游壽司 金華店 (大安區)

又係男人極力推薦
所以一早plan定要黎食lunch
記住一定要預先book位
Lunch有兩輪時間: 1200-1300, 1300-1400
早早黎到，坐係門口出面嘅櫈等
細心嘅店員發現
叫我哋可以入去坐低櫈，有冷氣差好遠！
準時入席
每5-6個客人就由一個師傅負責
Lunch有3種set
握壽司: 七貫握壽司
綜合壽司: 四貫握壽司+切粒魚生飯
散壽司: 魚生蓋飯
黎到當然要睇師傅表演握壽司
叫咗2set握壽司，1set綜合
先上每人都有嘅前菜沙律
沙律汁微酸，好清新
食落發現有魷魚條，非常爽脆！好味道！

之後就睇師傅表演壽司
係藝術，係樂趣
每一舊師傅都配咗唔同嘅配料同汁
每一啖放落口都係享受

之後仲送上燒三文魚骨腩
皮脆肉嫩，充滿魚油香
估唔到綜合壽司包嘅切粒魚生飯都咁足料
師傅交帶已經撈好咗，就咁食就得
上面有d紫蘇葉，撈埋好好食

之後呢兩貫壽司，係我覺得最好味
一向都好鍾意食燒左右魚邊壽司
鍾意嘅程度係特登學咗燒左口魚嘅日文
等去日本嘅時候可以叫得到
所以一見到師傅開始準備食材時，已經好興奮
再見佢加明太子係上面
呢個組合真係太吸引啦！
一食落去，魚油爆發！太好食啦！

最後一貫: 星鰻壽司
第一次試到咁嘅口感！超滑溜！
肉質好軟，好似唔駛咬已經係口入面化開
好好食！

以玉子作尾聲，蛋香十足

最後每人一碗味增湯
唔會太濃味，好多菇，好清爽
非常滿意嘅一餐
性價比極高
服務好好，keep住有人加茶
下次再黎台北都一定會再訪！

麵線傳奇 (中山區)

男人極力推薦！
話係食過最好味嘅麵線
雖然要專登搭捷運黎，都要黎試一試！
距離捷運站好近，行3分鐘就到
11點幾黎，已經有7,8個人排緊隊
小小嘅舖頭，分流做得好好
無論外賣定堂食，都係排同一條隊，咁就最公平！
見負責掌穫嘅女人非常犀利！
又要主理個麵線，又記得曬客人嘅要求
呢度嘅麵線分綜合同清，再分大同小
我哋2個女仔要咗2碗小嘅綜合
綜合包括有蚵仔，肉同腸頭
叫完就可以坐低等食
雖然叫細，但份量都好多
女仔食完一碗一定夠飽
湯嘅杰度啱啱好！
先試一啖原味！正！
再按指示加入醋，蒜泥同辣油
辣油好辣！加小小就好！
撈埋再食。。。簡直係極品！

筆落越節越多料
腸頭清理得非常乾淨，一d臭味都冇
蚵仔份量好多
另外肉粒口感爽，好食！
一路食一路讚！
食完一碗真係覺得意猶未盡！
下次黎一定要再食！