建宏牛肉麵 (Closed)

一場到台灣一定要試下當地的牛肉麵，最後一日的台灣旅遊，無論食到幾飽都要食多一碗牛肉麵。上網搜習資料知道建宏牛肉麵做得唔錯，所以專程到這裏嘗嘗。 入到鋪頭先到櫃面點完菜和俾錢， 然後就可以搵坐位，店員會送上牛肉麵。因為食得太飽的關係所以我們只點了細碗牛肉麵，但分量都不算小啊。香濃的牛肉湯底， 麵條有咬口煙韌彈牙，牛肉炆得好林，肉質嫩口，味道果然唔錯。 枱上放滿不同種類的醬料還有蒜頭， 客人可以隨著自己的喜好來調教自己喜歡的味道。 這間牛肉麵是24小時經營的，價錢經濟實惠， 牛肉麵做得唔錯。除咗牛肉麵之外，還有一些小食， 但當日太飽的關係所以沒有試了。如果大家到台灣想試下當地的牛肉麵可以到這裏啊！