yuyuchu's Profile

台北車站真係點都要經過.......來時轉車......返香港又係哩度轉車....朋友在買手信......我周圍行.....又試下食......哩間放了蕨餅出來比人試.......一試就喜歡了.......蕨餅是抹茶底......淡淡抹茶味, 不太強......軟身又帶點QQ....綠色是沾上了抹茶粉......味道清甜......黃色是沾上了黃豆粉......味道較濃......兩者都不錯......當然買盒綜合啦......2隻味都食到.......帶上飛機開餐了......哈哈.....…Read More

夏日炎炎......要食冰冰.......友人喜歡食菠蘿(鳳梨).....見到介紹哩度既菠蘿冰......點都搵少少時間來試下....一心諗住來食菠蘿冰.......睇完餐牌都唔覺有.......又唔係好記得個名....好彩友人見到電視有顯示......名字叫........鳳梨鮮果冰.......是限量架.......係門口點完食物, 就拎個咇咇搵位坐.....咇咇響就可以出去拎食物......原本擔心, 一行4人叫一個甜品會否唔係咁好.....但原來哩度非常自在......食完都是自己收野, 唔會有人理你架.......咁就安心了......哈哈......菠蘿冰原來份量都唔少野.......有新鮮菠蘿肉波波.....以菠蘿殼盛住既菠蘿冰, 入面有啲菠蘿乾粒粒......仲有練奶同埋黑珍珠......真係幾豐富.....一啖食.....真的不同口感........ 不同層次....... 不同味道........透心涼.......亦滿足了友人的菠蘿癮........…Read More

睇過食評......好像都說難訂位......對於遊客來說, 真係有點卻步....好彩是....原來可以係openrice 網上訂位...真係超方便.....訂了13:40....我們早到了10分鐘......店員也安排我們入座.....正......不過, 店內客人不是太多, 可以慢慢坐...慢慢影......4人同行.....當然 share食啦.......啲碟好靚呀~~~先來沙律 (沙拉) ......沙律菜又幾新鮮......爽脆.....只是鬆弛熊 (拉拉熊) 麵包有點乾硬, 像隔夜麵包般.....之後....是湯........以麵包盛著洋蔥薯仔忌廉湯........朋友好喜歡.....我就覺得洋蔥味太重......主食要了三款......先來意粉......青bb的意粉......一上枱已聞到好勁既青醬汁....香草味勁濃.......除了蜆 (蛤蜊) 仲有帶子添.....哩個鬆弛熊頭是酥餅....好脆好味......仲有2 個飯.......一白一紅.....白的是白汁飯.......個白汁撈 (拌) 飯超好味.....今次個鬆弛熊係炸架, 原來入面也是飯來的......紅的是蛋包飯.....哩個大家都覺得麻麻地......蛋皮有點乾, 而茄汁飯又唔好味.....肉丸似宜家傢俬果啲咁.......一路上枱一路影相.......最後竟然可以影大合照....只怪真的太靚了......食完主食.....當然到甜品啦......2點後有tea set.......A 餐是可以揀3款 $150或以下既飲品/甜品, 價錢係 $399B 餐是可以揀3款 $200或以下既飲品/甜品, 價錢係 $499我們叫了 A餐+ B餐.........揀了4杯飲品之後, 仲可以點多2個甜品......飲品要了2杯凍 (冰) 水果茶 ......其實都有粒白色既鬆弛熊冰架蔓越荔枝蘇打......哩個是雞雞冰......葡萄柚柳橙蘇打.......哩個鬆弛熊冰最明顯......友人話係橙味架......哩個 cheese cake.......上半part真的不錯.....芝士味幾重, 上面仲有脆脆焦糖......下半part 就是一個幾實既蛋糕......鬆餅....如果要配雪糕, 就一定要揀原味......上枱時.....感覺過了火......好彩食落問題不大.....熱熱鬆餅加冰凍雪糕.......正......最後再叫了三杯雞蛋布丁......主要原因是個樽仔超靚....食完可以拎走........最底既焦糖好好味.....都話賣相吸引......所以甜品都係不停影不停影.....我們唔係有心影大合照架廁所都幾靚......原本諗住哩度得個樣.......點知又幾好味喎........哈哈.......…Read More

