暴食小公主 等級1 | 關注 留言給此食家 |
排序方法:
日期 笑臉 哭臉
編輯推薦 餐廳總分
文章形式 | 地圖形式
2017-08-14
日式Pancake近年真係十分流行, 想食,又唔一定要去日本既, 其實近近地既台灣,都有一間好高質既日式Pancake店架。 地點係好多旅客都會去既台北東區, 認住佢呢個小女孩logo就唔會搵錯喇。 唔知實物係唔係一樣甘靚呢? 正係睇個樣已經覺得好鬆軟,好吸引呀~ 食落亦都無令我地失望, 個面有少少脆,而入面就好軟熟, 質感好綿密濕潤,完全唔會乾爭爭, 加上蛋味幾濃,真係好食到會不自覺甘發出’嗯嗯’聲。 其實我本人唔太好芝士,所以一開頭都怕會唔夾。 但其實ricotta係d比較淡味既芝士, 所以唔會搶左hot cake既味道, 反而係帶黎一個好好既平衡,令個甜品唔會太膩, 真係好聰明既做法。 除左hotcake之外,呢到既Soufflé都好出名。 Soufflé表面好脆,而個心就好輕好滑,入口即化。 原味更能食得出佢呢到用料靚唔靚, 就好似岩岩既hotcake一樣,蛋香唔錯, 另外vanilla味都好重,就算唔落糖都已經好好味~ 為番港紙都係$50左右,仲要有個芒果雪葩,真係勁抵食呀! 水果茶味道偏甜左少少, 不過入面都真係幾多料,收貨啦~ 因為係即叫即做既關係,所以大家都要比d耐性, Hotcake同Soufflé都要等大概20-25分鐘先有得食架。 不過質素甘好,又甘抵食,等下都好值得。 大家如果去開台灣旅行,都可以去試一試呀!
評分: 味道 5 環境 5 服務 5 衛生 5 CP值 5
|