來特冰淇淋 (松山區)

來特冰淇淋都係口袋名單，加上位置方便，就喺差唔多出發去機場前品嚐了，挺推薦小店鄰近國父紀念館站，松山文創園區附近，仲記得上年同朋友黎過松山園區，手作左音樂盒，估唔到事隔年幾，已經熱鬧左好多，週六仲有市集。甜品店外型感覺有啲古早味、樸實，但又加添左啲乾燥花、文青佈置。因為網絡上都唔少人介紹佢地嘅冰，吸引不少人前來。


餐牌供應雪糕、雪泥、蒟蒻凍、冰類、湯丸、騷冷冰等，價錢貼地。
騷冷冰 NT80
夏天的話係食粉粿冰，騷冷冰係冬季限定款，分成兩碗上枱，營造冷熱交融。
一碗係紅豆、紫米配手工黑糖清冰，份量不少。另一碗係自家製手工四色湯圓，認真數過有成十幾粒架。
湯圓好特別，又靚又好食，口感煙韌有咬口，暖暖地，各種顏色係食到明顯味道，就算係原味，都有少少甜甜地，性價比好高啊
難怪咁多人推介，唔同顏色當然係不同口味，來自天然植物萃取，黃色係山梔子；粉紅色嘅紅麴；粉藍色嘅蝶豆花，而白色係原味。
紅豆香甜，煮得夠綿，刨冰同大部分台式刨冰一樣，唔算好細碎，要好似剉冰咁剉住食。

​Ice拼盤 NT150
以檸檬清冰墊底，配上8粒雪糕球，計番就約40蚊左右，當然冇騷冷冰、燒蒟蒻咁受歡迎。
雪糕有草莓、雲呢拿、芒果、山渣口味等，質地滑溜，不易溶化。檸檬味刨冰酸度高，好似雪葩咁，醒胃到爆

壽司爸 (大安區)

價廉物美，又有意欲喺番香港前回訪，於是我地食完吐司就襯空檔打電話去小店，睇下有冇位。
知這小店很小，又受歡迎，仲要喺週六，唔想撲空；由未開店就打電話，最終得知喺12pm仲有兩個位，就拿拿聲預約，真幸運
準時去到，都已經見到5、6個人喺門口等位了！(人氣不是蓋的)

蛤蜊味噌湯 NT50
上次都已經講過非常抵飲，多料，十零粒蛤蜊，唔係空殼啊，粒粒有肉，清甜




烤杏鮑菇 NT120
烤杏鮑菇都冇失望，切成九片，厚身，加上醬汁、京蔥、七味粉烤，菇汁爽脆多汁小食相對丼飯當然冇咁平，加少少錢就食到飯喇。


火焰丁丁丼 NT170
呢款係熟食丼，裡面嘅魚生都火炙過，三文魚腩、玉子、飛魚籽等，一路製作已經聞到陣陣魚油香。
魚生粒絕對唔係爛蓉蓉，賣唔去嗰啲，好有誠意。飯量足，以醬汁調味，非常美味
話說回來，NT300嘅比目魚穴子丼又係抵到爆炸！比目魚火炙起來真係冇得輸。



生魚片丼 NT160
大約港幣43蚊，莫講話香港啦，喺台北都唔知有冇其他地方食到。裡面有四款生魚片、飛魚籽、玉子，加左好多京蔥。
飯粒酸度適中，唔算好大碗，飯量不少，作為午餐，飽肚有餘
話說回來，NT350嘅豪華海鮮丼真係抵到爆炸，個碗又大啲，魚生又多幾款！
我諗番到香港每次食魚生飯，都會諗起壽司爸！

早安日和炭烤吐司專門店 (大安區)

整個旅程的最後一天，本來想去位於西門嘅吐司，可能週六關係，不論本地人、遊客都非常多，招牌吐司要等接近一小時。其他款式唔洗等咁耐嘅，但唔食招牌咪又係三文治一份。我就唔太喜歡浪費時間等候，所以離開了。喺網上搵到另一間吐司店，早安日和炭烤吐司專門店位於捷運忠考復興站，小店位置唔算顯眼，被住宅包圍，附近有滷味、雞扒店

早上11點鐘，就未有好似金花嘅長長人龍，但都見到有唔少本地人等候吐司。店內有三張高枱櫈，門外有兩張枱，坐唔坐到就等天時地利人和，主要做外帶生意。本來我地都點左外帶，但突然有位，馬上衝，然後乖乖好快食完就走。哈。
餐牌供應吐司，有十幾固定款式，亦可自選配料，主要是芝士、培根、牛肉、豬排、燻雞、煙三文魚、粟米、香腸、蔬菜、蛋等混搭，定價NT30-80。亦有供應蛋餅，定價NT25-55。套餐另加錢可配紅茶牛奶或者豆乳，牛乳標明用上農場送來嘅鮮奶。


