公主麵包 等級3 | 關注 留言給此食家 |
排序方法:
日期 笑臉 哭臉
編輯推薦 餐廳總分
文章形式 | 地圖形式
2018-12-30
係香港無耐性排隊,來台灣又多野到食唔切,今次終於安排到臨走食 係對面光南成日見到個牌,但樓下搵極都搵唔到電梯上,原來只係一樓要行樓梯先見到 餐牌熱食選擇唔多,三文治&麵包&飲品先係重點,見到相樣樣想試但因為已經尾聲食唔落只好輕食 要熱latte店員細心問要糖嗎?好彩話要糖好靚靚仲跟埋2塊餅仔,鮮奶香滑咖啡唔錯 熱水果茶-勁多維他命C感覺入口酸味多過甜,茶味淡淡地平時覺得紅茶好濃但襯埋一齊好正,味道好復習又橙汁又百香果又檸檬又紅茶仲有好多生果食 優格冰淇淋水果千層派-冰淇淋小小酸,千層派好酥脆一义落去就到底,係口一陣風咁溶左,但我比較喜歡襯蜜糖多過雪糕 檳城海鮮喇沙-湯底顏色就夠但鮮味不足,蝦冇鮮味,魚片麻麻地,尤魚都唔太新鮮,蜆細粒冇味,麵用寛薯粉真係估唔到而且唔襯 總結:今次名氣店試完好後悔試得太遲,同埋點解可以咁高價仲排長龍維持咁耐,以後去台灣一定要安排食一次 推薦美食: 優格冰淇淋水果千層派, 熱水果茶
評分: 味道 5 環境 4 服務 4 衛生 4 CP值 2
2018-12-17
今日天氣非常差雨越落越大,人多難行間間舖坐滿人,行到好入終於見到出名賴阿婆芋圓,無裝修餐牌更簡單,只有紅豆&綠豆&另有好似花生 如果要凍就加冰超直接,芋圓係雜錦,綠豆大粒夠林但唔起沙小小偏甜,冰溶小小後就剛好 熱紅豆一樣超大粒豆又林而且味道唔甜 芋圓-綠茶味食得出淡淡綠茶味,山藥顏色又靚林林地好QQ,地瓜比較硬身味道最濃但太實唔鐘意,原味煙韌度最高 總結- 客如輪轉雖然地方唔係話大,但客流快,見到坐滿等一陣就得唔好咁快放棄會走寶
評分: 味道 5 環境 3 服務 2 衛生 2 CP值 5
2018-12-14
當日上九份超大雨個個開住遮但簷篷位間間唔同,雖然環境惡劣雨水反彈身同面都中招,但見到條長長人龍唔排唔得 睇裝修就好似好老舖,做到唔停手好似工廠咁入面人手做做做,門面店員就機械人咁勁快手 貴精不貴多得4款選擇,每款面頭有小小記認 皮煙韌唔黐口有淡淡草香薄薄地包住餡料,紅豆大大粒又夠林唔會太甜剛剛好,菜浦米我幻想係香港食開嘅菜甫味,但台灣又完全唔同帶甜多過咸,韌韌地唔似香港爽口幾得意都好食,咸綠豆原來好似眉豆咁好好食 總結:因為跟團太短時間係九份又太多野食試味,搞到唔敢買太多粒,後悔真係好味下次要買多多
評分: 味道 5 環境 2 服務 2 衛生 3 CP值 4
2018-12-11
去迪化街霞海城隍廟還神後行返台北車站路經見到度小月好開心即試 裝修好有feel對正門口仲有2張櫈仔位置,可以睇住整擔仔麵一路同老板傾計感覺親切 菜式選擇俾機場店多 擔仔米粉拼滷貢丸-肉燥好香濃惹味,蒜泥唔辣好香新鮮,湯底清甜,滷貢丸好大粒爽口彈牙肉味香 擔仔粿仔粉拼滷鴨蛋-粿仔條原來係粗河粉,河粉新鮮煙韌但始終唔夠索味,滷鴨蛋入晒味連蛋黃都有香味,原本驚膽固醇想唔食但太吸引食埋 溫泉絲瓜蛤蜊-絲瓜煮到林晒,蛤蜊太細粒雖然鮮味但得一口鮮,絲瓜索晒汁好鮮甜但啖夾埋一隻櫻花蝦更香 三杯雞-果然係招牌菜一上枱香噴噴,雞肉嫩滑有汁但入到味好正 總結:度小月我試過香港銅鑼灣,台北機場分店但一般,此店令我想再食多幾次試晒菜式 推薦美食: 三杯雞, 擔仔米粉+滷貢丸
評分: 味道 5 環境 4 服務 5 衛生 4 CP值 3
2018-12-04
臨走係新北投站附近搵間舊舖食,去旅行我最鐘意搵當地懷舊野食 基本麵款齊 多款小食放門口可以睇岩先點 原本想食碗麵就算見到包緊水餃,咁就叫埋來試吓 餐牌簡單一張紙寫晒款式唔多 牛三寶麵-先講湯底雖然有小小油膩,但牛味都香小小甜,甜得來有小小覺得蔬菜甜,牛根林得來仲保留咬口但唔會一夾即散,牛腩炆得好林肉味係口留住,牛肚比較硬唔夠入味 半筋半肉麵-我覺得叫佢又平又樣樣岩食 水餃皮煙韌又唔會好厚,餡好多肉汁但肉味就欠,餡有落菜但食唔出咩味,普通 可惜早餐太飽只可以試咁小野 推薦美食: 半筋半肉麵
評分: 味道 4 環境 3 服務 4 衛生 3 CP值 4
|