米家廚房

Open Now

Now Closed

好想搵間cafe 坐下，又想食好味既意粉，見到評語話呢間唔錯，就走入去試下啦。一入店內，粉粉味濃郁，好似幾好食咁。餐牌有好多唔同嘅意粉同埋飯嘅選擇，亦可以錢變套餐，配自己喜歡既選擇。男朋友叫咗個忌廉白菌雞柳羅勒燴飯，加配套餐，有餐包，餐湯，飲品同甜品。而我就叫咗個南瓜海鮮意大利粉，加配餐包同飲品。餐湯只有一款，應該係羅宋湯，較清淡但味道不錯。個意大利粉好juicy，啖啖都有香濃南瓜汁味，配埋不同既海鮮，感覺好豐富。至於個燴飯，每啖都充滿了洋蔥、羅勒同濃郁既忌廉香味，一個人食會感覺有點膩，兩人分享就剛剛好。隨意走入去既店鋪，果然有驚喜。哈哈。