之前有聽過不少香港朋友介紹
去台灣一定要去試下呢間壽司店.
為左避開復活節假期,
前排攞左假去台灣玩一轉, 於是就特登黎左呢間精緻日式壽司舖食晏~
隔住玻璃影, 可能效果唔太好
但應該都睇得出, 材料好新鮮!!!
基本上店入面座位唔多.
全部都係坐係板前,
直接睇住師傅做
座位後方有一排擺住各式各樣ge酒, 非常壯觀!!
好適合想要飲番兩杯ge朋友
2
食物質素方面,
一個字: 無得彈!!
好過係香港果d多多聲,
最重要係計番價錢, 真係好抵食.
1
因為坐係師傅前面
可以睇住佢做料理
從刀工到整壽司ge手勢, 都俾我一種好專業ge感覺..
師傅亦都好熱情, 會主動同客人交流
睇得出佢對料理果份執著, 好重視客人ge回饋心得.
1
除左用餐環境好
同埋食物質素一流之外,
連前菜,甜品等細節都絕不馬虎
真心推薦俾黎台北玩ge香港朋友,
舖頭位置大概就係"忠孝敦化"2號出口,
就係百貨公司後面ge內街入面, 當然去之前最好google一下地圖先, 或者問路人都ok
台灣人都好友善, 問路都未試過被拒絕過~~~
有機會我一定會再黎食過!
