foodirectory.hk's Profile

☀️ 依日去鹽埕市場附近遊走～ 臨近中午，小編有啲肚餓，見到前面有間人龍店舖，抱住人排我又排嘅心態，後尾發現原來係一間馳名鴨肉老店 😲🍛 鴨肉飯 (小) 😋😋😋😋😋鴨肉飯可以揀大碗/細碗 👍🏻 由於之後可能會再食嘢，叫咗碗細嘅～ 鴨肉飯原來仲加咗魯肉肉燥喺入面，🍚 米飯混和咗好香嘅豬油同鴨香味 😚 鴨肉切片約有5塊，同飯量嘅比例拿捏得啱啱好，唔會多咗飯或多咗肉 👍🏻🥬 燙青菜 😋😋😋😋枱枱都有叫燙青菜，當然都叫返一碟，清清腸胃啦～ 帶有少少蒜香🧄味，唔會好寡 😁午餐 💵💵 約台幣$90/人 💁🏻‍♀️ 朋友叫咗鴨肉冬粉 (湯)，見到有唔少薑絲，但由於小編已經有一碗鴨肉飯喺手，所以冇再試啦 🤪 咁都唔特別講啦～ 店舖設有內場冷氣風扇位，同埋外場街邊位。如果大家同朋友嚟，可以一個負責搵位，一個負責排隊叫嘢食 (排咗大約20分鐘，條隊係移動，唔係齋企嘅) 朋友叫完之後，店員隨即跟住送上嘢食，相當快手！😲🙆🏻‍♀️ 最後，喜歡嘅話，歡迎follow @foodirectory.hk！…Read More

朋友相約復活節前快閃，揀咗去高雄之後，無意中喺IG見到有間改建百年金庫銀行 🏦 嘅咖啡廳，前身係三間日本銀行合拼而成嘅三和銀行，其後由台灣銀行代理，再逐漸轉為派出所。近年翻新為咖啡廳，並保留咗原有銀行建築嘅基石喺度～ 見內裡裝潢幾特別，預先bookmark咗同朋友搵日下晝去hea同打卡～☕️ 金庫冷醉咖啡 (附金磚費雪南) 😋😋😋😋😋一嚟到已經被乾冰飄逸嘅模樣吸引眼球👀，打卡嚟講就一定冇得輸！🤩 最特別係入口有少少酒香嘅啡味，好清涼、順喉～ 每杯cold brew都附一件金磚費雪南 (financier)，係一款法式小蛋糕，甜度相當高，質感有少少似瑪德蓮(madeleine)，配咖啡食就會冇咁甜～ ☺️☕️ 金庫冰滴咖啡 (附金磚費雪南) 😋😋😋😋依杯係朋友揀嘅cold brew 😊 小編試咗一啖，係較fruity嘅味道，微酸～下午茶 💵💵💵💵 約台幣$200/人 💁🏻‍♀️ 小編同朋友已經揀咗全店最貴嘅咖啡 😆 台灣咖啡文化真係較香港普及，而且價錢相宜～ 平日喺度會見到有唔少台灣太太同朋友嚟個咖啡下午茶相聚，一傾就係一個下晝，成件事好悠閒，係喺香港見唔到嘅景象 😌🙆🏻‍♀️ 最後，喜歡嘅話，歡迎follow @foodirectory.hk！…Read More