公主麵包 等級3 | 關注 留言給此食家 |
排序方法:
日期 笑臉 哭臉
編輯推薦 餐廳總分
文章形式 | 地圖形式
2018-05-18
帝王蟹主角食左3轉,頭2次燒得比較乾同冇晒肉汁可能太多客人,最後一次腳身粗燒得剛剛好美味 蛤蠣只食鮮味,好彩肉質夠甜 蔥花牛舌好失望唔香好韌 季節蝦燒到老晒乾晒好燶 沙朗牛肉肉味濃但太簿口感麻麻 送嘅特大虎蝦,肉質爽彈牙鮮甜,但每位得半隻又唔切埋食得好倫盡 透抽味道鮮甜燒得剛好唔會乾 干貝好鮮甜,梅花豬肉有腥味同好肥膩 羊小排肉林又唔騷燒得剛剛熟 叫左3次臨走先俾我,荀超好味,雞脾菇好正雖然只食原味但新鮮已經好好味 燒麻糬好得意面脆有米香,花生碎好正,中間軟林林唔痴牙好正 山藥又係叫3次都唔到,新鮮好味 總結:雖然食物好食,但落單混亂,剛到熟客食物靚同快上菜,外地客的我們點菜幾次到臨走傾計時講先即攞其他客人食物先給我們,感覺唔太好
評分: 味道 4 環境 3 服務 1 衛生 3 CP值 1
2017-12-31
原本食馬辣窩但冇訂位要10點先有,所以去左酒店附近一間 鍋底有十種揀,我揀左麻辣&奶香鍋,麻辣唔太油但香料唔夠只辣不麻失望,奶鍋只食到奶味酥味但配菜食都香甜 海鮮種料多但唔太岩食 蝦同香港唔同,重蝦味但肉質唔爽 丸類選擇好多都唔錯唔似香港任食啲丸林唔彈牙 甜品種類雖然多但唔吸引冇特式 生果不停切新鮮種類又會變,相當唔錯 肉類有7款但只食了2款牛同豬普普通通,豬肉爽口唔腥又唔肥比較好 支竹同腐皮同香港唔同比較硬 雪糕有16款非常多我試晒 總結-質素普通唔算差,但驚喜不足
評分: 味道 3 環境 3 服務 4 衛生 3 CP值 4
2017-12-23
老字號簡簡單單就已經好吸客 全店只有鵝食好有信心,仲有下欄例如鵝腸,鵝腎,鵝肝唔會餐牌上見到 2個人原本想叫半隻但店員提議可先叫1/4隻已經夠食,上菜時發現真係好大碟,好彩店員不厭其煩多多提醒 鵝腸好爽脆冇內臟腥臭味,鹽水已入味企唔會過咸 米粉係新竹索左鵝油又香又滑 麵好彈牙但唔夠索湯,跟麵有片肉同全鵝唔同味好爽口但有小小油膩感好有罪惡感 卤水鵝肉滑唔油膩有淡淡甘香味 一定要來試試味,不過喜好個個唔同,我比較喜歡食燒鵝重味王 推薦美食: 米粉, 麵, 麵, 米粉, 鵝肉1/4
評分: 味道 4 環境 4 服務 5 衛生 3 CP值 3
2017-05-25
12點先食早餐諗住無咁多人,點知都要排隊等位,先點菜俾錢後食物到食完先再俾錢,要諗清楚食咩因為唔俾加單 摺枱上規矩寫得清清楚楚 黑芝麻豆漿-豆漿甜味有啲淡唔夠豆味濃,黑芝麻飲面頭唔覺到底一舊舊芝麻粉,香味普通 香濃米漿-好杰身味道好似合桃露非常特別,甜度剛剛好但飲半杯已經飽肚 培根雞蛋蛋餅-火腿唔會過咸又唔油,雞蛋好香好滑,蛋餅唔油膩有點醬油膏食唔會好乾好味道 培根雞蛋燒餅-火腿厚身啲夠味,雞蛋有小小過火,燒餅好酥好脆芝麻勁香,不過好乾食唔完 雞蛋蘿蔔糕-蘿蔔糕同港式好唔同成舊粉好實無蘿蔔同飽肚,雞蛋同蔥又滑又香,有醬油膏味道即係唔同晒 試試台式早餐都幾得意,味道唔差但一份餐已經好飽好難試晒味 推薦美食: 香濃米漿
評分: 味道 4 環境 2 服務 2 衛生 2 CP值 5
2017-03-01
叫左食物後先發現坐落個個都叫苦瓜湯,一盅盅上個個讚正,可惜已經遲左一步而且天氣太熱飲完已經成頭出晒汗又肚脹,只好留下一次再試味
評分: 味道 4 環境 1 服務 3 衛生 3 CP值 4
|