起司培根牛總匯 NT80
已經係餐牌上最貴的，很令人感動嘅價錢。
吐司即時炭烤，需時等候，加上只有老闆一人製作，差唔多20分鐘到手。
拜託店主幫我地切成一半，方便食用。將兩件吐司壘起，滿滿材料，有雞蛋、芝士、蕃茄、牛肉、青瓜。
吐司表面烤到幾香，因為比較大份，唔能夠一次放入口，我都係拆件食。
青瓜切成絲，口感更加豐富；牛肉即煎，比較薄身，但都唔韌唔老。芝士半溶，味道亦係預期之中。
唔係唔好食，但唔會感覺驚豔，就係家常吐司味道。喺台北有咁多吐司店，未必要專程來。(笑)

不要對我尖叫 台北中山店 (中山區)

繼續吸入台式飲料，呢間係其中比較新，由丫頭投資，位於中山站，裝潢文青fu，簡約線條畫出標誌，霓虹燈牌吸引好多人前來打卡。




餐牌選擇不多，有原茶、花茶、抹茶、牛奶、可爾必田、冬瓜等，定價NT40-80。
配料NT10可加：爆漿珍珠、白玉、地瓜芋圓、奶蓋等。飲品唔算特別平，但杯子比較高身，可以接受。

可可牛奶 加爆漿珍珠 NT70
味道只是還好，可可同牛奶比例半半，奶香一般，可可唔夠濃郁。
爆漿珍珠幾新奇，屬於大粒，咬落會咇啲百香果汁出黎。
好唔好食見仁見智，如果為煙韌而點珍珠，相信會失望


冬瓜菊花 NT40
睇番好多人話係招牌，影相效果不俗，有明顯分層。
杯底有一朵朵菊花，然後有冬瓜茶、糖漿咁，都有清香菊花味。
但並沒有很特別嘅記憶點，幸好唔會太甜。

剛好遇上佢地影宣傳照。

吽Home燒肉Grill & Bar 市民店 (大安區)

吽Home燒肉位於大安區，在網路評語不俗，本來是看到介紹，想要來吃套餐，可惜他們已經換了餐牌，取消了套餐，一律單點，幸好不貴餐廳位置頗多，裝潢走工業風，一邊吧枱，一邊大枱，有點像酒吧。如果坐吧枱，會有店員專門招呼、代烤。坐其他大枱也放心， 雖然店員都很繁忙，但遇到難烤的，或者看到客人有需要，都會主動幫烤



餐牌供應前菜、蔬菜、黑毛和牛、牛肉、羊肉、豚肉、雞肉、海鮮、飯類、湯品等，單價不高，跟一般居酒屋差不多，而份量不會太多，那麼即便人少，也可以多嚐幾款。


看我們沒有什麼頭緒，店員都有作出介紹，因為我們一整天都吃了好幾餐，大概晚上十點鐘才來到吃宵夜，並沒有點太多，就淺嚐，連飲品、加一服務費就吃了NT1500，兩位。
點餐後，店員幫我們準備好炭爐，炭爐烤特別有風味。頭頂上有一顆大燈，讓食物看起來更吸引！
牛肉特選組合 NT480
店員的推薦，這組有特製鹽醬牛肉、松露角切牛小排、特級無骨牛小排。因為是組合，我相信每款份量應該比單點來得少，作為參考，牛肉類單價NT160-320。特選組合擺盤精緻，牛肋條做成花的形狀，烤肉店居然也用乾燥花，可見乾燥花的用途很廣很無敵


三款牛肉味道也不錯，無骨牛小排肉質結實，嚼勁十足，牛味濃郁，簡單用鹽醬調味已經很出色

以往在香港燒烤很少會點牛粒，比較抗拒，因為牛粒不容易烤熟，又容易濃。這邊店員有幫忙烤肉，所以肉沒有被我們搞跨(哈)。
松露牛小排就是牛柳粒，口感嫩腍，完全不老不韌，肉汁豐富，松露味道不會蓋過肉香

鹽醬牛已醃過，脂肪較牛小排多點，分佈平均，共四片，厚薄適中，最腍身是這款。
畢竟用醬醃成，會比較重口味，所以吽的肉類，基本上不用沾醬料。
鹽蔥牛五花 NT185
有六片，已醃漬及鋪滿蔥花，牛五花入口不會很油膩，烤一下就熟，將兩邊連蔥花夾起，簡單美味





嚴選厚切松板豬 NT180
有六小條，這款是鹽醬，還有另一款用上椒鹽醃。松板豬口感爽脆

起司奶香雞腿肉 NT130
這邊用新鮮雞肉，除骨去皮，約有六、七件，配上芝士忌廉。雞肉連芝士醬一起慢火烤，待溶化後淋上雞腿肉。

這份雞肉是店員幫我們烤，烤得外脆內軟，雞肉嫩腍不乾柴，芝士味道香濃，帶點奶油香，難怪店員說這個是招牌之一，建議要點啊



北海道干貝 NT180
共兩大粒，預先加上黑椒、白芝麻，烤熟後大小也差不多，沒有縮水。貝肉嫩腍，價錢也可以接受啊。
Home日式烤飯團 NT60
烤飯團已經烤好上桌，沾上海苔粉，飯粒經炭火烤至焦脆，飯團中還有三文魚肉，煙煙韌韌，60台幣，很划算。

飲料：