公主麵包 等級3 | 關注 留言給此食家 |
排序方法:
日期 笑臉 哭臉
編輯推薦 餐廳總分
文章形式 | 地圖形式
2017-05-25
12點先食早餐諗住無咁多人,點知都要排隊等位,先點菜俾錢後食物到食完先再俾錢,要諗清楚食咩因為唔俾加單 摺枱上規矩寫得清清楚楚 黑芝麻豆漿-豆漿甜味有啲淡唔夠豆味濃,黑芝麻飲面頭唔覺到底一舊舊芝麻粉,香味普通 香濃米漿-好杰身味道好似合桃露非常特別,甜度剛剛好但飲半杯已經飽肚 培根雞蛋蛋餅-火腿唔會過咸又唔油,雞蛋好香好滑,蛋餅唔油膩有點醬油膏食唔會好乾好味道 培根雞蛋燒餅-火腿厚身啲夠味,雞蛋有小小過火,燒餅好酥好脆芝麻勁香,不過好乾食唔完 雞蛋蘿蔔糕-蘿蔔糕同港式好唔同成舊粉好實無蘿蔔同飽肚,雞蛋同蔥又滑又香,有醬油膏味道即係唔同晒 試試台式早餐都幾得意,味道唔差但一份餐已經好飽好難試晒味 推薦美食: 香濃米漿
評分: 味道 4 環境 2 服務 2 衛生 2 CP值 5
2017-05-25
起身要飲返杯回魂咖啡,香味遠一遠都聞到,一入門口仲有咖啡豆炒緊 咖啡種類太多好難選擇,好彩凍咖啡得2款,唔想雪糕味蓋過咖啡香,飲齋啡就最能試真味道 蜂大水滴冰咖啡-味道香濃係口腔久久不散,本人唔鐘意酸味咖啡,蜂大咖啡好岩我好味 坐樓上先睇到蛋糕,有9款隻隻都向我招手 帕瑪森起司蛋糕-芝士好重正吞唔到落喉嚨痴晒口,好奶味又滑又香,軟硬度適中但偏乾用個义仔食好論盡 千層派-薄餅好香蛋味又薄到透光,cream又夠多唔膩唔會過甜又滑好好味好新鮮 總結-老舖係信心保証唔只咖啡得連蛋糕都一樣掂 推薦美食: 帕瑪深起士, 千層派, 蜂大水滴冰咖啡
評分: 味道 5 環境 4 服務 3 衛生 4 CP值 4
2017-05-23
原本搵路返酒店錯又錯著見到有冰食,仲要勁多人當然要試一試 雪花冰款式比其他店多而且有特別味道揀 睇落好小其實配搭好多樣 芋圓大豆純仙草雪花冰-大豆超林豆衣又薄好有咬口又香冇用糖水浸過,芋圓好煙韌但又唔會死實實遮係好QQ,仙草冰好濃涼粉味但一啲甜味都冇好天然嘅味道,加小小糖漿已經好好味 芒果純芒果冰-芒果好多好大粒好甜但又唔係爛有爽口感,芒果雪花冰厭太甜加埋芒果醬過甜啦 總結食招牌冰唔夠古早味好食 推薦美食: 芋圓大豆仙草冰
評分: 味道 4 環境 3 服務 3 衛生 3 CP值 4
2017-03-01
叫左食物後先發現坐落個個都叫苦瓜湯,一盅盅上個個讚正,可惜已經遲左一步而且天氣太熱飲完已經成頭出晒汗又肚脹,只好留下一次再試味
評分: 味道 4 環境 1 服務 3 衛生 3 CP值 4
|