已知哩間店人氣超勁.......已有心理準備要排好耐.......我們大約早上9時去到樓下....不見人龍.......已超開心.......人龍只是排到半層位置.......真LUCKY.....排隊時也見到燒餅製造過程......哩度係food court .......買好食物就搵位坐, 當然我們一行4人, 可以分工合作啦.......order 時.....第一關是叫飲品......即係豆漿呀.....米漿呀......第二關是叫食物.......即係蛋餅呀....燒餅呀......第三關就是收銀......唔好攪錯......會比人串架人多可以樣樣都試下........叫都一枱都係食物......見到都開心......我們要了3碗冰豆漿(甜)+1碗冰米漿......豆漿.....不會太甜.....豆味重......米漿.....朋友說似火麻仁.....好好味.....質素高.....當然試下哩度最出名既鹹豆漿啦......真係第一次食台式鹹豆漿......所以只叫了2碗, 大家share食.....哩個台式鹹豆漿.....真係超好味......內有油炸鬼 (油條) /菜脯/蔥花.......豆漿像豆腐花 (豆花) 般......超滑.....撈 (拌) 埋一齊食....好似食緊蒸蛋白咁.......好喜歡.......推介推介建議大家都要單叫油炸鬼 (油條)......用來浸豆漿 (鹹甜也可)都好美味......要了一份蛋餅......店員推介....我就一般了.....蛋餅有點煙韌......蔥味同蛋味也濃.....哩度既飯團真的好味.....內餡雖然都是油炸鬼 (油條) / 菜脯 / 肉鬆......但糯米軟糯唔會乾.......熱辣辣.....正.....叫了2個蘿蔔絲酥餅......同香港既好唔同, 外表是中式酥餅樣子.....而內餡是醃製的蘿蔔乾絲......味道比香港較濃....厚蛋夾油條.......即係厚燒餅夾蔥蛋同油炸鬼.......可能凍了....所以厚燒餅有點硬.......薄餅夾蛋........塊薄餅好好味.....好似厚身版既手抓餅......有點油酥香......不錯.....食物水準真高......唔怪之得咁多人排隊啦........…Read More

我超愛吃鰻魚.......行程點密都要搵啲時間來食鰻魚.......可加錢轉為套餐......可能是平日.......店內不多人.......雖然不太餓....但我們也轉了套餐.....要了鰻重.......大盛..........2塊鰻魚超吸引......燒過既鰻魚好香.......好喜歡哩種鰻魚油脂香........再配上珍珠米食.......yummy.......另外, 也叫了小食.........明太子中卷燒.......好像沙律醬 (沙拉) 的明太子.......加上又軟又彈牙既魷魚 (中卷)....不錯!亦試了一串燒鰻肝.......超香口.......肝臟當然會有少少苦......但味道不錯.......幾特別.....靜靜地同朋友傾下計....休息一會....再要出發了.......…Read More

落大雨....唔知食乜好......上 openrice 搵食, 見到哩間任食火鍋, 食評唔錯, 仲幾抵食添......計返港紙大約$165左右.......抵.........門口已見到好多雪糕櫃......我們2人的位置......私隱度足夠.......仲係4人枱......夠晒闊.......頭頂盞燈好靚.....首先揀了湯底先........其實都唔知揀邊款.....店員推介頭三款......是最受歡迎的......最後揀了藥膳鍋同魚皮鍋....哩度所有牛肉/豬肉/雞肉.......等.......都係要拎夾仔出去 order.....牛有3種........分別係紐西蘭牧草牛/黃金培根牛/加拿大穀飼牛....不過.....其實上到枱都唔知邊款打邊款....只知牛牛都是超薄片.....質素都可以......好似香港牛陣果啲咁啦......咁既價錢, 不投訴了!而豬肉有2款.......分別係台灣黑毛豬及 CAS 認證豬五花......哩個五花超正.......帶少少皮, 有些彈牙.....而海鮮真的不弱.......有蝦有蟹有魚.....仲有貝類........最正是紅色果隻深海胭脂蝦.......食落甜甜地........超正丸類....腸類......內臟類.......真的不少......朋友也取了好多回來.......蔬菜也多......哩個好似小棠菜既菜........冇小棠菜咁草青味.....比較嫩......飲品有熱有凍.......居然連啤酒都有.....仲有鮮果汁.......超LIKE......單尾......當然要食公仔麵啦.......哩個粗身公仔麵係香港好少食.......口感似福字麵.....不過是粗身版......最後......當然要食下甜品同生果......雪糕櫃也有4個....生果大約有6-8款........我們試了3款.......也不錯.....整體不錯, 員工友善.....加湯收碟也快.........假日黃金時段......咁既價錢, 真心抵食.......…Read More

今次來台灣, 時間較緊迫.....安排了2間早餐店......哩間是第一間想去試一試既人氣店.......由於前一晚實在太夜瞓了......所以我們大約十點才來到.....店子小小.......也高朋滿座了......由於太晏, 想要的煙肉 (培根) 已賣晒......真係早起的鳥兒有蟲吃....我們不早起就沒得吃了.......唯有轉其他啦.....點完餐.......拎了飛.....等叫number就可入座......等位其間.....係門口見到哩個鐵板......已超吸引......飲品先上枱.........我們叫了冰奶荼/ 2 杯冰胚芽奶茶/ 雪克冰咖啡.........大家一致覺得好淡味......好似無味咁........強力不推介......蛋餅類我們要了........乳肉餅.......蛋餅配肉鬆真是無敵......即叫即製......外層香脆, 內裏是濃濃肉鬆香.....不錯不錯....吐司類要了....... 乳火魚蛋......哩個真是超驚喜......麵包已是外脆內軟, 熱辣辣.....已是必勝.....原本友人有點怕吞拿魚(鮪魚)會好腥.....原來哩度係吞拿魚撈沙律醬(沙拉)做成醬汁....沙律醬經過加熱, 形成半溶狀態......令到係香港一般都食到既腿蛋治烘底, 變得不平凡!法式吐司類........法乳火.....一心來食哩個法式吐司.......可能期望高, 變了沒特別......原本以為口感會似香港既西多士般......原來係兩回事......感覺......不過不失啦.....…Read More

