阿柑姨芋圓 (瑞芳區)

台北美食分享篇 （九份老街）

唔知有冇人同QT一樣愛食芋圓？而我今大個女食過最最最好味嘅芋圓就係台灣嘅九份！但你唔好以為我講嘅係賴阿婆依間wo~~~~~~~甘你就走寶一直食錯左喇😏

我話你知賴阿婆唔係最好食嘅😏！佢只係比較就腳所以出左名！真正好食要食「阿柑姨」！無論要熱湯食定冰沙凍食都超級正！地點比較難搵一D因爲係內巷，但相信食過就分到勝負！我個人就愛凍沙湯甘食😋會特別Q軟！味道好出但唔會過甜！

P.s ：堂食仲可以坐住睇到全個九份景，睇埋千與千尋湯婆婆屋（阿妹茶樓-宮崎駿取景之原址）

金林三兄弟藥燉排骨 (松山區)

台北美食分享篇（饒河夜市）

黎到饒河夜市你會好易甘聞到陣藥膳香味😻 跟住個香味行你好快會搵到路中心一家滿滿人嘅！叫「金林三兄弟」專食藥膳燉羊肉/排骨！

超級好食！羊肉燉到好軟滑林而且湯頭係好鮮甜，飲完真係個人會暖晒！聞說好補身嫁～男仔飲有氣有力～女仔飲紅粉菲菲👏🏻啪x3 😂

寬巷子 新生店 (中正區)

QT香港嘅朋友個個去台北都去一間叫無老鍋嘅店！但QT嘅台灣朋友就介紹左一間同無老鍋做同樣嘅野～ 但比無老鍋更正嘅！正在用嘅料更好！正在味道上更好！正在裝潢啦、食物擺放、服務態度都比無老鍋更好嘅質素！所有食物就好似一朵朵花一樣😍 令到dum一聲呀！絕對相機食先會超好呃like~

QT原本以為得個樣令啦！點先一入口～ 😌Omg !! 🙈唔識形容嘅無敵正！個松板牛嘅新鮮脂肪分佈係一絕！香到呢👍🏻 菜盤擺放到成個盆栽甘令呀！因為太好食～ 快手到唔記得影相🙈 仲有個墨魚牛紮糖（其實係墨汁墨魚膠加左牛肉嘅丸但整到好似鳥結糖甘嘅樣）又係超好食！ 所有野都好令令樣又好好味！朋友話價錢上只係貴無老鍋一點點～ 大家預除返人頭hk$258再加一每位啦～ 其實都平過香港食，以甘高質黎講～ 仲要份量唔少好夠飽嫁！朋友就話個人覺得信義分店比較下會正過士林兩分店而且較少人唔洗點等位！不過今次因QT個人行程問題朋友就只好帶我去新生分店！

朋友仲話無老鍋已經有一點點變質加上又升價了，而且大多係遊客去食，台灣當地人早就改去食「寬巷子」～

雖然QT仲未食過無老鍋，但我都相信台灣朋友係當地人介紹得甘講正過無老鍋，而且我食後都覺超正！但我有機會都會去試下大家講嘅無老鍋親自比較再報告下大家