Video
Read full review
2018-01-08
134 views
早幾年黎台灣經常聽到鼎王、無老鍋，不過當時試左後者，事實上兩間係同一集團，而家問香港人食咩麻辣鍋，十個有九個都答無老鍋。今次之行，一共喺台中停留4日，原本只係安排左燒肉同火鍋各一次，不過第三日喺夜市只係掃街，冇正經坐低食飯，所以未食飽。 喺台北去到宵夜時間，不論火鍋定燒肉都有好多選擇，但台中感覺上冇咁多，向住麻辣火鍋方向搵，原來好多都收得幾早，最終揀左鼎王台中鼎王有3間分店，其中兩家營業到凌晨兩點半，有一家更加開到早上六點，啱哂一眾夜鬼。呢間分店面積非常大，有卡座、大枱，樓底高，空間感足，一邊食野仲會聽到流水聲，幾舒適。其實喺環境、餐牌、價錢、味道、服務同我去過嘅無老鍋相近。價錢喺台灣我諗都算中等價吧，平過佢嘅有大把，貴嘅亦大有鍋在。由於我地已經食左野兼只有兩人，就唔係點左好多款式麻辣鍋 NT108/位每枱最低消費NT650，鍋底以人頭計算，每個人都要俾，可選酸菜白肉鍋或者麻辣鍋，收費NT108/位，相拼加錢。湯底已包鴨血、豆腐任添，我地點左少辣，辣度溫和，唔會好似川式火鍋咁，見到大量花椒、辣椒，味道係香辣不麻，唔會太油膩。添加嘅湯底都一樣係麻辣湯，唔會愈食愈淡。豆腐非常入味，鴨血好大
今次之行，一共喺台中停留4日，原本只係安排左燒肉同火鍋各一次，不過第三日喺夜市只係掃街，冇正經坐低食飯，所以未食飽。
喺台北去到宵夜時間，不論火鍋定燒肉都有好多選擇，但台中感覺上冇咁多，向住麻辣火鍋方向搵，原來好多都收得幾早，最終揀左鼎王
台中鼎王有3間分店，其中兩家營業到凌晨兩點半，有一家更加開到早上六點，啱哂一眾夜鬼。呢間分店面積非常大，有卡座、大枱，樓底高，空間感足，一邊食野仲會聽到流水聲，幾舒適。其實喺環境、餐牌、價錢、味道、服務同我去過嘅無老鍋相近。
價錢喺台灣我諗都算中等價吧，平過佢嘅有大把，貴嘅亦大有鍋在。由於我地已經食左野兼只有兩人，就唔係點左好多款式
麻辣鍋 NT108/位
每枱最低消費NT650，鍋底以人頭計算，每個人都要俾，可選酸菜白肉鍋或者麻辣鍋，收費NT108/位，相拼加錢。
湯底已包鴨血、豆腐任添，我地點左少辣，辣度溫和，唔會好似川式火鍋咁，見到大量花椒、辣椒，味道係香辣不麻，唔會太油膩。
添加嘅湯底都一樣係麻辣湯，唔會愈食愈淡。豆腐非常入味，鴨血好大件，又夠滑溜，我地都添加左幾轉
麻辣鍋
25 views
0 likes
0 comments
配料有肉類、內臟、手打丸、餃滑、海鮮、蔬菜、麵食等，海鮮類有草蝦、墨魚片、鯛魚片、蟹管肉等，部分款式有相拼，但蟹管肉只有單點。
特選去骨鮮牛 NT360
擺放整齊，一卷卷咁，約有15、6片，畢竟唔係任食，質素都唔會太差。牛肉切成薄片，脂肪均勻，肥瘦相隔，牛味係有，但麻辣湯底就點都會有少少蓋過牛味。牛肉薄而腍身，唔會乾柴
特選去骨鮮牛
28 views
0 likes
0 comments
特選去骨鮮牛
22 views
0 likes
0 comments
嚴選草蝦 NT289/8隻
冇諗住過質素咁一般，唔推薦草蝦，size又唔係大隻，蝦肉未至於霉，但感覺係唔新鮮，唔爽
嚴選草蝦
31 views
0 likes
0 comments
蟹管肉 NT160
呢個反而幾唔錯，蟹肉幾好肉地，我諗有廿零粒，口感爽彈，亦都唔貴
蟹管肉
32 views
0 likes
0 comments
蟹管肉
45 views
0 likes
0 comments
品蟹滑膏 NT99/特價
用上花枝、旗魚、豬雞肉、蟹管肉等做成，價錢都反映質素，蟹味唔濃，都係花枝口感，膠質唔重，偏腍，純粹價錢唔貴
品蟹滑膏
38 views
0 likes
0 comments
干貝滑 NT278
有比較普通嘅墨魚滑啊、蝦滑，我地點左較少見嘅干貝滑。用上花枝、干貝製成，有明顯瑤柱口感同味道，但都係唔夠彈牙。
干貝滑
27 views
0 likes
0 comments
娃娃菜 NT100
娃娃菜
23 views
0 likes
0 comments
烏龍茶 NT70
烏龍茶
28 views
0 likes
0 comments
散點同吃到飽，除左喺食物質素上，環境同服務都係最大差異，鼎王始終係精品鍋，環境舒適，出哂名服務好，上菜整個90度鞠躬。
因為地喺夜市食完野先黎，就唔係點左好多野，埋單連加一，人均二百多港幣，可以接受啦。環境服務係吃到飽不能比較的。
Post