朋友夜機....到達台北已是零晨時分......住在西門町附近.....最方便就是來哩度食野......此店24小時營業, 我們一行4 人來到已是零晨2點......但店內仍是有八九成滿....生意真不錯......小菜細細碟, 每碟$20,  睇啱邊碟就自己取.......亞姐之後會來計數小菜要了青瓜/豬頭肉/豆腐.....青瓜: 爽脆.....豬頭肉: 我拎了碟較多豬耳位......豆腐: 朋友好喜歡, 我就麻麻地.......由於太夜了, 不想食得太飽.....4人叫了3碗麵share......牛肉麵......要了細碗, 份量也不少......牛肉夠軟腍.......麵則太腍了.....牛雜麵.......牛雜不錯, 沒有異味.....以牛肚為主......麻醬麵.....麻醬味不夠香.......不推介哩度其實叫完食物便會快速上枱.....所以影大合照真的沒難度!另外, 枱上也有好多調味料.......朋友超喜歡哩2樣牛油.......加了落碗麵度好香......…Read More

每次去台灣都必定要來鼎泰豐食小籠包......因為真的比香港店好食......雖然每次來都要等位, 但也不是等得太耐, 最耐果次都只是15分鐘 !門口既小籠包公仔.....開放式廚房, 見到師傅努力咁包包包.......分工十分細緻, 搓皮/壓皮/加餡/埋口.......一籠小籠包有成7-8個師傅服侍.......哈哈.....哩度啲服務真的不錯........店員十分足夠......雖然客人多, 但環境也舒適......我們2人, 吃得不多........但樣樣都吸引......所以選擇也要小心......小籠包先上枱........店員為我們加醬.....他說: 豉油同醋1:1 最好......小籠包真的好味......真可說皮薄餡靚......... JUICE.....好自然一啖一啖地不停食......也要了紅燒牛肉麵 (半筋半肉)........上枱時不算吸引.........麵的質感不錯.......軟硬適中....牛筋軟腍又彈牙.....牛腩是牛"月展".......好喜歡食台灣既牛肉麵.....因為是厚厚既牛"月展"位, 煮得軟腍, 中間帶有QQ既根位, 好味......煎餃需時.......所以最後才上枱......蝦肉煎餃樣子超吸引......未食已知是脆脆了.....皮不厚.....底部薄脆.....蝦仁配韮黃, 超夾又香......仲有肉汁走出來.......正!第二日, 另外2個朋友又話要來食小籠包......今次叫了一個前菜, 我覺得幾好味.....想推介一下.......就係冷筍沙拉.......我覺得不用點任何野已好好味....夾脆清甜.......食完已愛上了.....下次必叫.....…Read More

來台灣當然要行下夜市啦........南機場夜市都係第一次行.......地方不是很大, 好快就行完 !朋友說: 要試下哩度既麻油雞.......當然大熱天時都要陪下友人試下, 因為唔知幾時再會來.......哈哈......好喜歡行哩啲小檔仔.....每檔都好有特色.....好專門.....雖然是夏天, 哩檔麻油雞生意也不俗.....堂食外賣也不少.......一上枱....見到碗湯既顏色已覺對板.....超深色.....像廣東人的老火湯般......湯頭是雞湯味.....好濃郁.....飲完不會口渴.......但真的暖身......越飲越熱, 冬天來飲應該超正......喜歡食雞脾 (雞腿) 的我, 當然別無他選啦.......超大隻的雞睥, 啖啖肉又嫩滑, 正!…Read More

落雨天......在西門町遊走......見到有人食緊小籠包, 便想坐下試下......在門口自行在紙仔上寫好要食既食物, 然後交比店員......就可以搵位坐低等食了......餐牌食物不是太多.......如有選舉困難........店方亦有10款食物推介....凍(冰)豆漿 (大) ..... 夏日炎炎, 緊係飲凍架啦........我覺得有點甜.....豆味不夠.....飯團 ...... 熱辣辣.....內有油炸鬼 (油條)/肉鬆/菜脯....以糯米包住......即係香港既粢飯.....糯米有點乾, 味道一般.....蘿蔔糕加蛋......其實我好少係香港以外食蘿蔔糕.......因為多數都不是食開既版本 ........當然已預了哩個唔會食到蘿蔔絲.....但朋友想食, 就試一下啦......我覺得.........可以叫它為米糕.....如不當香港食開既蘿蔔糕版本, 其實口感不錯.....小籠包 (湯包) .......可能是中午關係......每枱都叫了小籠包......一籠有8個......皮不厚.....有肉汁.......不錯......最後來的是鍋貼........不推介.......口感硬又唔香脆.....似隔夜鍋貼......餡是韮菜豬肉.....還是來吃早餐好了........店子坐位不多......一邊是堂食位置, 另一邊是煮食位置.....…Read More