犇鐵板燒 安和本館

Open Now

Now Closed

午餐食個普通的鐵板燒，去左“犇“。到個門口好似好勁，食落完來真係普普通通。先加個一份厚牛舌俾老婆，牛舌又唔係在我們面前煎？係在㕑房煎完先取岀來，奇怪。更奇怪，點叫厚牛舌呀～～薄到呢，同褔岡d先台牛舌厚度，疊埋三塊就差唔多。個洋葱湯太多油，牛肉巻一般，帶子又係濫用魚子醬和黑松露醬，老婆叫個煎紅魚仲腥。牛漢堡一般，鮑魚點解要畀咁多海藻配上去，unbalance。到主菜和牛，得四粒，玩骰盅咩。炒飯各人一小碗，佢炒多咗嘅就放喺隻碟度，成張枱嘅人你眼望我眼都唔知點樣出去再裝。甜品要行去第二個區食，另叫個心太軟生日蛋糕畀老婆，最正常係呢件，不過係要加錢。其實二流做第一，好過一流做第尾。食過都冇下次，大家可以唔使考慮。