Coco Lai 407 等級1 | ![]() ![]() |
排序方法:
日期 笑臉
![]() ![]() ![]() ![]()
2018-05-26
今次同一大班朋友去旅行,咁大班人,啱晒去打邊爐啦! 好多朋友都推介無老鍋,真係要試一試。我地一坐低,侍應就幫我地寫個鍋先,雖然話需時準備,不過個鍋都好快就上枱。 ![]() 鴛鴦鍋就係麻辣同冰淇淋豆腐鍋,侍應一送上鍋底就幫我哋放冰淇淋豆腐落湯底度,提醒我哋唔好搞拌個湯,否則豆腐會散開。我哋就乖乖等到冰淇淋豆腐發大先食,又真係幾好味喎!佢唔會好似豆腐咁易散,有少少咬口,又有少少魚蛋嘅味道,好得意呀!其他配料都上得好快,而且侍應都會提醒我地邊d要煮耐d,要早d放落鍋,又會幫我哋放落去先,服務不錯呀 ![]() ![]() ![]() ![]() ![]() ![]() 墨魚滑同干貝滑都係我嘅推介,特別是干貝滑,有干貝嘅香,咬開亦有一絲絲嘅干貝,讚! 另一推介係芋頭貢丸,見佢幾特別就叫黎試下。味道不錯,食落有芋頭嘅香,又有細細嘅芋頭粒,好味呀! ![]() ![]() ![]() 我哋叫到成枱都係野食,好豐富呀!無老鍋值得再去同推介俾朋友 ![]() 推薦美食: 干貝滑, 冰淇淋豆腐, 芋頭貢丸
評分: 味道 4 環境 4 服務 4 衛生 3 CP值 3
|