更多
2017-05-23
573 瀏覽
同事去完台北旅行嘅手信,當然會有鳳梨酥,成日食到鳳梨酥,多少都有啲偏好,同事話呢間餅店除鳳梨酥仲有好多款式(連嫁女餅都有)而且為保證品質,全台灣只有一間分店!(另一間在上海)呢間餅店未食過,包裝幾靚,大紅色紙盒搶眼,入面鳳梨酥獨立包裝,黃色膠袋有大大個菠蘿,紅撞黃色好搶眼!打開一個袋,幾香牛油味,曲奇皮鬆脆,入面嘅菠蘿餡較沉色,見到一絲絲餡!食到一絲絲質感,菠蘿餡甜膩,又唔會無晒菠蘿味!好食!每次同事去完旅行都祈待有唔同嘅手信!可以試到唔同風味!
張貼