公主麵包 等級3 | ![]() ![]() |
排序方法:
日期 笑臉
![]() ![]() ![]() ![]()
2018-12-30
係香港無耐性排隊,來台灣又多野到食唔切,今次終於安排到臨走食 ![]() 係對面光南成日見到個牌,但樓下搵極都搵唔到電梯上,原來只係一樓要行樓梯先見到 ![]() ![]() ![]() ![]() ![]() 餐牌熱食選擇唔多,三文治&麵包&飲品先係重點,見到相樣樣想試但因為已經尾聲食唔落只好輕食 ![]() 要熱latte店員細心問要糖嗎?好彩話要糖好靚靚仲跟埋2塊餅仔,鮮奶香滑咖啡唔錯 ![]() 熱水果茶-勁多維他命C感覺入口酸味多過甜,茶味淡淡地平時覺得紅茶好濃但襯埋一齊好正,味道好復習又橙汁又百香果又檸檬又紅茶仲有好多生果食 ![]() ![]() ![]() ![]() 優格冰淇淋水果千層派-冰淇淋小小酸,千層派好酥脆一义落去就到底,係口一陣風咁溶左,但我比較喜歡襯蜜糖多過雪糕 ![]() ![]() 檳城海鮮喇沙-湯底顏色就夠但鮮味不足,蝦冇鮮味,魚片麻麻地,尤魚都唔太新鮮,蜆細粒冇味,麵用寛薯粉真係估唔到而且唔襯 ![]() 總結:今次名氣店試完好後悔試得太遲,同埋點解可以咁高價仲排長龍維持咁耐,以後去台灣一定要安排食一次 推薦美食: 優格冰淇淋水果千層派, 熱水果茶
評分: 味道 5 環境 4 服務 4 衛生 4 CP值 2
2018-12-29
第4次來台北,試過2次想試這個人氣店都冇位,所以今次早1日訂位 ![]() 食物種類真係好多,尤其海鮮蝦都有3種,丸類多到來幾次都試唔晒,但菜類就比較失色,菇類數得出都有 ![]() 糖品同生果都有一個櫃可惜冇試到 ![]() haagendazs超多種影唔晒,有特別味道揀香港未有一定要試 ![]() 最愛嘅movenpick都有8款我揀,只好每種味試半球 ![]() 湯底當然要試麻辣,原本想試東北酸菜鍋俾錯左來了個蔬菜精力鍋,麻辣頭一轉小小辣但冇麻感覺香料味都不足但唔油膩,蔬菜湯我本人比較重口味,感覺同滾水無分別 3種蝦質地各有不同要睇想食彈牙,爽口定鮮甜啦,魚始終比較腥,尤魚新鮮,大粒貝好食我估係帶子 ![]() ![]() ![]() ![]() 試左多種肉類但肉味都淡,有啲就肉質滑小小,提議要快食唔好滾太耐肉質會鞋到似擦子膠 ![]() 蝦滑從未食過有一粒粒蝦肉係裏面,但唔試起膠所以好散近似梅,花枝就比較好夠彈牙 ![]() ![]() 價錢唔算貴但同香港任食邊爐比較都係香港美國肥牛香肉味,出名店係要一試嘅,不過我試一次真係夠
評分: 味道 2 環境 3 服務 3 衛生 2 CP值 3
2018-12-12
去完一日團係附近解散,唔想再行近近地酒店附近搵間食,路過見到都多人就去試試 ![]() 種類唔多只係不同配搭變化 ![]() 曼谷奶茶-一睇餐牌見有泰國奶茶咁可愛就點來試,茶味飲唔出奶味好重唔太甜 ![]() 紅燒牛肉麵-湯底唔辣好油膩牛肉味淡,牛肉好碎炆得好林但肉味好淡,得返細拉麵好林 ![]() 排骨麵-湯底好清不過配料好多救返,即炸排骨好脆唔油膩肉質好林有肉汁 ![]() 牛肉湯餃-都係一樣湯底油膩,水餃餡菜肉新鮮皮彈牙唔錯 ![]() 炸蝦捲-雖然唔油膩但餡好奇怪食到滑溜溜唔夠爽口,但冇蝦味唔知食緊咩 總結-樣樣都普普通通又唔係難食但又冇好好味感覺,貪就腳食都可以嘅,有免費綠茶提議好窩心
評分: 味道 3 環境 3 服務 5 衛生 3 CP值 4
2018-12-11
去迪化街霞海城隍廟還神後行返台北車站路經見到度小月好開心即試 ![]() 裝修好有feel對正門口仲有2張櫈仔位置,可以睇住整擔仔麵一路同老板傾計感覺親切 ![]() ![]() ![]() ![]() 菜式選擇俾機場店多 ![]() 擔仔米粉拼滷貢丸-肉燥好香濃惹味,蒜泥唔辣好香新鮮,湯底清甜,滷貢丸好大粒爽口彈牙肉味香 ![]() 擔仔粿仔粉拼滷鴨蛋-粿仔條原來係粗河粉,河粉新鮮煙韌但始終唔夠索味,滷鴨蛋入晒味連蛋黃都有香味,原本驚膽固醇想唔食但太吸引食埋 ![]() 溫泉絲瓜蛤蜊-絲瓜煮到林晒,蛤蜊太細粒雖然鮮味但得一口鮮,絲瓜索晒汁好鮮甜但啖夾埋一隻櫻花蝦更香 ![]() 三杯雞-果然係招牌菜一上枱香噴噴,雞肉嫩滑有汁但入到味好正 ![]() ![]() 總結:度小月我試過香港銅鑼灣,台北機場分店但一般,此店令我想再食多幾次試晒菜式 推薦美食: 三杯雞, 擔仔米粉+滷貢丸
評分: 味道 5 環境 4 服務 5 衛生 4 CP值 3
2018-12-08
係萬華區想搵小炒店好難文青區cafe日式,韓式就周街都係,百元小炒更難 ![]() 百元唔多但選擇多要試晒有排食 ![]() 葱爆山豬肉-山豬肉有煙燻過味道香口野味,洋蔥同大蒜炒得剛剛好,鑊氣夠送酒一流 ![]() 鐵板牛肉-牛肉小得很用鬆肉粉搞到食唔出味,配料超多但汁太味道唔突出 ![]() 干貝高麗菜苗-高麗菜炒得剛好爽口清甜唔油膩,面放了乾身干貝碎畫龍點睛好香 ![]() 沙茶羊肉-都係炒得太濕,菜脆嫩味道野味,羊肉太碎食唔出但送飯好 ![]() 海苔花枝卷-賣相就vin啦,食落就普普通通,墨魚膠卷左紫菜炸脆面就放車厘茄同沙律醬,車厘茄完全唔關事,但炸過紫菜味好香 今次試住咁多先種類咁多好難試完,各樣味道都唔差只係唔特別驚喜,送酒菜比較多
評分: 味道 4 環境 3 服務 3 衛生 3 CP值 3
|