公主麵包 等級3 | 關注 留言給此食家 |
排序方法:
日期 笑臉 哭臉
編輯推薦 餐廳總分
文章形式 | 地圖形式
2018-12-04
臨走係新北投站附近搵間舊舖食,去旅行我最鐘意搵當地懷舊野食 基本麵款齊 多款小食放門口可以睇岩先點 原本想食碗麵就算見到包緊水餃,咁就叫埋來試吓 餐牌簡單一張紙寫晒款式唔多 牛三寶麵-先講湯底雖然有小小油膩,但牛味都香小小甜,甜得來有小小覺得蔬菜甜,牛根林得來仲保留咬口但唔會一夾即散,牛腩炆得好林肉味係口留住,牛肚比較硬唔夠入味 半筋半肉麵-我覺得叫佢又平又樣樣岩食 水餃皮煙韌又唔會好厚,餡好多肉汁但肉味就欠,餡有落菜但食唔出咩味,普通 可惜早餐太飽只可以試咁小野 推薦美食: 半筋半肉麵
評分: 味道 4 環境 3 服務 4 衛生 3 CP值 4
2018-11-28
去旅行最安全當然搵間多人食嘅舖頭,門口睇餐牌選擇好多 因為太短時間內食得太密,所以只好叫小小試,樣樣都好想試 貢丸切仔米粉-湯底超香葱油味,新竹米粉係鞋果種,貢丸得一粒所以叫多碟餸食 豬紅湯-湯底甜豬紅滑冇腥味好QQ 豆芽菜-爽脆甜冇腥味唔知落左咩調味,一夾就清碟 三色蛋-其實唔係唔好食只係太多沙律醬成口都係跟本食唔到味道,連皮蛋咁重味都食唔到,賣相好靚好吸引 魯肉飯-味道香濃但豬皮部分爽口煙韌我比較喜歡食已經林晒,解油膩蘿蔔味道唔錯 花枝-點芥辣溝醬油膏食好特別,花枝爽口彈牙但一點都不韌一咬即斷,但就食唔到鮮甜
評分: 味道 4 環境 3 服務 3 衛生 4 CP值 5
2018-02-05
早餐搵野食原本唔係食佢,但未開門所以試左 招牌個樣舊舊好有歷史感 主打食物餐牌種類唔多 米粉湯-好似瀨粉但軟滑啲口感一樣夠爽口,睇佢湯底咁清估唔到勁香,乾蔥油香到連湯都一滴無淨 魯肉飯-暫時食過最好味嘅一間,汁濃濃但唔會死咸豬油香唔會痴嘴,飯粒分名熱辣辣香噴噴 卤大腸-好食過阿財,冇腥味同押味,腸夠冧入味但完整冇爛晒,連薑絲一齊食仲正 油豆腐-好似卤水左嘅素鵝,又滑又入味卤水汁甜甜地,忍唔住一食再食,豆腐好香豆味,食到想添多碟 總結-估唔到亂搵有間俾到驚喜,各樣都好好味會推介俾朋友 推薦美食: 米粉湯, 魯肉飯, 油豆腐
評分: 味道 5 環境 4 服務 4 衛生 3 CP值 5
2017-05-25
起身要飲返杯回魂咖啡,香味遠一遠都聞到,一入門口仲有咖啡豆炒緊 咖啡種類太多好難選擇,好彩凍咖啡得2款,唔想雪糕味蓋過咖啡香,飲齋啡就最能試真味道 蜂大水滴冰咖啡-味道香濃係口腔久久不散,本人唔鐘意酸味咖啡,蜂大咖啡好岩我好味 坐樓上先睇到蛋糕,有9款隻隻都向我招手 帕瑪森起司蛋糕-芝士好重正吞唔到落喉嚨痴晒口,好奶味又滑又香,軟硬度適中但偏乾用個义仔食好論盡 千層派-薄餅好香蛋味又薄到透光,cream又夠多唔膩唔會過甜又滑好好味好新鮮 總結-老舖係信心保証唔只咖啡得連蛋糕都一樣掂 推薦美食: 帕瑪深起士, 千層派, 蜂大水滴冰咖啡
評分: 味道 5 環境 4 服務 3 衛生 4 CP值 4
2017-02-22
去誠品時入口隔離有一班學生成十個企係檔口門口等,無蝕底當然企賣去試食 美食要有耐性而且台灣檔仔一般都即叫即整用心做唔會急俾劣貨,值得大讚
評分: 味道 5 環境 3 服務 5 衛生 3 CP值 4
|