Video
Read full review
2019-04-01
94 views
真係估唔到呢間野都喺OpenRice 度搵得到，咁又唔其，好似都有啲名人幫襯下，牆上邊有簽名，起碼見到有蘇貞昌。相信間餐廳主要做街坊生意，所以要等位。因為同台灣嘅朋友一齊食飯，所以就唔好意思影相。睇價錢都估到碟頭唔大，一隻碟大概等於成人嘅手掌（手指攤直）咁大。菜牌上有炸喜相逢，喜相逢即係我哋香港叫嘅多春魚。本姑爺覺得個脆槳太厚啦。同理，個炸蚵仔（細隻嘅生蠔）都係因為個脆槳太厚而唔係咁好食。炸蝦仁都係一樣，我懷疑個法人係用雪藏蝦，所以無蝦味。炸豆腐就係炸比較細粒嘅豆腐，食唔到豆腐嘅軟林林感覺，同香港食避風塘炒蟹餐廳嘅咋豆腐唔一樣。呢度嘅紅燒肉唔係我哋係香港食到上海菜嘅紅燒肉，反而佢係似燒味舖嘅燒肉。鯊魚煙冇乜味，只係有少少嘅煙味。燙青菜就係熱水淥熟嘅菜。咁樣燙魷魚，唔使講你都知係點喇。如果唔介意食大腸、豬皮呢啲內臟嘅話，我覺得大腸同豬皮都好食，豬皮都好似係就咁焯熟，冇肥膏。香菇肉粥幾好食，個湯（粥水）係可以添嘅，但係據問有味精，所以我就冇添到。總括來講呢度係食平民野，我唔覺得有特別嘅廚藝，特登嚟就唔好啦，唔試都冇損失，雖然有名人嚟過。
相信間餐廳主要做街坊生意，所以要等位。因為同台灣嘅朋友一齊食飯，所以就唔好意思影相。
睇價錢都估到碟頭唔大，一隻碟大概等於成人嘅手掌（手指攤直）咁大。
菜牌上有炸喜相逢，喜相逢即係我哋香港叫嘅多春魚。本姑爺覺得個脆槳太厚啦。同理，個炸蚵仔（細隻嘅生蠔）都係因為個脆槳太厚而唔係咁好食。炸蝦仁都係一樣，我懷疑個法人係用雪藏蝦，所以無蝦味。炸豆腐就係炸比較細粒嘅豆腐，食唔到豆腐嘅軟林林感覺，同香港食避風塘炒蟹餐廳嘅咋豆腐唔一樣。
呢度嘅紅燒肉唔係我哋係香港食到上海菜嘅紅燒肉，反而佢係似燒味舖嘅燒肉。
鯊魚煙冇乜味，只係有少少嘅煙味。燙青菜就係熱水淥熟嘅菜。咁樣燙魷魚，唔使講你都知係點喇。
如果唔介意食大腸、豬皮呢啲內臟嘅話，我覺得大腸同豬皮都好食，豬皮都好似係就咁焯熟，冇肥膏。
香菇肉粥幾好食，個湯（粥水）係可以添嘅，但係據問有味精，所以我就冇添到。
總括來講呢度係食平民野，我唔覺得有特別嘅廚藝，特登嚟就唔好啦，唔試都冇損失，雖然有名人嚟過。
Post
