去完小琉球潛水，出返去高雄機場附近新開嘅商場，嗰度唔單止有好多舖頭shopping，仲有好全面嘅機舖，最正係佢有好多唔同餐廳選擇👍🏻鐵板燒係香港不嬲都價錢會較貴，但難得係台灣見到一個平靚正，而且睇落質素唔錯嘅鐵板燒餐廳可以選擇，緊係即刻去試試。餐牌上面太多野選擇，所以決定叫左一個套餐set，咁就乜都唔使諗。。極緻饗宴雙人套餐 (NT$1280 = HK$320)- 紐西蘭菲力牛排/ 醬燒松阪豬拌菌菇 (二選一)最終選擇左菲力牛扒，要三成熟。冇諗過牛扒都幾厚身，而呢個三成熟啱啱好，好夠牛味之外，油脂都幾充足，所以都幾Juicy。- 原味椒鹽脆皮雞排呢個係超級推介，因為雞扒唔止好厚身，而且調味好夠，外皮煎得好脆口，而裏面肉質好嫩滑，好香口。- 午仔魚一夜干完整成條魚，魚唔止好鮮，而且魚肉好滑身，外皮煎得好香，整體唔錯。- 生食級北海道干貝橢圓形外型，肉質好厚實，味道較淡，但都好鮮。- 海老大草蝦幾大隻之外，蝦肉都好鮮。- 鹽酥椒鹽中卷正常發揮- 例湯 (麵豉湯)- 季節時蔬- 暢飲飲料回頭指數: ⭐️⭐️⭐️食物質素: 🌮🌮🌮服務質素: ☺️☺️☺️消費指數: 💰💰(TTL $320，人均消費$160)環境質素: ☘️☘️☘️☘️* 凱蒂諾鐵板燒 SKM park outlets 高雄草衙 同類餐廳 #cocofood_日本菜同區餐廳 #cocofood_高雄如果你鍾意我既分享，按右上角🔔，就可以睇到我所有既update…Read More
