公主麵包 等級3 | 關注 留言給此食家 |
排序方法:
日期 笑臉 哭臉
編輯推薦 餐廳總分
文章形式 | 地圖形式
2018-12-12
去完一日團係附近解散,唔想再行近近地酒店附近搵間食,路過見到都多人就去試試 種類唔多只係不同配搭變化 曼谷奶茶-一睇餐牌見有泰國奶茶咁可愛就點來試,茶味飲唔出奶味好重唔太甜 紅燒牛肉麵-湯底唔辣好油膩牛肉味淡,牛肉好碎炆得好林但肉味好淡,得返細拉麵好林 排骨麵-湯底好清不過配料好多救返,即炸排骨好脆唔油膩肉質好林有肉汁 牛肉湯餃-都係一樣湯底油膩,水餃餡菜肉新鮮皮彈牙唔錯 炸蝦捲-雖然唔油膩但餡好奇怪食到滑溜溜唔夠爽口,但冇蝦味唔知食緊咩 總結-樣樣都普普通通又唔係難食但又冇好好味感覺,貪就腳食都可以嘅,有免費綠茶提議好窩心
評分: 味道 3 環境 3 服務 5 衛生 3 CP值 4
2018-12-11
去迪化街霞海城隍廟還神後行返台北車站路經見到度小月好開心即試 裝修好有feel對正門口仲有2張櫈仔位置,可以睇住整擔仔麵一路同老板傾計感覺親切 菜式選擇俾機場店多 擔仔米粉拼滷貢丸-肉燥好香濃惹味,蒜泥唔辣好香新鮮,湯底清甜,滷貢丸好大粒爽口彈牙肉味香 擔仔粿仔粉拼滷鴨蛋-粿仔條原來係粗河粉,河粉新鮮煙韌但始終唔夠索味,滷鴨蛋入晒味連蛋黃都有香味,原本驚膽固醇想唔食但太吸引食埋 溫泉絲瓜蛤蜊-絲瓜煮到林晒,蛤蜊太細粒雖然鮮味但得一口鮮,絲瓜索晒汁好鮮甜但啖夾埋一隻櫻花蝦更香 三杯雞-果然係招牌菜一上枱香噴噴,雞肉嫩滑有汁但入到味好正 總結:度小月我試過香港銅鑼灣,台北機場分店但一般,此店令我想再食多幾次試晒菜式 推薦美食: 三杯雞, 擔仔米粉+滷貢丸
評分: 味道 5 環境 4 服務 5 衛生 4 CP值 3
2018-12-08
係萬華區想搵小炒店好難文青區cafe日式,韓式就周街都係,百元小炒更難 百元唔多但選擇多要試晒有排食 葱爆山豬肉-山豬肉有煙燻過味道香口野味,洋蔥同大蒜炒得剛剛好,鑊氣夠送酒一流 鐵板牛肉-牛肉小得很用鬆肉粉搞到食唔出味,配料超多但汁太味道唔突出 干貝高麗菜苗-高麗菜炒得剛好爽口清甜唔油膩,面放了乾身干貝碎畫龍點睛好香 沙茶羊肉-都係炒得太濕,菜脆嫩味道野味,羊肉太碎食唔出但送飯好 海苔花枝卷-賣相就vin啦,食落就普普通通,墨魚膠卷左紫菜炸脆面就放車厘茄同沙律醬,車厘茄完全唔關事,但炸過紫菜味好香 今次試住咁多先種類咁多好難試完,各樣味道都唔差只係唔特別驚喜,送酒菜比較多
評分: 味道 4 環境 3 服務 3 衛生 3 CP值 3
2018-12-04
臨走係新北投站附近搵間舊舖食,去旅行我最鐘意搵當地懷舊野食 基本麵款齊 多款小食放門口可以睇岩先點 原本想食碗麵就算見到包緊水餃,咁就叫埋來試吓 餐牌簡單一張紙寫晒款式唔多 牛三寶麵-先講湯底雖然有小小油膩,但牛味都香小小甜,甜得來有小小覺得蔬菜甜,牛根林得來仲保留咬口但唔會一夾即散,牛腩炆得好林肉味係口留住,牛肚比較硬唔夠入味 半筋半肉麵-我覺得叫佢又平又樣樣岩食 水餃皮煙韌又唔會好厚,餡好多肉汁但肉味就欠,餡有落菜但食唔出咩味,普通 可惜早餐太飽只可以試咁小野 推薦美食: 半筋半肉麵
評分: 味道 4 環境 3 服務 4 衛生 3 CP值 4
2018-11-28
去旅行最安全當然搵間多人食嘅舖頭,門口睇餐牌選擇好多 因為太短時間內食得太密,所以只好叫小小試,樣樣都好想試 貢丸切仔米粉-湯底超香葱油味,新竹米粉係鞋果種,貢丸得一粒所以叫多碟餸食 豬紅湯-湯底甜豬紅滑冇腥味好QQ 豆芽菜-爽脆甜冇腥味唔知落左咩調味,一夾就清碟 三色蛋-其實唔係唔好食只係太多沙律醬成口都係跟本食唔到味道,連皮蛋咁重味都食唔到,賣相好靚好吸引 魯肉飯-味道香濃但豬皮部分爽口煙韌我比較喜歡食已經林晒,解油膩蘿蔔味道唔錯 花枝-點芥辣溝醬油膏食好特別,花枝爽口彈牙但一點都不韌一咬即斷,但就食唔到鮮甜
評分: 味道 4 環境 3 服務 3 衛生 4 CP值 5
|