Video
Read full review
2024-02-20
9 views
相隔幾年再臨台北，唔再只係去夜市、任食火鍋，仲去試咗啲高檔少少又性價比高嘅食肆。今次未到台北已經book定呢間火鍋，呢間火鍋主打花膠雞鍋，如果要呢個鍋就要喺預訂嗰陣決定。✍🏼黃金花膠雞湯鍋（連玉米雞）NT$3200湯底好濃郁，一口氣連飲幾碗，店員仲會幫手碌花膠同將隻雞起骨👍✍🏼海王海后海鮮拼盤NT$480頗新鮮😁✍🏼手工頂級鍋料拼盤NT$320幾有驚喜嘅一碟丸，蛋餃好juice，芋頭貢丸同芹菜脆丸都好好味😇淨係食個花膠雞鍋已經好飽，同埋覺得個湯碌牛同豬都唔係咁夾，所以淨係叫咗海鮮同啲丸。值得讚嘅係加湯係加番花膠湯，但我哋都覺得隻雞有啲鞋，唔值得為咗隻雞加NT$1000。總括嚟講，試過一次就夠，台北有咁多美食，唔使返兜呢間😂
今次未到台北已經book定呢間火鍋，呢間火鍋主打花膠雞鍋，如果要呢個鍋就要喺預訂嗰陣決定。
✍🏼黃金花膠雞湯鍋（連玉米雞）NT$3200
湯底好濃郁，一口氣連飲幾碗，店員仲會幫手碌花膠同將隻雞起骨👍
✍🏼海王海后海鮮拼盤NT$480
頗新鮮😁
✍🏼手工頂級鍋料拼盤NT$320
幾有驚喜嘅一碟丸，蛋餃好juice，芋頭貢丸同芹菜脆丸都好好味😇
淨係食個花膠雞鍋已經好飽，同埋覺得個湯碌牛同豬都唔係咁夾，所以淨係叫咗海鮮同啲丸。值得讚嘅係加湯係加番花膠湯，但我哋都覺得隻雞有啲鞋，唔值得為咗隻雞加NT$1000。
總括嚟講，試過一次就夠，台北有咁多美食，唔使返兜呢間😂
Post