質煙韌彈牙 配合隆沃嘅湯底錦上添花 湯底有炸過嘅蒜頭 層次非常豐富
貢丸湯 一碗只有兩粒 反而這個湯味道比較清淡 可以不點
評分: 味道 4 環境 4 服務 4 衛生 5 CP值 5
2017-05-19
鵝肉先生開宗明義就係食鵝肉嘅好地方
晚市時間 好快就已經坐爆人 主要係食小菜 好適合一家大細 或者一班人嚟嘅好地方 因為款式多 多啲人就可以試多啲款
梗係要試下 招牌鵝肉 店舖好細心 可以畀客人選擇 瘦肉 或者半肥瘦 今次叫咗半肥瘦嘅試下 鵝肉嫩滑 每片肉唔會砌得好厚 最喜歡有淡淡油香 配埋蔥絲一齊食可以去除油膩感
菜名 鵝尺 雖然唔清楚係咩位置嘅內臟 但係食落去 有種爽爽地 唔太硬嘅感覺 初時怕佢好腥 點知又冇喎 應該係佢清潔得好乾淨果然係食鹅嘅專門店
阿仔湯 配上豆腐酸菜鹹鹹酸酸好開胃
生魚片店員從雪櫃攞出嚟 魚片還未完全解凍 食到有冰塊嘅感覺
由於今次只係兩個人食 食嘅款式唔可以帶多 下次有機會 約多三五知己一齊嚟
推薦美食: 鹅肉 評分: 味道 5 環境 4 服務 4 衛生 5 CP值 5
2017-05-19
見到個招牌 寫住龍鳳腿 心想究竟什麼是龍鳳腿 一於入去試一試
入到門口 老闆娘已經熱情招待 店舖有八至十張呢啲枱仔 好有家嘅感覺
旁邊仲有 醬料及餐具 自取區
店舖款式選擇多 主要分為串燒 炸物 涼拌 主食 飲品
這個就是龍鳳卷的真面目 好奇問老闆娘什麼是龍鳳卷 她回答了很多種食材 總之有菜有肉 但我通通忘記了
一於試下龍鳳卷是什麼味道 左邊是墨魚卷 右邊是龍鳳卷 墨魚卷外皮脆 內裏彈牙 老實說 龍鳳卷吃進口裏 還是不知道是什麼 你會食到有素菜有肉類口感其實不錯 推介好奇的你
串燒牛串燒羊加上孜然粉 同椒鹽粉 好有一種蒙古嘅味道 真心好好味 每串30元台幣
雞腿串燒 雞肉嫩滑唔嚡口 燒得一啲都唔乾
招牌燒肉蛋吐司 是老闆娘推介的 麵包有烘過 有洋蔥有生菜有燒肉有蛋有醬汁 咬落去有一種清新嘅味道 醬汁是這個吐司的靈魂 完全唔乾 這麼多材料 才五十元台幣 好抵食
椒鹽骰子牛 台幣130 牛肉粒有口感 洋蔥加上牛肉可以去除油膩感 簡單嘅生洋蔥配上牛肉粒 原來已經可以好好味
評分: 味道 5 環境 4 服務 5 衛生 5 CP值 4
2017-05-19
花蓮人氣排隊早餐 早上9點到達 已經排咗長長嘅隊 店舖外面平平無奇 就係小店一間 為何人氣這麼高 一於試試看
排隊點餐 點餐人員手腳好快 點完嘢食先入去搵位坐 初時都擔心冇位 原來樓上仲有一層
這家蛋餅款式多 這次叫咗 火腿蛋餅 蛋餅即叫即煎 熱辣辣好好味如果你鍾意嘅話仲可以加芝士 不過要加錢 台幣五蚊
蛋餅口感豐富 一層外皮 一層蛋 一層火腿 外面少少脆 裏便軟淋淋 仲有窿窿嘅蛋味 有興趣嘅加埋芝士簡直一流
佢有高麗菜煎餃 或者韭菜煎餃 今次試咗韭菜味 外皮非常透薄 一眼就見到入面嘅餡 外皮煎得脆脆 加埋自家製嘅辣菜脯 好惹味 
呢台灣 一定要食鹵肉飯 滷肉飯細細碗 一人份量唔怕食曬食唔到其他嘢 肉臊味香濃 而且份量多 一啖肉燥一啖飯 連碗都想食埋  花蓮人氣早餐 果然唔係浪得虛名 推薦美食: 滷肉飯 韭菜煎餃 蛋餅 評分: 味道 4 環境 3 服務 3 衛生 3 CP值 5
|
2次成為首位寫食記會員
食評數目
編輯推薦數目
0
會員推薦次數
0
人氣指數
28
留言數目
上傳照片
上傳影片
我推薦的食記
我的餐廳
關注
16
粉絲
530
